agriculture news in marathi, election campaigning stop, mumbai, maharashtra | Agrowon

विधानसभा निवडणुकीसाठी प्रचारतोफा थंडावल्या

टीम अॅग्रोवन
रविवार, 20 ऑक्टोबर 2019

मुंबई : चौदाव्या विधानसभा निवडणुकीसाठी उमेदवारी अर्ज माघारीची मुदत संपल्यानंतर राज्यभरात सुरू झालेल्या झंझावाती निवडणूक प्रचाराची सांगता शनिवारी (ता.१९) सायंकाळी झाली. त्याआधी प्रचाराचे शिल्लक राहिलेले काही तास सार्थकी लावण्यावर राजकीय नेते आणि उमेदवारांचा भर दिसून आला. सत्ताधारी व विरोधी पक्षांमधील सर्व दिग्गज नेते मैदानात उतरल्याचे दिसून आले, ज्यामुळे राज्याच्या कानाकोपऱ्यात जाहीर सभांचा धडाका पाहायला मिळाला. 

मुंबई : चौदाव्या विधानसभा निवडणुकीसाठी उमेदवारी अर्ज माघारीची मुदत संपल्यानंतर राज्यभरात सुरू झालेल्या झंझावाती निवडणूक प्रचाराची सांगता शनिवारी (ता.१९) सायंकाळी झाली. त्याआधी प्रचाराचे शिल्लक राहिलेले काही तास सार्थकी लावण्यावर राजकीय नेते आणि उमेदवारांचा भर दिसून आला. सत्ताधारी व विरोधी पक्षांमधील सर्व दिग्गज नेते मैदानात उतरल्याचे दिसून आले, ज्यामुळे राज्याच्या कानाकोपऱ्यात जाहीर सभांचा धडाका पाहायला मिळाला. 

शनिवारी दिवसभरात भाजपचे राष्ट्रीय अध्यक्ष अमित शहा, मुख्यमंत्री देवेंद्र फडणवीस, शिवसेना पक्षप्रमुख उद्धव ठाकरे, युवासेना अध्यक्ष आदित्य ठाकरे, राष्ट्रवादी काँग्रेसचे अध्यक्ष शरद पवार, मनसे अध्यक्ष राज ठाकरे यांच्या विविध ठिकाणी प्रचारसभा पार पडल्या. विशेषतः साताऱ्यात भर पावसात घेतलेल्या सभेनंतर राष्ट्रवादी काँग्रेसचे अध्यक्ष शरद पवार यांच्या सभांकडे महाराष्ट्राचे विशेष लक्ष लागले होते. 

विधानसभा निवडणुकीच्या प्रचाराची मुदत शनिवारी सायंकाळी सहा वाजता संपली. त्यामुळे उमेदवारांनी सकाळी नऊ वाजल्यापासून प्रचाराचे नियोजन केले होते. पदयात्रा, प्रचारफेरी, मतदारांच्या भेटीगाठी, दुचाकी रॅली आदींच्या माध्यमातून शक्तिप्रदर्शन करून मतदारांना आकर्षित करण्याचा उमेदवारांचा प्रयत्न दिसून आला. शेवटच्या दिवसात मतदारसंघातील जास्तीत जास्त भाग पिंजून काढण्याचा उमेदवारांचा प्रयत्न राहिला.

प्रचाराच्या अखेरच्या दिवशी भाजपसह प्रमुख पक्षांनी ठिकठिकाणी नेत्यांच्या जंगी सभांचे आयोजन केले होते. भाजपचे राष्ट्रीय अध्यक्ष अमित शहा यांच्या नंदुरबार आणि नगर जिल्ह्यात तीन सभा आयोजित करण्यात आल्या होत्या. अध्यक्ष जे. पी. नड्डा यांची नवी मुंबईत; तर केंद्रीय मंत्री नितीन गडकरी यांची नागपूर, वर्ध्यात सभा झाली. केंद्रीय मंत्री स्मृती इराणी यांच्या जळगाव, यवतमाळमध्ये तीन; तर उत्तर प्रदेशचे मुख्यमंत्री योगी आदित्यनाथ यांच्या मुंबई, ठाण्यात सभा पार पडल्या. 

शिवसेना पक्षप्रमुख उध्दव ठाकरे यांनी रायगड जिल्ह्यातील माण, महाड, श्रीवर्धन, उरण आणि कर्जतमध्ये सभा घेतल्या. युवासेनेचे प्रमुख आदित्य ठाकरे यांनी धारावी, चांदिवली, वांद्रे पूर्व येथे शिवसेना उमेदवारांसाठी प्रचारफेरी काढली. आदित्य ठाकरे यांची शेवटची प्रचारफेरी वरळीत झाली. मनसेचे अध्यक्ष राज ठाकरे यांच्या नवी मुंबई आणि ठाण्यात सभा आयोजित करण्यात आल्या होत्या.

साताऱ्यात भर पावसात घेतलेल्या सभेनंतर शरद पवार यांच्या सभांकडे महाराष्ट्राचे लक्ष लागले होते. नातू रोहित पवार यांच्यासाठी नगर जिल्ह्यातील कर्जत येथे शरद पवार यांची जोरदार प्रचारसभा पार पडली. या सभेवर पावसाचे सावट होते. त्यानंतर शरद पवार यांनी परंपरेप्रमाणे बारामतीमध्ये प्रचाराचा शेवट केला. 


इतर ताज्या घडामोडी
नगर जिल्ह्यात सततच्या पावसाने मुगाचे...नगर  ः नगर जिल्ह्यात गेल्या काही दिवसापासून...
नांदेड जिल्ह्यात साडेसात लाख हेक्टरवर...नांदेड ः यंदा नांदेड जिल्ह्यातील खरिपाच्या पेरणी...
पुणे जिल्ह्यात भात लागवडीसाठी पट्टा...पुणे  ः चालू वर्षी खरीप हंगामात ड्रम सीडर...
दोंडाईचा मालधक्क्यावर अधिकाऱ्यांच्या...धुळे ः युरिया वितरणातील घोळ, शेतकऱ्यांच्या...
नगर जिल्ह्यात फळबाग लागवड वाढण्याचा...नगर  ः यंदा पाऊस चांगला, शिवाय मागील काही...
कोल्हापुरात अर्धा टक्के शेतकऱ्यांनी ...कोल्हापूर : राज्यात पंतप्रधान पीक विमा योजनेला...
रत्नागिरी जिल्ह्यात पशुसंवर्धन विभागाची...रत्नागिरी  ः महात्मा गांधी राष्ट्रीय ग्रामीण...
अकोला जिल्ह्यातील दोन लाखांवर ...अकोला  : जिल्ह्यात यंदाच्या खरीप हंगामात...
नागपूर कृषी महाविद्यालय राबवणार ‘ई-...नागपूर  : ‘कोरोना’च्या पार्श्वभूमीवर लॉकडाउन...
उभ्या पिकात मूलस्थानी जलसंवर्धनकोरडवाहू शेतीमध्ये जमिनीतील पाण्याची कमतरता पाहता...
दूध प्रश्न बाजूला; शेतकरी संघटनांमधील...कोल्हापूर  : दूध दरप्रश्नी सरकारवर दबाव...
पुण्यात भाजीपाल्याचा पुरवठा संतुलित; दर...पुणे ः गुलटेकडी येथील पुणे कृषी उत्पन्न बाजार...
घरोघरी असावी पोषण परसबागपरसबागेचा आकार हा जागेची उपलब्धता, कुटुंबातील...
आरोग्यमंत्री राजेश टोपे यांना मातृशोक;...मुंबई : राज्याचे आरोग्यमंत्री राजेश टोपे यांच्या...
अपचन, खोकला, कफावर गुणकारी पिंपळी पावडर आपल्या घरातील ज्येष्ठ मंडळींना पिंपळी नक्कीच...
मागण्यांसाठी मराठवाड्यात दूध...औरंगाबाद : दूध उत्पादन खर्चाच्या तुलनेत परवडणारा...
नैसर्गिकरीत्या वाढवा रोगप्रतिकारक शक्तीरोगप्रतिकारक शक्ती म्हणजेच शरीरात बाहेरून प्रवेश...
परभणी जिल्ह्यात रास्ता रोको, दूध संकलन...परभणी : दूध दरवाढीसाठी भाजपतर्फे शनिवारी (ता.१)...
दूध दरप्रश्नी आंदोलनाला विदर्भात...नागपूर : दूध दरप्रश्नी भाजपच्या वतीने...
दूध दरप्रश्नी भाजपचे सातारा जिल्ह्यात...सातारा  : गाईच्या दुधाला प्रतिलिटर १० रुपये...