agriculture news in marathi eatable leaf deal start, sangli, maharashtra | Agrowon

आरग येथे नागिलीच्या पानांचे सौदे सुरू
टीम अॅग्रोवन
मंगळवार, 21 मे 2019

दोन वर्षांत पानाला अपेक्षित दर मिळाला नाही. त्यामुळे पान उत्पादक मेटाकुटीला आले. पण, यंदा हंगामाची आशादायक सुरवात झाली आहे. सौद्यांच्या निमित्ताने गावातच व्यापारी येतील व शेतकऱ्यांना चांगला दर मिळेल अशी अपेक्षा आहे. 
- भाऊसो नागरगोजे, नरवाड, ता. मिरज.

सांगली  ः कधीकाळी खाण्यासाठी वापरण्यात येणाऱ्या नागिलीच्या पानांचे आगार असलेल्या आरग पंचक्रोशीतील पानमळे अस्तित्वासाठी संघर्ष करत आहेत. काही शेतकऱ्यांनी तोट्याचे गणित सोसून पानमळे जोपासले आहेत. या आगारात दोन दिवसांपूर्वी पानांचे सौदे सुरू झाले. गेल्या दोन वर्षांपेक्षा चालू हंगामात दर चांगले मिळू लागले आहेत. सध्या १२ हजार पानांना १००० ते ४००० रुपये असा दर मिळत असल्याने हा प्रारंभ पान उत्पादक शेतकऱ्यांना दिलासा देणारा ठरला आहे. 

संपूर्ण महाराष्ट्रात मिरज पूर्व भागातील पाने प्रसिद्ध आहेत. चव, टिकाऊपणामुळे ही पाने अजूनही भाव खाऊन असतात. पंधरा-वीस वर्षांत पानमळ्यांना घरघर लागली. त्यांची जागा ऊस, द्राक्षे, केळी आणि भाजीपाल्याने घेतली. निसर्गाची आणि व्यापाऱ्यांची मनमानी सोसत पानमळे जोपासायचे म्हणजे जोखीमच होती. आरग पंचक्रोशीत पानमळ्यांचे अस्तित्व संपत आले तरी नरवाड, बेडगमध्ये मात्र अजूनही मोठ्या संख्येने पानमळे आहेत.

यापूर्वी पानांचे डाग आणि डप्पी राज्यभरातील विविध शहरांत पाठवले जायचे. तेथे लिलाव किंवा सौदे होऊन शेतकऱ्यांना बिले पाठवली जायची. गेल्या पाच-सात वर्षांत बेडगमध्येच व्यापाऱ्यांनी पानसौदे सुरू केले. त्यांना चांगला प्रतिसाद आहे. पंढरपूर, नागपूर, कोल्हापूर, पुणे, रत्नागिरी, सोलापूर आदी शहरांतून व्यापारी येतात व पाने घेऊन जातात. आता आरगमध्येही सौदे सुरू झालेत. बेडगमधील व्यापाऱ्यांनीच आरगेत प्राथमिक शाळेसमोर दररोज संध्याकाळी लिलाव सुरू केला आहे.

प्रत्येक मंगळवार, गुरुवार व रविवारी ते होतील. प्रारंभप्रसंगी माजी जिल्हा परिषद सदस्य प्रकाश देसाई, मल्लिकार्जुन कंगुणे, बयाजी कोरे, माजी सरपंच एस. आर. पाटील, नितीन खरमाटे, वसंत कोरबू आदी उपस्थित होते. गावातच सौदे सुरू झाल्याने पान उत्पादक शेतकऱ्यांना पानांचे डाग बाहेर पाठवावे लागणार नाहीत. राज्यभरातील व्यापारी गावातच येणार असल्याने समोरासमोर पानांची किंमत ठरेल. तुलनेने चांगला दर मिळेल. 
 

इतर ताज्या घडामोडी
मराठवाड्यातील ११ मंडळांत जोरदार पाऊसऔरंगाबाद : मराठवाड्यातील ४२१ मंडळांपैकी ३८४...
`प्रक्रिया उत्पादनांवरील १२ टक्के...रत्नागिरी : कोकणातील फळ उद्योगांसाठी...
सांगली जिल्हा बॅंकेच्या ऑनलाइन परिक्षा...सांगली : जिल्हा बॅंकेतील कनिष्ठ लिपिक पदाच्या...
कापूस उत्पादकांचा दसऱ्याचा मुहूर्त...अकोला  ः ऑगस्टच्या शेवटच्या आठवड्यापासून...
पहुर्जीरा गावात पाण्यात बैलगाडी उलटलीबुलडाणा  : जिल्ह्यातील खामगाव तालुक्यात...
चांदा ते बांदा योजनेअंतर्गत विविध करारः...मुंबई: राज्यात चांदा ते बांदा योजनेअंतर्गत...
पुणे जिल्ह्यात हलक्या ते मध्यम...पुणे ः गेल्या चार ते पाच दिवसांपासून पुणे...
मालेगाव तालुक्यात पावसामुळे पिके भुईसपाटनाशिक : मालेगाव तालुक्यातील सौंदणे गावाच्या...
पुणे जिल्ह्यात दोन हजार ३५४ पीककापणी...पुणे ः पिकांची उत्पादकता आणि पीकविमा नुकसानभरपाई...
छावण्या सुरू ठेवण्यासाठी शेवगावात आंदोलननगर ः शेगाव तालुक्यातील बहुतांश गावांमध्ये अजूनही...
आघाडीचे सरकार आल्यास सरसकट कर्जमाफी ः...जालना : केंद्र आणि राज्य सरकारच्या चुकीच्या...
नगरमध्ये कांदा प्रतिक्विंटल कमाल पाच...नगर : नगर तालुका कृषी उत्पन्न बाजार समितीच्या...
नाशिकच्या सभेत पंतप्रधानांकडून ज्वलंत...नाशिक : मुख्यमंत्री देवेंद्र फडणवीस यांच्या...
साताऱ्याच्या दुष्काळी भागात दुसऱ्या...सातारा : जिल्ह्यातील दुष्काळी माण, खटाव तालुक्‍...
विधानसभा निवडणुकीसाठी मनसे १०० जागा...मुंबई : आगामी विधानसभा निवडणुकीत महाराष्ट्र...
विधानसभा निवडणुकीच्या आचारसंहितेची...मुंबई ः चौदाव्या विधानसभा निवडणुकीची आचारसंहिता...
परभणीत शेवगा ३५०० ते ५००० रुपये...परभणी : येथील पाथरी रस्त्यावरील फळे भाजीपाला...
उन्हाळ कांद्याचा आलेख चढाचनाशिक : मागील दोन आठवड्यांपासून उन्हाळ कांद्याची...
औरंगाबाद, जालना जिल्ह्यांत पावसाचा कमी-...औरंगाबाद  : मराठवाड्यातील ४२१ पैकी तब्बल २७५...
कोल्हापूर, सिंधुदुर्गात पावसाची रिपरिपकोल्हापूर, सिंधुदुर्ग : सप्टेंबरच्या पहिल्या...