Agriculture news in Marathi Elections to the Zilla Parishad chairmen on January 24 | Agrowon

पुणे जिल्हा परिषद विषय समिती सभापतींच्या २४ ला निवडी

टीम अॅग्रोवन
गुरुवार, 16 जानेवारी 2020

पुणे ः पुणे जिल्हा परिषदेच्या अध्यक्ष, उपाध्यक्षपदाच्या निवडी झाल्या असून, विषय समिती सभापतींच्या निवडी अजूनही झालेल्या नाहीत. २४ जानेवारीला या विषय समिती सभापतींच्या निवडी होणार असल्याचा अधिकृत अजेंडा मंगळवारी (ता. १४) जिल्हाधिकारी कार्यालयातून प्रसिद्ध करण्यात आला आहे. तोपर्यंत सध्या कार्यरत असलेले सभापतीच विभागाचा कारभार पाहणार आहेत.

पुणे ः पुणे जिल्हा परिषदेच्या अध्यक्ष, उपाध्यक्षपदाच्या निवडी झाल्या असून, विषय समिती सभापतींच्या निवडी अजूनही झालेल्या नाहीत. २४ जानेवारीला या विषय समिती सभापतींच्या निवडी होणार असल्याचा अधिकृत अजेंडा मंगळवारी (ता. १४) जिल्हाधिकारी कार्यालयातून प्रसिद्ध करण्यात आला आहे. तोपर्यंत सध्या कार्यरत असलेले सभापतीच विभागाचा कारभार पाहणार आहेत.

सभापतींची मुदत २० फेब्रुवारीपर्यंत आहे, त्यामुळे सर्व अधिकार सभापतींकडेच राहणार असल्याची शक्यता आहे. जिल्हा परिषद अध्यक्ष आणि उपाध्यक्षपदाच्या निवडी नुकत्याच ११ जानेवारी रोजी पार पडल्या आहेत. त्यानंतर विषय समित्यांच्या सभापतिपदांकडे लक्ष लागून राहिले होते. 

जिल्हा परिषदेचे अध्यक्षपद खेड, तर उपाध्यक्षपद भोर तालुक्याला गेल्यामुळे हे दोन तालुके वगळता अन्य ११ तालुक्यांतून चार सभापती निवड करणे पक्षापुढे आव्हान आहे. नुकत्याच झालेल्या अध्यक्ष, उपाध्यक्षपदाच्या निवडणुकीत नाराजी दबावतंत्र आणि राजीनामानाट्य यामुळे दोन्ही पदांची नावे जाहीर करताना पक्षाला चांगलीच कसरत करावी लागली आहे. 

त्याप्रमाणे आता सभापतिपदाची नावे जाहीर करतानाही नाराजी पाहून पक्षाला निर्णय घ्यावा लागणार आहे. त्यातच या निवडीमध्ये महाविकास आघाडी व्हावी, अशी मागणी काँग्रेस व शिवसेनेकडून होत आहे. दरम्यान, जिल्हा परिषदेत शिवसेनेचे १३, तर काँग्रेसचे ७ सदस्य आहेत, त्यामुळे सभापतीपैकी एक पद महाविकास आघाडीला द्यायचे असल्यास शिवसेनेच्याच गळ्यात सभापतिपदाची माळ पडू शकते. 

महिला व बालकल्याण सभापती म्हणून महिला सदस्याला संधी दिली जाणार आहे, त्यामुळे पुरुष गटातून सभापतीची संधी मिळण्यासाठी कृषी व पशुसंवर्धन, समाजकल्याण, आरोग्य व बांधकाम ही तीनच सभापतिपदे आहेत. यात मावळ, बारामती, हवेली, शिरूर, इंदापूर, मुळशी, जुन्नर यापैकी चार तालुक्यांतील इच्छुकांना संधी मिळेल. त्यामध्ये महिला व बाल कल्याणसाठी चुरशीची लढत आहे.


इतर बातम्या
मॉन्सूनची अंदमानात चाल;...पुणे : नैर्ऋत्य मोसमी वाऱ्यांनी (मॉन्सून) बुधवारी...
चिखलगावच्या जिनिंगमध्ये कापसाला भीषण आग...अकोला ः येथील पातूर मार्गावर चिखलगाव जवळ असलेल्या...
कापूस उत्पादनात २४ लाख गाठींनी घट शक्यजळगाव ः देशात कापसाच्या उत्पादनात सुमारे २४ लाख...
सांगा साहेब, खरीप कसा पेरू? शेतकऱ्याने...नाशिक : मागील खरिपाच्या हंगामात अतिवृष्टीची...
जैविक शेती मिशनद्वारे यूट्यूब चॅनलच्या...अमरावती ः कमी खर्चाच्या जैविक शेतीला प्रोत्साहन...
म्हैसाळ योजनेतून तलाव भरून देण्याची...सांगली ः म्हैसाळ उपसा योजना सुरू होऊन महिन्याचा...
बुलडाण्यात पीकविमा बचत खात्यात जमा...बुलडाणा ः जिल्ह्यातील बऱ्याच शेतकऱ्यांचा पीकविमा...
समृद्धी महामार्गाच्या धुळीमुळे नुकसान...कारंजालाड, जि. वाशीम : समृद्धी महामार्गाच्या...
मका पिकाची हेक्टरी उत्पादकता वाढवा ः...बुलडाणा ः शासनाने यावर्षी पाऊस चांगला असताना...
अमरावती : पीककर्जाच्या व्याज माफीचा...अमरावती ः महात्मा जोतिराव फुले शेतकरी कर्जमुक्‍ती...
जळगावात ज्वारी खरेदीसाठी स्वस्त धान्य...जळगाव : जिल्ह्यात भरडधान्याच्या साठवणुकीसाठी...
शेतकऱ्यांनो पीक कर्जासाठी ऑनलाइन मागणी...औरंगाबाद : ‘‘कोरोनाच्या पार्श्‍वभूमीवर होणाऱ्या...
केंद्राच्या शेतकरीविरोधी धोरणांच्या...नाशिक : केंद्र सरकारने लॉकडाऊन जाहीर केल्यानंतर...
परभणीत उद्या मध्यरात्रीपर्यंत संचारबंदी परभणी  ः कोरोनाचा प्रादुर्भाव रोखण्यासाठी...
जालना जिल्ह्यात नोंदणीकृत शेतकऱ्यांकडील...जालना : जिल्ह्यातील विविध बाजार समितींकडे...
घाटंजीत ४३ हजार हेक्‍टरवर कापूस...यवतमाळ ः घाटंजी तालुका कृषी विभागाने यावर्षी...
परभणी जिल्ह्यात पावणे तीन कोटींचा निधी...परभणी : वसुंधरा पाणलोट क्षेत्र विकास...
नांदेडचा फलोत्पादनाचा ८ कोटी ४२...नांदेड : एकात्मिक फलोत्पादन अभियानअंतर्गंत...
पिकांचे अवशेष, ऊस पाचटाचे व्यवस्थापन... नगर  : कोरडवाहू शेतीत तीन वर्षांतून...
नगर जिल्ह्यात ‘रोहयो’ची अडीच हजार कामे...नगर  ः मागेल त्याला काम देण्यासाठी...