मुदखेड कृषी उत्पन्न बाजार समितीची निवडणूक प्रक्रिया सुरू

मुदखेड कृषी उत्पन्न बाजार समितीची निवडणूक प्रक्रिया सुरू
मुदखेड कृषी उत्पन्न बाजार समितीची निवडणूक प्रक्रिया सुरू

नांदेड ः जिल्ह्यातील मुदखेड कृषी उत्पन्न बाजार समितीच्या १८ संचालक मंडळाच्या निवडणुकीसाठी उमेदवारी अर्ज दाखल करण्याची प्रक्रिया गुरुवार (ता. १२) पासून सुरू झाली असून, बुधवार (ता. १८)पर्यंत उमेदवारी अर्ज दाखल येतील. शुक्रवार (ता. ३ आॅगस्ट)पर्यंत अर्ज मागे घेता येतील. शनिवारी (ता. ११ आॅगस्ट) मतदान घेण्यात येईल. तर रविवारी (ता. १२ आॅगस्ट) मतमोजणी करून निकाल जाहीर केले जातील. नवीन निवडणूक प्रक्रियेनुसार बाजार समितीच्या कार्यक्षेत्रातील गावांतील ८ हजार ७१३ शेतकरी प्रथमच मतदानाचा हक्क बजावणार आहेत. बाजार समिती निवडणुकीच्या आचारसंहितेची प्रभावी अंमलबजावणी करावी, असे निर्देश जिल्हाधिकारी निवडणूक अधिकारी (कृउबास) तथा जिल्हाधिकारी अरुण डोंगरे यांनी दिले.

मुदखेड कृषी उत्पन्न बाजार समिती निवडणूक विषयक पूर्वतयारी व आचारसंहिता अनुषंगाने कायदा व सुव्यवस्थेची प्रभावीपणे अंमलबजावणी करण्यासाठी निवडणूक निर्णय अधिकारी व संबंधित विभागप्रमुखांची बैठक जिल्हाधिकारी यांच्या कक्षात घेण्यात आली, त्या वेळी श्री. डोंगरे बोलत होते.

निवासी उपजिल्हाधिकारी जयराज कारभारी, उपजिल्हाधिकारी (सामान्य) अनुराधा ढालकरी, जिल्हा उपनिबंधक प्रवीण फडणीस, राज्य उत्पादन शुल्क अधीक्षक एन. व्ही. सांगडे, सहायक निवडणूक अधिकारी तथा मुदखेडचे तहसीलदार सुरेश घोळवे, प्रादेशिक परिवहन कार्यालयाचे राहुल जाधव यांची प्रमुख उपस्थिती होती. मुदखेड बाजार समितीच्या १८ संचालक मंडळामध्ये शेतकरी मतदारसंघातून १५ संचालक, व्‍यापारी मतदारसंघातील २ संचालक, हमाल मापाडी मतदारसंघातील १ संचालक निवडून द्यावयाचा आहे. बाजार समितीच्या कार्यक्षेत्रातील शेतकरी मतदारसंघातील १५ गणामध्ये एकूण ८ हजार ७१३ मतदार, व्‍यापारी मतदारसंघामध्ये १५३, हमाल-मापाडी मतदारांमध्ये ३३ मतदार आहेत.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com