मराठवाड्यात पावसामुळे शेतकऱ्यांचे अर्थकारण कोलमडले

औरंगाबाद, नांदेड : मराठवाड्यात ४२१ पैकी ३०१ मंडळांत मंगळवारी (ता. २२) सकाळी आठ वाजेपर्यंत हलका ते जोरदार पाऊस झाला. जालना, परभणी, लातूर, बीड जिल्ह्यांतील ७ मंडळांमध्ये अतिवृष्टी झाली. सततच्या पावसामुळे शेतामध्ये कापून ठेवलेल्या सोयाबीन पिकाचे मोठे नुकसान झाले. ज्वारीची कणसे काळी पडली. बोंडातून फुटलेला कापूस जमिनीवर गळून पडला. या नुकसानीमुळे शेतकऱ्यांचे अर्थकारण कोलमडले. 

बोंडातील कापसाची वेचणी करणे कठीण झाले आहे. नांदेड जिल्ह्यातील नायगाव, देगलूर, लोहा, मुखेड, कंधार, बिलोली, मुदखेड, नांदेड, भोकर, उमरी, धर्माबाद आदी तालुक्यातील अनेक मंडळे, परभणी तालुक्यातील पिंगळी मंडळातील कारेगाव, पूर्णा तालुक्यातील लिमला, ताडकळस, पूर्णा, चुडावा, कात्नेश्वर, सेलू तालुक्यातील सेलू, देऊळगाव, वालूर, चिकलठाणा, कुपटा, पाथरी तालुक्यातील पाथरी, हदगाव, पालम, गंगाखेड, जिंतूर, सोनपेठ, परभणी तालुका, हिंगोली जिल्ह्यातील वसतम, कळमनुरी, औंढानागनाथ, सेनगाव, हिंगोली तालुक्यातील शेतकऱ्यांचे पावसामुळे मोठे नुकसान झाले.

औरंगाबाद जिल्ह्यातील ६५ पैकी ३१, तर जालना जिल्ह्यातील सर्व ४९ मंडळांमध्ये हलका ते जोरदार पाऊस झाला. जाफराबाद तालुक्यातील टेंभुर्णी आणि अंबड तालुक्यांतील वडीगोद्री मंडळामध्ये अतिवृष्टी झाली. परभणी जिल्ह्यातील ३९ पैकी ३४, तर हिंगोली जिल्ह्यातील ३० पैकी ३, नांदेड जिल्ह्यातील ८० पैकी ४०, लातूर जिल्ह्यातील ५३ पैकी ५१, उस्मानाबाद जिल्ह्यातील ४२ पैकी ३५, तर बीड जिल्ह्यातील ६३ पैकी ५८ मंडळांत  हलका ते जोरदार पाऊस झाला. वडवणी आणि कौडगाव मंडळामध्ये अतिवृष्टी झाली.

मंडळनिहाय पाऊस (२० मि.मी पुढे) :