agriculture news in Marathi edible oil import down by 12 percent Maharashtra | Agrowon

खाद्यतेल आयातीत १२ टक्के घट

टीम अॅग्रोवन
रविवार, 22 नोव्हेंबर 2020

खाद्यतेल आयात ११.६० टक्क्यांनी घटली असून, गेल्या वर्षीच्या १४९.१ लाख टनांच्या तुलनेत यंदा १३१.८ लाख टन आयात झाली आहे.

पुणे ः देशात २०१९-२० (नोव्हेंबर ते ऑक्टोबर) मध्ये वनस्पती तेलाची आयात १३ टक्क्यांनी कमी होऊन १३५.३ लाख टन झाली आहे. गेल्या वर्षी १५५.५ लाख टन आयात झाली होती. तर खाद्यतेल आयात ११.६० टक्क्यांनी घटली असून, गेल्या वर्षीच्या १४९.१ लाख टनांच्या तुलनेत यंदा १३१.८ लाख टन आयात झाली आहे. खाद्यतेलाचा सर्वाधिक वापर होणारी हॉटेल्स, रेस्टॉरंट, लग्न, समारंभ एप्रिलपासून लॉकडाउनमुळे बंद असल्याने मागणी कमी झाली, तर सणांमुळे घरगुती वापर वाढल्याने सोयाबीन आणि सूर्यफूल तेलाची मागणी वाढली. परिणामी या तेलांची आयात वाढली आहे. 

सॉल्व्हेंट एस्ट्राक्टर असोसिएशन ऑफ इंडियाने (एसईए) प्रसिद्ध केलेल्या पत्रात म्हटले आहे, की देशातील लॉकडाउनमुळे वनस्पती तेलाचा वापर कमी झाला आहे. याचा परिणाम तेल आयातीवर झाला. २०१८-१९ या तेल वर्षात वनस्पती तेलाची आयात १५५.५ लाख टन झाली होती. मात्र यंदा देशात एप्रिल महिन्यापासून लॉकडाउन झाल्याने सर्वच क्षेत्रे ठप्प झाली होती. 
खाद्यतेल आयातीत रिफाइंड, ब्लिच्ड आणि गंधमुक्त पामतेल (आरबीडी) आणि कच्च्या पामतेलाचा वाटा मागील वर्षी एकूण आयातीच्या तब्बल ६३ टक्के होता, यंदा यात घड होऊन ४८ टक्के झाला आहे. गेल्या वर्षीच्या तुलनेत यंदा रिफाइंड तेलाची आयात कमी झाली आहे. त्याचा फायदा देशातील तेल रिफायनरींना झाला आहे. 

प्रकारानिहाय खाद्यतेल आयात (लाख टनांत)

प्रकार २०१९-२० २०१८-१९
आरबीडी पामतेल ४.२१ २७.३१
कच्चे पामतेल ६६.६६ ६५.३४
सीपीकेओ १.३० १.४४
सोयाबीन तेल ३३.८४ ३०.९४
सूर्यफूल तेल २५.१९ २३.५१
मोहरी तेल ०.५५ ०.५९

सहा वर्षांतील नीचांकी आयात
देशात यंदा खाद्यतेलाची गेल्या सहा वर्षांतील नीचांकी आयात झाली आहे. गेल्या सहा वर्षांत २०१६-१७ मध्ये सर्वाधिक १५०.७७ लाख टन खाद्यतेल आयात झाली होती. तर यंदा सर्वांत कमी १३१.७५ लाख टन आयात झाली आहे. 

वर्षनिहाय खाद्यतेल आयात (लाख टनांत)
२०१९-२०: १३१.८
२०१८-१९: १४९.१
२०१७-१८: १४५.१
२०१६-१७: १५०.८
२०१५-१६: १४५.७
२०१४-१५: १४४.२

एकूण आयातीतील रिफाइंड तेलाचा वाटा (टक्क्यांत)
२०१९-२०:

२०१८-१९: १८
२०१७-१८: १५
२०१६-१७: १९
२०१५-१६: १८

खाद्यतेल आयातीचा परिणाम

  • २०१९-२० च्या मध्यानंतर मागणी घटल्याने आयातीवर परिणाम
  • गेल्या वर्षी केंद्र सरकारने ‘आरबीडी’ पामतेल आयातीवरील शुल्क ५ टक्क्यांनी वाढविले, त्यानंतर ८ जानेवरी २०२० रोजी या तेलाच्या आयातीवर बंधने घातली. परिणामी, ‘आरबीडी’ पामतेलाची आयात यंदा ४.२१ लाख टनांवर आली आहे. जी गेल्या वर्षी २७.३० लाख टन होती.
  • घरगुती वापर वाढल्याने सोयाबीन आणि सूर्यफूल तेलाची मागणी वाढली आहे. त्यामुळे या दोन्ही तेलांची आयात वाढली. 
  • ‘आरबीडी’ पामोलीनची निर्यात कमी झाल्याने देशांतर्गत रिफानरींची क्षमता वापर वाढला आहे. गेल्या वर्षी देशातील रिफायनरी केवळ ४० ते ४५ टक्के क्षमतेने सुरू होत्या. यंदा त्या ५५ ते ६० टक्के क्षमतेचा वापर करत आहेत. 

प्रतिक्रिया
देशात लॉकडाउनमुळे हॉटेल्स, रेस्टॅरंट्स, लग्न आणि समारंभ बंद असल्याने खाद्यतेलाची मागणी घटली होती. त्यामुळे आयातीतही घट झाली आहे. सोयाबीन आणि सूर्यफूल तेलाची आयात मात्र वाढली आहे.
- बी. व्ही. मेहता, कार्यकारी संचालक, ‘एसईए’


इतर अॅग्रो विशेष
नारायणगाव येथे होणार टोमॅटो प्रक्रिया...पुणे : कोरोना संकटामुळे ग्रामीण भागातील...
सेंद्रिय शेतीमालाबाबत सर्वंकष धोरण...सोलापूर ः शेतकऱ्यांना सेंद्रिय शेतीकडे...
बारामती कृषी महाविद्यालयाला ‘आयसीएआर’ची...पुणे : भारतीय कृषी संशोधन परिषदेने आता देशातील...
धान्यासहित कडब्यासाठी दादर ज्वारी आश्‍...कमी पाणी व अल्प खर्चात सकस धान्य, पशुधनासाठी...
चिकाटीतून नावारूपाला आणला गूळ उद्योगहिंगोली जिल्ह्यातील देवजणा येथील कैलासराव...
शंभर दिवसांनंतरही कृषी कायद्यांना विरोध...नवी दिल्ली : केंद्र सरकारच्या तीन कृषी...
हळद पिवळे करून जातेयचार वर्षांमध्ये एकदा तरी ‘हळद पिवळे करून जातेय’,...
राज्यात ३४ लाख घरांना मिळाला नळलातूर ः केंद्र शासनाच्या जल जीवन मिशनची राज्यात...
दोन नव्या फुलपाखरांना नागपुरात मिळाला...नागपूर ः पर्यावरण संरक्षणासोबतच पीक परागीकरणात...
द्राक्ष व्यापाऱ्याकडून शेतकऱ्यांना ...नाशिक : निफाड तालुक्यातील मौजे सुकेणे आणि कसबे...
प्रयोगशील शेतकऱ्यांचा शासनाला पडला विसर...नागपूर ः प्रयोगशील शेतकऱ्यांना प्रोत्साहन...
देशात साखर उत्पादनात ४० लाख टनांनी वाढलेकोल्हापूर : देशातील साखर कारखान्यांनी...
आम्ही शेतकरी कंपनीकडून शेतकऱ्यांना...परभणी ः मांडाखळी (ता. परभणी) येथील आम्ही शेतकरी...
निधीवाटपात कोणावरही अन्याय होणार नाही ः...मुंबई : महाराष्ट्राच्या सर्वांगीण विकासासाठी...
उन्हाचा पारा वाढू लागला पुणे ः राज्यातील अनेक भागांत उन्हाच्या झळा वाढू...
द्राक्षबाग नुकसानभरपाई अडकली लालफितीतवांगी, जि. सांगली : वांगी (ता. कडेगाव) येथील दोन...
राज्यात कलिंगड २०० ते १००० रुपयेजळगावात क्विंटलला ४०० ते ७०० रुपये दर जळगाव ः...
नागज- जुनोनी... बेदाणानिर्मितीचे जणू ‘...सांगली- सोलापूर राज्यमार्गावर नागज ते जुनोनी या...
कोरडवाहू संशोधन संस्था करतात काय?आज महाराष्ट्रातील कोरडवाहू शेतीतील समस्या वाढत...
शेतकऱ्यांच्या मार्गात खिळे मारता, देश...मुंबई : ‘‘दिल्लीत शेतकरी आंदोलनासाठी बसले आहेत....