agriculture news in marathi, Election never made farmer satisfied : Santu Patil Zambre | Agrowon

शेतकऱ्यांसाठी निवडणुका फक्त घोषणांपुरत्याच : संतू पाटील झांबरे

टीम अॅग्रोवन
रविवार, 20 ऑक्टोबर 2019

देशात असो किंवा राज्यात ज्या वर्षात निवडणुका येतात त्या-त्या वर्षी शेतकऱ्यांच्या मानगुटीवर पाय देऊन त्याला संपविण्याचा अन् इतरांना जगविण्याचा प्रयत्न करण्यात येतो. शेतकरी असंघटित असल्याने त्याचा गैरफायदा घेतला जातो. निवडणुकांनतर त्याचा कुठेही फायदा होताना दिसत नाही. सर्वच पक्ष अनेक घोषणा करतात. शेतकऱ्यांना मोठ-मोठी आश्वासने दिली जातात. मात्र, स्वतंत्रपणे आणि ठळकपणे शेतकरी कधीच या पक्षांच्या जाहीरनाम्यात दिसत नाही. या निवडणुकीत नेतेमंडळी शेतीप्रश्नांपासून दूर गेलेली दिसते. कृषिप्रधान देशात शेतकऱ्याला विचारात घेतले जात नाही. 

देशात असो किंवा राज्यात ज्या वर्षात निवडणुका येतात त्या-त्या वर्षी शेतकऱ्यांच्या मानगुटीवर पाय देऊन त्याला संपविण्याचा अन् इतरांना जगविण्याचा प्रयत्न करण्यात येतो. शेतकरी असंघटित असल्याने त्याचा गैरफायदा घेतला जातो. निवडणुकांनतर त्याचा कुठेही फायदा होताना दिसत नाही. सर्वच पक्ष अनेक घोषणा करतात. शेतकऱ्यांना मोठ-मोठी आश्वासने दिली जातात. मात्र, स्वतंत्रपणे आणि ठळकपणे शेतकरी कधीच या पक्षांच्या जाहीरनाम्यात दिसत नाही. या निवडणुकीत नेतेमंडळी शेतीप्रश्नांपासून दूर गेलेली दिसते. कृषिप्रधान देशात शेतकऱ्याला विचारात घेतले जात नाही. 

राज्यात कर्जमाफीवरून गोंधळ, शेतमालाचे पडलेले भाव अन्‌ यासह अनेक आश्वासने देऊन सरकारने शेतकऱ्यांचा अपेक्षभंग केला आहे. ‘शेतकऱ्याचे मरण हेच सरकारचे धोरण’ आहे. गेल्या ३ वर्षांपासून कर्जमुक्तीच्या नावाखाली शेतकऱ्याला खेळवले गेले. कर्जमुक्त करणार की नाही याबाबत अजूनही स्पष्ट बोलले जात नाही. यामुळे शेतकरी आणि संस्था अडचणीत आल्या आहेत. शेतकऱ्यांच्या मालाला रास्त बाजारभाव नसल्याने कर्जाची परतफेड करताना शक्य नसल्याने आत्महत्या वाढत आहे. कर्जवसुलीच्या नावाखाली शेतकऱ्यांच्या जमिनीवर बँकेचे नाव लावण्याचे पाप सुरू आहे. सहकारी बँका बुडत असताना सरकारचे सर्रासपणे दुर्लक्ष आहे. राजकीय नेत्यांनी बँका बुडविल्या. मात्र त्यांच्याकडून वसुली करण्याऐवजी शेतकऱ्यांना त्रास दिला जातोय. शेतकऱ्यांच्या चळवळीला व शेतकऱ्याला पद्धतशीरपणे संपविण्याचा डाव सुरू आहे. 

सरकारने शेतकऱ्यांना बाजार स्वातंत्र्य व तंत्रज्ञान स्वातंत्र्य द्यावे. चालू वर्षी दुष्काळ असताना भरमसाठ विजबिले पाठवली. शेतीशिवाय विकास होऊ शकणार नाही, सरकारने शेतीक्षेत्राकडे गांभीर्याने पाहावे, नाहीतर सरकार अडचणीत येईलच मात्र त्याचे परिणाम भोगावे लागतील. आता निवडणुका आहेत. शेतकऱ्यांसाठी फसव्या घोषणा दिल्या गेल्या आहेत. यातून पुन्हा शेतकऱ्याला फसविण्याचा प्रयत्न सुरू आहे. 

अगोदरच दुष्काळ आहे. त्यामुळे शेतकरी अडचणीत आहे. त्यात कांद्याला भाव मिळू न देण्याचा डाव सरकारने आखला. सरकारच्या निर्णयामुळे कांद्याचे दर खाली आल्याने शेतकऱ्यांचे आर्थिक नुकसान होत आहे. त्यातच जमिनीचे लिलाव करण्याची वेळ शेतकऱ्यांवर आणली आहे. देश शेतकरी विरहित बनवायचा का, असे असेल तर सांगा नाहीतर तातडीने निर्णय घेऊन शेतकऱ्यांना दोन पैसे मिळू द्या. नाहीतर शेतकरी धडा शिकवल्याशिवाय राहणार नाहीत. 

- संतू पाटील झांबरे, 
ज्येष्ठ नेते, शरद जोशीप्रणीत शेतकरी संघटना

(शब्दांकन : मुकुंद पिंगळे)


इतर अॅग्रो विशेष
म्हणे शेतात, पीक असल्याने वीज जोडणीस...अमरावती  ः शेतात पीक असल्यामुळे शेतकरी वीज...
देशी गोसंगोपन, गांडूळखतासह दूध...सातारा जिल्ह्यातील कोपर्डे हवेली (ता. कऱ्हाड)...
दर्गनहळ्ळी येथे वाढलाय पक्ष्यांचा...सोलापूर : पूर्वी सूर्यकिरणांसोबतच पक्ष्यांचा...
अवकाळी पावसामुळे बाधितांसाठी साडेचार...मुंबई : ऑक्टोबर, नोव्हेंबर महिन्यांतील अवकाळी...
डाळिंब बियाच्या तेलापासून ‘सॉफ्टजेल...सोलापूर ः येथील राष्ट्रीय डाळिंब संशोधन केंद्राने...
मध्य महाराष्ट्र, मराठवाडा, विदर्भात...पुणे  ः मध्य महाराष्ट्र, मराठवाडा व...
आव्हाने खूप सारी, तरीही मधमाशीपालनात...नाशिक येथे पूर्वा केमटेक या कंपनीतर्फे नुकताच...
आकस्मिकता निधीच्या मर्यादेत तात्पुरत्या...मुंबई : महाराष्ट्र आकस्मिकता निधीच्या...
खासगी प्रवासी बसमधून शेतमाल वाहतुकीला...सोलापूर : राज्याच्या ग्रामीण भागातून मुंबई,...
राज्यात बोरं ८०० ते ४००० रुपये...सोलापूर : सोलापूर कृषी उत्पन्न बाजार समितीच्या...
विदर्भात वादळी पावसाची शक्यता पुणे ः विदर्भाच्या काही भागांत हवामान ढगाळ आहे....
मूळ समस्यांशी थेट भिडावे लागेल ऑगस्टपर्यंत पावसाची वाट पाहणारा शेतकरीवर्ग...
दराबाबतचा दुटप्पीपणा घाऊक आणि किरकोळ बाजारांतील कांद्याचे वाढते दर...
खातेवाटप जाहीर : सुभाष देसाईंकडे कृषी,...मुंबई : मुख्यमंत्री उद्धव ठाकरे यांच्या...
फळबागांच्या माध्यमातून प्रगतिपथावर वडकी पुणे शहरापासून जवळ असलेले वडकी हे दुष्काळी गाव...
गाई, म्हशीच्या सुलभ प्रसूतीसाठी ‘शुभम’...माळेगाव, जि. पुणे ः शेती, पशुपालन करताना येणाऱ्या...
विदर्भात गारपिटीची शक्यतापुणे ः पावसाला पोषक वातावरण तयार झाल्याने...
कांद्यानंतर 'या' पिकावर साठा मर्यादा...नवी दिल्ली: देशात यंदा कडधान्याचे उत्पादन...
‘पीजीआर’साठी जाचक नियमावली नकोपुणे : बिगर नोंदणीकृत जैव उत्तेजकांना (...
अपरिपक्व कांदा आवकेचा दरवाढीवर परिणामनवी दिल्ली: उन्हाळी आणि खरीप कांदा उत्पानातील...