agriculture news in Marathi eight a and ferfar certificate available online Maharashtra | Agrowon

बॅंकांसाठी आठ-अ, फेरफार उतारे थेट उपलब्ध 

टीम अॅग्रोवन
बुधवार, 3 जून 2020

सातबारा संगणकीकरण उपक्रमाला लॉकडाउनमुळे राज्यभर जोरदार प्रतिसाद मिळाला आहे. विशेष म्हणजे बॅंकांना आता आठ-अ व फेरफार उतारे थेट ऑनलाइन उपलब्ध करून देण्यात आले आहेत.

पुणे: सातबारा संगणकीकरण उपक्रमाला लॉकडाउनमुळे राज्यभर जोरदार प्रतिसाद मिळाला आहे. विशेष म्हणजे बॅंकांना आता आठ-अ व फेरफार उतारे थेट ऑनलाइन उपलब्ध करून देण्यात आले आहेत. यामुळे शेतकऱ्यांचे हेलपाटे कमी झाले आहेत. 

लॉकडाउनच्या काळात सतत कार्यरत होता. खरीप कर्जवितरणासाठी शेतकऱ्यांना सातबाराची आवश्यकता भासणार असल्याचे गृहीत धरून जमाबंदी आयुक्तालयाचा ई-फेरफार प्रकल्प सतत कार्यरत राहिला. शेतकऱ्यांना लॉकडाउनमध्ये तलाठी कार्यालयात जाणे अवघड होते. मात्र, कर्ज वितरणासाठी बॅंकांना सातबारा अत्यावश्यक होता. यामुळे शेतकऱ्यांकडून कागदपत्रे घेण्याऐवजी थेट बॅंकांनी महसुल विभागाकडूनच ऑनलाइन कागदपत्रे घ्यावी, असा प्रयत्न या प्रकल्पाचे राज्य समन्वयक रामदास जगताप यांनी केला. 

‘‘आम्ही दहा बॅंकांना शेतकऱ्यांचे सातबारा उतारे थेट दिलेच पण आता आठ-अ व फेरफार उतारे देखील ऑनलाइन उपलब्ध करून दिले आहेत. यामुळे शेतकऱ्यांचा त्रास वाचला आहे. शेतकऱ्यांऐवजी थेट राज्य शासनाकडून सातबारा उतारा घेण्याच्या सूचना बॅंकांना देण्यात आल्या. त्यासाठी बॅंकांना महसुल विभागासोबत करार करावा लागतो. असा करार आतापर्यंत दहा बॅंकांनी केला असून अजून चार बॅंका करार करणार आहेत,’’ अशी माहिती जगताप यांनी दिली. 

सातबारा उतारा, आठ-अ किंवा फेरफार उतारा देण्यासाठी आता शेतकऱ्याने बॅंकेत किंवा तलाठ्याकडे जाण्याची आवश्यकता राहिलेली नाही. शेतकरी इतर कामासाठी या कार्यालयांशी संपर्क साधू शकतात मात्र या तीन उताऱ्यांबाबत बॅंका आता थेट शासनाकडून अधिकृत दस्तावेज प्राप्त करून घेत आहेत. त्यामुळे कर्ज वितरण जलद व पारदर्शक होण्यास मदत मिळते आहे. 

शेतकऱ्यांना कोणत्याही उताऱ्यासाठी बॅंकेत किंवा तलाठ्याकडे जाण्याची वेळ येवू नये, असा प्रयत्न राज्य शासनाचा आहे. ‘‘बॅंकांनी विविध उतारे थेट शासनाकडून घेण्यासाठी ३१ मेपर्यंत राज्य शासनाशी करार करावेत,’’ असे आदेश मुख्य सचिव अजोय मेहता यांनी २६ फेब्रुवारीला राज्यातील सर्व बॅंकांना दिले होते. तथापि, लॉकडाउनमुळे काही बॅंकांना अडचणी आल्या. आता लॉकडाउन शिथिल झाल्याने ही प्रक्रिया वेगाने सुरू झाली आहे. 

लॉकडाउनच्या काळात वाटलेले दस्तावेज 

  • तलाठ्यांकडून वाटले गेलेले ऑनलाइन सातबारा उतारे- ६३.७६ लाख 
  • शेतकऱ्यांनी मिळवलेले डिजिटल सातबारा उतारे-३.३२ लाख 
  • बॅंकांनी शेतकऱ्यांऐवजी थेट शासनाकडून घेतलेले उतारे- ५२ हजार 
  • शेतकऱ्यांऐवजी शासनाकडून उतारे मिळवणाऱ्या बॅंका – दहा 
  • ऑनलाइन उतारे मिळण्यासाठी करारनाम्याच्या प्रक्रियेत असलेल्या बॅंका- चार 
     

इतर बातम्या
औरंगाबादमध्ये निम्म्याच शेतकऱ्यांची मका...औरंगाबाद  : जिल्ह्यात आधारभूत किमतीने भरड...
वऱ्हाडातील शेतकऱ्यांचा सोयाबीनकडे अधिक...अकोला ः खरिपातील पेरण्या अंतिम टप्प्यात पोचल्या...
औरंगाबाद जिल्ह्यात आठवड्यात १५१ खत कृषी...औरंगाबाद : ‘‘कृषी विभाग व जिल्हा परिषद...
नांदेड, परभणी, हिंगोलीतील १२४ मंडळांत...नांदेड  ः नांदेड, परभणी, हिंगोली जिल्ह्यातील...
दुभत्या जनावरांच्या किमतीतही चाळीस...नगर ः दुधाचे दर कमी-जास्ती झाले की दुभत्या...
‘कृषी अधिकारीच म्हणतात, खतांसंदर्भात...पुणे ः शेतकऱ्यांना खतांची टंचाई भासत आहे. कृषी...
सिंधुदुर्गात मुसळधार सुरूच, पुरस्थिती...सिंधुदुर्ग  ः जिल्ह्यात मुसळधार पाऊस सुरूच...
कोल्हापुरातील छोटे प्रकल्प भरू लागलेकोल्हापूर :  जिल्ह्याच्या पश्चिम भागात पाऊस...
हमाल, मापाडी तोलणारांचे प्रश्‍न सोडवा ः...पुणे ः राज्यातील अनेक भागांत हमाल तोलाईदारांना...
रत्नागिरीत नऊ हजार हेक्टरवर फळबाग...रत्नागिरी  ः कोरोनाच्या सावटातही जिल्ह्यात...
फळपीक विमा योजना शेतकऱ्यांसाठी की कंपन्...नगर : नवीन निकषांप्रमाणे फळपीक विमा योजनेचा लाभ...
‘सारथी’ बंद होणार नाही, आठ कोटींचा निधी...मुंबई : राज्य सरकारने मराठी तरुणांच्या व्यावसायिक...
खते, बी- बियाणे विक्रेत्यांची दुकाने...कोल्हापूर : निकृष्ट बियाणे प्रकरणी बियाणे...
हिंगोली जिल्ह्यात आतापर्यंत ७१.२० टक्के...हिंगोली : जिल्ह्यात यंदाच्या खरीप हंगामात बुधवार...
वऱ्हाडातील अडीच हजारांवर कृषी...अकोला ः कृषी विक्रेत्यांच्या विविध मागण्यांसाठी...
कृषी योजनांचे उद्दिष्ट तीन...नगर ः कृषी विभागातून शेतकऱ्यांसाठी देण्यात...
सोलापूर जिल्ह्याच्या वाट्याला ५६७ कोटी...सोलापूर : महात्मा जोतिराव फुले शेतकरी कर्जमुक्ती...
पीकपद्धतीमधील बदल अधिक लाभदायक ः...अकोला ः रासायनिक खतांचा अवाजवी वापर, मशागतीच्या...
सोलापुरात निकृष्ट सोयाबीन...सोलापूर  ः जिल्ह्यात निकृष्ठ सोयाबीनबाबत...
सोयाबीनची पेरणी खानदेशात वाढलीजळगाव  ः खानदेशात तेलबियांमध्ये सोयाबीनचे...