‘विकेल ते पिकेल’ संकल्पनेतून भरीत वांगी विक्रीला प्रोत्साहन

‘विकेल ते पिकेल’ या संकल्पनेतून शहरात नुकतीच (गुरुवारी, ता.१९) भरीत वांगी व भरीत विक्री उपक्रमाचा कृषिमंत्री दादा भुसे यांच्याहस्ते प्रारंभ करण्यात आला. ‘
‘विकेल ते पिकेल’ संकल्पनेतून भरीत वांगी विक्रीला प्रोत्साहन
‘विकेल ते पिकेल’ संकल्पनेतून भरीत वांगी विक्रीला प्रोत्साहन

जळगाव : ‘विकेल ते पिकेल’ या संकल्पनेतून शहरात नुकतीच (गुरुवारी, ता.१९) भरीत वांगी व भरीत विक्री उपक्रमाचा कृषिमंत्री दादा भुसे यांच्याहस्ते प्रारंभ करण्यात आला.  ‘ विकेल ते पिकेल’ संकल्पनेत शासनाने भरीताच्या वांग्यांसह दादर ज्वारीचा समावेश केला आहे. भरीताच्या दर्जेदार वांग्यांचे उत्पादन घेतले जाते. या वांग्यांची जिल्ह्यात व जिल्ह्याबाहेर चांगली मागणी असते. या वांग्यांच्या विक्रीला प्रोत्साहन देण्यासंबंधी कृषी विभागाने त्यांचा विकेल ते पिकेल संकल्पनेत समावेश केला आहे.  अकोला येथे विधान परिषदेच्या निवडणुकीसंबंधी प्रचाराला जाताना कृषीमंत्री भुसे हे जळगावात थांबले. त्यांनी दुपारी व्हीसीच्या माध्यमातून कॅबीनेटच्या बैठकीला उपस्थिती दिली. यानंतर शहरात भरीत वांगी विक्री केंद्रास प्रारंभ केला. शहरातील गिरणा जलकुंभ परिसरात चर्चनजीक एक केंद्र कृषी विभागातील निवृत्त अधिकारी, कर्मचारी यांनी सुरू केले आहे. या केंद्राचे उद्‌घाटन भुसे, पालकमंत्री गुलाबराव पाटील यांच्याहस्ते झाले. या वेळी भरीत व भरीत वांगी पणन यासाठी पुढाकार घेणाऱ्या आसोदा (ता.जळगाव) येथील नवनिर्मिती शेतकरी मंडळाचे किशोर चौधरी, नितीन चौधरी, संजय चिरमाडे,  जिल्हा अधीक्षक कृषी अधिकारी संभाजी ठाकूर, कृषी उपसंचालक अनिल भोकरे आदी उपस्थित होते.  या वेळी आसोदा येथील वांगी उत्पादक शेतकऱ्यांनी कृषिमंत्री भुसे यांना भरीताची वांगी भेट म्हणून दिली. थेट भरीत विक्री कार्यक्रमाचाही प्रारंभ झाला. पुढील टप्प्यात भरीत व वांगी विक्रीचे केंद्र, ऑनलाइन पणन याला प्रोत्साहन दिले जाणार आहे. यासाठी शेतकऱ्यांना प्रोत्साहन दिले जावे, अशी  मागणी करण्यात आली. कृषिमंत्र्यांकडे शेतकऱ्यांनी पोखरा योजनेतून पाइप, इंजिनपुरवठ्यासंबंधी अर्ज स्वीकारण्याची मागणीदेखील केली. इतर अडचणींबाबतही या वेळी चर्चा झाली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com