नागपूर जिल्ह्यातील ३८१ ग्रामपंचायतींची निवडणूक जाहीर

नागपूर : जिल्ह्यात ३८१ ग्रामपंचायतींच्या सार्वत्रिक निवडणुकांचा कार्यक्रम जाहीर करण्यात आला आहे. येत्या २६ सप्टेंबर रोजी मतदान होणार असून, संबंधित ग्रामपंचायतींच्या हद्दीत आचारसंहिता लागू झाली आहे. या घोषणेनंतर आता राजकीय धुळवडीला चांगलाच रंग चढणार आहे. 

नागपूर जिल्ह्यात ३८१ ग्रामपंचायतींमध्ये पहिल्यांदाच थेट सरपंचही निवडले जाणार आहेत. यामुळे या ग्रामपंचायतींमध्ये एका सदस्याची भर पडणार आहे. यासोबतच रामटेक तालुक्‍यातील एका ग्रामपंचायतमधील रिक्‍त जागेसाठी पोटनिवडणूक याच दिवशी होईल. ऑक्‍टोबर २०१८ ते फेब्रुवारी २०१९ या कालावधीत मुदत संपणाऱ्या व नवनिर्मिती ग्रामपंचायतींच्या सार्वत्रिक निवडणुकांसाठी हे मतदान होत आहे.

या निवडणुकीत सदस्यांपासून थेट सरपंचपदाच्या निवडणुकीचा समावेश आहे. त्यासाठी नामनिर्देशणपत्र ५ ते ११ सप्टेंबर २०१८ या कालावधीत स्वीकारले जातील. छाननी १२ सप्टेंबर २०१८ रोजी होईल. नामनिर्देशणपत्रे १५ सप्टेंबर २०१८ पर्यंत मागे घेता येतील. मतदान २६ सप्टेंबर रोजी सकाळी साडेसात ते सायंकाळी साडेपाच या वेळात होईल. त्यामुळे जिल्ह्यात राजकीय चर्चा रंगण्यास सुरवात झाली आहे. 

तालुकानिहाय ग्रामपंचायती