agriculture news in marathi, electricity regularity board Decision is misleading says Hogade | Agrowon

वीज नियामक आयोगाचा निकाल फसवणूक करणारा ः होगाडे
टीम अॅग्रोवन
रविवार, 16 सप्टेंबर 2018

कोल्हापूर : वीज नियामक आयोगाचा निकाल हा फसवणूक करणारा आहे. हा निकाल म्हणजे चोरी व भ्रष्टाचाराला मान्यता देणारा असल्याची टीका महाराष्ट्र वीज ग्राहक संघटनेचे अध्यक्ष प्रताप होगाडे यांनी केली आहे. या निकालाच्या विरोधात दिल्ली येथील विद्युत अपिलीय प्राधिकरणाकडे दाद मागण्याचा इशाराही त्यांनी दिला आहे.

कोल्हापूर : वीज नियामक आयोगाचा निकाल हा फसवणूक करणारा आहे. हा निकाल म्हणजे चोरी व भ्रष्टाचाराला मान्यता देणारा असल्याची टीका महाराष्ट्र वीज ग्राहक संघटनेचे अध्यक्ष प्रताप होगाडे यांनी केली आहे. या निकालाच्या विरोधात दिल्ली येथील विद्युत अपिलीय प्राधिकरणाकडे दाद मागण्याचा इशाराही त्यांनी दिला आहे.

याबाबत त्यांनी प्रसिद्धीस दिलेल्या पत्रकात म्हणले आहे, की महावितरण कंपनीने ५ वर्षांतील महसुली तुटीपोटी २ वर्षांत ३४, ६४६ कोटी रुपयांची वसुलीची मागणी केली होती. आयोगाने यापैकी २०,६५१ कोटींच्या मागणीस म्हणजेच १५ टक्के दरवाढीस मान्यता दिलेली आहे. प्रत्यक्षात १५ टक्क्यांपैकी ६ टक्के म्हणजे ८२६८ कोटी रुपयांची रक्कम येत्या दीड वर्षातील दरवाढीद्वारा वसूल केली जाणार आहे. उरलेली १२,३८२ कोटी रुपयांची रक्कम नियामक मत्ता (regulatory asset) म्हणून दाखविली जाणार आहे.

याचा अर्थ ही रक्कम एप्रिल २०२० नंतर नियामक मत्ता आकार (RAC) म्हणून ग्राहकांकडून व्याजासह वसूल केली जाणार आहे. याचाच अर्थ दरवाढीचे कमी दिसणारे आकडे हे ग्राहकांची दिशाभूल करणारे आहेत. ही मंजुरी देतानाआयोगाने महावितरणने बोगस व दुप्पट दाखविलेल्या शेतीपंप वीजवापराच्या आकड्यांना म्हणजेच भ्रष्टाचाराला मान्यता व समर्थन दिले आहे. ही राज्यातील सर्व २.५ कोटी ग्राहकांची आणि शेतकऱ्यांची फसवणूक आहे.

महाराष्ट्र विद्युत नियामक आयोगाने राज्यातील बेस्ट, टाटा, रिलायन्स व महावितरण या चारही कंपन्यांचे दरनिश्चिती आदेश एकाच वेळी जाहीर केले आहेत. यापैकी बेस्टच्या दरात या वर्षी ५ ते ७० व पुढील वर्षी २ ते ३ टक्के घट होणार आहे. टाटाच्या दरामध्ये या वर्षी ४० व पुढील वर्षी २ टक्के वाढ होणार आहे. रिलायन्सच्या दरामध्ये फक्त ०.२४० व १ टक्के वाढ होणार आहे. केवळ महावितरण याएकाच कंपनीच्या दरातील वाढ १५ टक्के इतकी प्रचंड आहे. त्यामुळे केवळ सरकारच्या मालकीची कंपनी म्हणून आयोगाने खास मेहेरनजर ठेवून या कंपनीच्या अनेक बेकायदेशीर मागण्यांना मान्यता दिली आहेत. स्पर्धा, कार्यक्षमता व ग्राहकांचे हितसंरक्षण या वीज कायद्यातील महत्त्वाच्या तरतुदींनाफाटा दिलेला आहे, असे दिसून येत आहे.

शेतपंपांचा वीजवापर ३०,००० दशलक्ष युनिट नसून, तो १५००० दश लक्ष युनिट आहे आणि महावितरणची गळती १५ टक्के नसून ३० टक्के आहे व या मार्गाने होणारा भ्रष्टाचार ९३०० कोटी रुपयांहून अधिक आहे, हे अनेक संघटनांनी आयोगाच्या निदर्शनास आणून दिले होते. कंपनीने आयआयटी मुंबई आणि कृषी पंप वीजवापर सत्यशोधन समिती यांचा अहवाल आयोगासमोर सादर करण्याचे हेतुपुरस्सर टाळले. इतकेच नव्हे, तर नोव्हेंबर २०१६  च्या आदेशामध्ये आयोगाने जो शेती पंप वीजवापर मंजूर केला होता त्यालाही मंजुरी दिली आहे. या विरोधात दाद मागण्यात येईल.

इतर ताज्या घडामोडी
संत नामदेव महाराजांच्या १७ व्या...पंढरपूर : पंढरपूर येथून आळंदीकडे निघालेल्या श्री...
फळपीक सल्लायावर्षी पावसाळी हंगाम अपेक्षेपेक्षा जास्त वाढला....
कळमणा बाजारात सोयाबीन दरात घसरणनागपूर : गेल्या आठवड्यात सुधारलेल्या सोयाबीनच्या...
नाशिकमध्ये हिरव्या मिरचीला १३०० ते २५००...नाशिक : नाशिक कृषी उत्पन्न बाजार समितीमध्ये चालू...
हळद पिकातील प्रमुख रोगांचे नियंत्रणस ध्या हळद लागवड होऊन तीन ते चार महिन्यांचा...
सोयाबीन, मका, गव्हाचे दर स्थिर; बाजरीत...औरंगाबाद : येथील कृषी उत्पन्न बाजार समितीमध्ये गत...
शिशुआहारातील शर्करेविषयी अधिक काळजी...माणसाच्या आरोग्याला हानिकारक खाद्यविषयक सवयी...
वऱ्हाडात जमिनीतील ओलीमुळे रब्बीची पेरणी...अकोला : मॉन्सूनोत्तर पावसाने मोठा...
'गडचिरोली जिल्ह्यात शासकीय धान खरेदी...गडचिरोली  ः आदिवासी विकास महामंडळाच्या वतीने...
खानदेशात प्रकल्पांमधील साठा ७८ टक्‍क्‍...जळगाव  ः खानदेशात सर्वच भागांतील...
भामरागड तालुक्‍यातील पूरग्रस्त...गडचिरोली  ः उपविभागीय अधिकारी कार्यालय...
कापूस खरेदीसाठी आर्द्रतेची मर्यादा...वर्धा  ः संततधार पावसामुळे या वर्षी कापसात...
'शासकीय धान केंद्रावर जाचक अटींचे...भंडारा  ः शासकीय धान खरेदी केंद्रावर पाखड...
अमरावती विभागात विषबाधितांची संख्या...अमरावती ः राज्यात दोन वर्षांपूर्वी फवारणीदरम्यान...
देवळाली कॅम्प येथून ४८ हजार रुपयांच्या...नाशिक : नाशिक तालुक्यातील देवळाली कॅम्प येथील...
डाळिंब बागा वाचविण्यासाठी धडपडआटपाडी, जि. सांगली :  यंदा तालुक्यात रिमझिम...
सांगली जिल्ह्यात रब्बीतील पिकांची ६७...सांगली : ऑक्टोबरच्या शेवटच्या आठवड्यापर्यंत...
पुणे विभागात रब्बीसाठी अडीच लाख क्विंटल...पुणे  ः यंदा पाऊस उशिरा झाल्याने पुणे...
परभणी जिल्ह्यात रब्बी ज्वारीवर अमेरिकन...परभणी : जिल्ह्यातील पेडगाव (ता. परभणी) येथील दोन...
सोलापूर जिल्ह्यात रब्बीची उरकली ३१...सोलापूर : खरिपामध्ये पावसाने हुलकावणी दिली. पण,...