agriculture news in Marathi eknath khadse enter in rashtrawadi Maharashtra | Agrowon

नाथाभाऊ काय चीज आहे, दाखवून देऊ : शरद पवार

टीम अॅग्रोवन
शनिवार, 24 ऑक्टोबर 2020

नाथाभाऊंनी राष्ट्रवादीत प्रवेश केल्याने आता संपूर्ण खानदेश राष्ट्रवादीमय होईल, यात मला शंका नाही. एकदा शब्द दिला म्हणजे त्यावरून नाथाभाऊ मागे हटत नाहीत.

मुंबई: नाथाभाऊंनी राष्ट्रवादीत प्रवेश केल्याने आता संपूर्ण खानदेश राष्ट्रवादीमय होईल, यात मला शंका नाही. एकदा शब्द दिला म्हणजे त्यावरून नाथाभाऊ मागे हटत नाहीत, असे गौरवोद्गार काढतानाच नाथाभाऊ काय चीज आहे, हे दाखवून देऊ, असा इशारा राष्ट्रवादीचे अध्यक्ष आणि माजी केंद्रीय कृषिमंत्री शरद पवार यांनी दिला. 

गेली ४० वर्षे भाजपला वाढवण्यासाठी अहोरात्र कष्ट घेऊन भाजपचा चेहरामोहरा बदलण्यात महत्त्वाचे योगदान देणारे माजी मंत्री एकनाथ खडसे यांनी शुक्रवारी (ता.२३) राष्ट्रवादी काँग्रेसमध्ये प्रवेश केला. राष्ट्रवादीचे अध्यक्ष शरद पवार यांच्या उपस्थितीत एकनाथ खडसे यांनी पत्नी मंदाकिनी, कन्या रोहिणी आणि शेकडो कार्यकर्त्यांसह राष्ट्रवादीचे घड्याळ हातावर बांधले. 

श्री. पवार पुढे म्हणाले, की खानदेश हा संपूर्ण परिसर गांधी-नेहरुंच्या विचाराचा होता. मध्यंतरी त्याला उतरती कळा लागली. या काळात नवी पिढी तयार झाली. ही पिढी घडवण्याचे काम नाथाभाऊंनी केले. त्यांनी जिल्हा परिषद, खासदार, नगरपरिषद, पंचायत समित्या आणल्या. इतिहासाचा हा पहिला टप्पा संपला आहे. आता दुसरा टप्पा सुरु झाला आहे.

एकनाथ खडसे म्हणाले, की आयुष्याची ४० वर्षे भाजपमध्ये काम केले, ४० वर्षे ज्या ठिकाणी राहिलो, त्यामुळे एकाएकी पक्ष सोडावासा वाटला नाही‌. विधानसभेत माझी किती बदनामी झाली, छळ केला गेला हे संपूर्ण महाराष्ट्राने पाहिले. माझे काय चुकले? या प्रश्नाचे उत्तर मला या क्षणापर्यंत मिळाले नाही. मंत्रिमंडळातही मला संघर्ष करावा लागला. 

या वेळी नंदुरबार-तळोदाचे माजी आमदार नरेंद्र पाडवी, जिल्हा मध्यवर्ती सहकारी बँकेच्या अध्यक्षा रोहिणी खडसे-खेवलकर, बोदवडच बाजार समितीचे सभापती निवृत्ती पाटील, मुक्ताईनगरचे सभापती प्रल्हाद जंगले, बोदवडचे सभापती किशोर गायकवाड, भुसावळचे सभापती मनिषा पाटील, भारतीय कृषी संशोधन परिषदेचे सदस्य कैलास सुर्यवंशी, जिल्हा दूध फेडरेशनच्या अध्यक्षा मंदाताई खडसे, मुक्ताई सहकारी सूतगिरणीचे उपाध्यक्ष राजू माळी, सुदाम सोनवणे अशा ७२ नेत्यांनी राष्ट्रवादीचे घड्याळ हाती बांधले.

भाजपने अडगळीत टाकले
उत्तर महाराष्ट्रात भाजपच्या वाट्याला सहा जागा यायच्या, त्यातील पाच जागा कायम निवडून आणल्या. समोरासमोर लढलो पण एकमेकांबद्दल द्वेष ठेवला नाही. पाठीत खंजीर कधी खुपसला नाही. भारतीय जनता पक्षाने मला अडगळीत टाकले, आता संधी मिळेल अशी अपेक्षा नव्हती.


इतर बातम्या
७२ तासांची सक्ती नको ः आयुक्तपुणे ः विमा कंपन्यांनी कामकाजात तातडीने सुधारणा...
पीकविमा योजनेच्या मूळ उद्देशालाच हरताळपुणे ः पंतप्रधान पीकविमा योजनेच्या माध्यमातून...
अखेर ‘इफ्को टोकियो’ विरोधात गुन्हा दाखलअमरावती : राज्य शासनाने केलेल्या करारानुसार इफ्को...
पळवाटांमुळे पीकविमा भरपाई दुरापास्तशेतकऱ्यांकडून पीकविम्याचा हप्ता भरतेवेळी...
अमरावतीतील २३ हजार हेक्टर शेती बाधित अमरावती : संततधार पावसाने जिल्ह्यातील ५०० गावे...
विमा कंपन्यांबाबत सरकारची बोटचेपी भूमिकापीकविमा योजनेमुळे शेतकऱ्यांऐवजी पीकविमा कंपन्याच...
खामगाव बाजार समितीच्या  कारभाराविरुद्ध...बुलडाणा : खामगाव कृषी उत्पन्न बाजार समितीच्या...
केंद्र स्थापन करणार शेतकरी उत्पादक... नवी दिल्ली ः केंद्र सरकारने देशात सुमारे...
सांगलीत ४१ हजार हेक्टरवरील पिके...सांगली : गेल्या आठवड्यात झालेल्या पाऊस,...
धरणांतील पाण्याच्या विसर्गात घटपुणे : राज्यात पावसाचा जोर ओसरू लागल्याने धरणांत...
पुण्यात पंचनामे गतीने सुरूपुणे : जिल्ह्यात नुकसानीचे पंचनामे करण्यास वेग...
परभणी ः मूग, उडदाच्या पीक स्पर्धेसाठी...परभणी ः कृषी विभागातर्फे खरीप हंगामापासून...
रत्नागिरी ‘झेडपी’चे  ८० कोटींचे नुकसान रत्नागिरी : अतिवृष्टीने चिपळूण, खेड, संगमेश्वरसह...
सांगोल्यातील रोगग्रस्त डाळिंब बागांची...सांगोला, जि. सोलापूर : वातावरणात होणारे बदल आणि...
पशुसंवर्धन विकासासाठी पशुपालक,...नाशिक : ‘‘आत्मनिर्भर भारत अंतर्गत २०२०-२१...
खानदेशात भिज पाऊसजळगाव : खानदेशात गेले दोन दिवस अनेक भागात हलका ते...
पशुचिकित्साकांच्या कामबंद  आंदोलनाचा...रिसोड, जि. वाशीम : पशुचिकित्सा व्यावसायिकांनी १६...
हिंगोलीत विमा कंपनीचा अनागोंदी कारभारहिंगोली ः जिल्ह्यात पंतप्रधान पीकविमा योजना...
नाशिक विभागात मिळाल्या १६३१ भूमिहीनांना...नाशिक : कर्मवीर दादासाहेब गायकवाड सबलीकरण व...
नुकसानभरपाईपोटी मिळाले २७० रुपयेपाचोरा, जि. जळगाव : खडकदेवळा (ता. पाचोरा) येथील...