Agriculture news in marathi, Eleven dams in Pune district filled up | Agrowon

पुणे जिल्ह्यातील अकरा धरणे भरली

टीम अॅग्रोवन
मंगळवार, 14 सप्टेंबर 2021

पुणे : सप्टेंबरमध्ये धरणांच्या पाणलोट क्षेत्रात संततधार पाऊस बरसत आहे. धरणातील पाणीपातळीत झपाट्याने वाढ झाली आहे. जिल्ह्यात आत्तापर्यंत ११ धरणे शंभर टक्के भरली आहेत.

पुणे : सप्टेंबरमध्ये धरणांच्या पाणलोट क्षेत्रात संततधार पाऊस बरसत आहे. धरणातील पाणीपातळीत झपाट्याने वाढ झाली आहे. जिल्ह्यात आत्तापर्यंत ११ धरणे शंभर टक्के भरली आहेत. उर्वरित धरणे भरण्याच्या मार्गावर आहेत. सोमवारी (ता.१३) खडकवासला, पवना, वीर, मुळशी, नीरा देवघर, गुंजवणी अशा धरणातून पाण्याचा विसर्ग सोडण्यात आला आहे.

यंदा जिल्हयात जून, जुलै बहुतांशी भागात पावसाने चांगलाच धुमाकूळ घातला. यामुळे पश्चिम भागात अनेक ठिकाणी मुसळधार तर पूर्व भागात काही ठिकाणी हलका ते मध्यम स्वरूपाचा पाऊस पडत आहे. यामुळे धरणातील पाणी पातळीत वाढ होत आहे. ऑगस्टमध्ये पावसाने काही प्रमाणात ओढ दिल्याने पाणी पातळीत फारशी वाढ झालेली नव्हती. मात्र, चालू महिन्यात पावसाने पुन्हा जोर धरला आहे. त्यामुळे धरणातील पाणीपातळीत वाढ होऊन ती भरू लागली आहेत. आत्तापर्यंत धरणांत एकूण १८५.८६ टीएमसी पाणीसाठा आहे. गेल्या वर्षी १९४.७१ टीएमसी म्हणजेच ९८ टक्के पाणीसाठा झाला होता.  

जिल्ह्यातील पानशेत, खडकवासला, पवना, वरसगाव, कासारसाई, कळमोडी, चासकमान, आंध्रा, वडिवळे, गुंजवणी, नीरा देवघर, वीर, वडज, चिल्हेवाडी अशा धरणातून पाण्याचा विसर्ग मुळा व भीमा, कऱ्हा, नीरा, मुठा, पवना, आरळा, इंद्रायणी नदीत सोडण्यात आला. त्यामुळे नद्या काही प्रमाणात दुथडी भरून वाहत आहेत. येत्या काळात चांगलाच जोर वाढला, तर धरणातील पाणीसाठ्यात वाढ होऊन विसर्ग वाढविण्यात येईल. सध्या पावसाने उसंत घेतली असली तरी काही धरणे तुडूंब भरली आहेत. 

आठ धरणे ९० टक्केपार

वडज, कळमोडी, चासकमान, आंध्रा, पवना, टेमघर, वरसगाव, पानशेत, खडकवासला, नीरा देवघर, भाटघर ही धरणे १०० टक्के भरली आहेत. तर डिंभे, भामा आसखेड, वडिवळे, कासारसाई, मुळशी, गुंजवणी, वीर, चिल्हेवाडी ही धरणे ९० टक्केच्यावर भरली आहेत. तर नाझरे, पिंपळगाव जोगे, माणिकडोह, येडगाव, घोड, विसापूर या धरणात ८० टक्केपेक्षा कमी पाणीसाठा आहे.


इतर बातम्या
जोरदार वारे, मेघगर्जना, विजांसह पावसाचा...पुणे : राज्यात पुढील दोन दिवस जोरदार वारे,...
पुण्यात साकारतेय देशी गाय संशोधन आणि...पुणे ः देशी गायींच्या संवर्धनातून त्यांची...
विमा कंपन्यांना आठ हंगामांत १२ हजार...पुणे ः देशातील खासगी विमा कंपन्यांनी गेल्या आठ...
द्राक्ष हंगामात नियोजन आणि बाजारपेठेचे...अधिक परतावा देणारी पिके म्हणजे जोखीमही मोठी असते...
मागणीमुळे हरभरा दर हमीभावाच्या वर टिकूनपुणे : गेल्या आठवडाभरात हरभऱ्याला चांगली मागणी...
गुन्हा दाखल करण्याऐवजी पुन्हा चौकशीचा...पुणे ः जलयुक्त शिवार योजनेच्या नावाखाली मृद व...
शेतकरी आंदोलन लोकसभा  निवडणुकीपर्यंत...नगर : केंद्रातील भाजप सरकारने ठरविलेल्या...
सोयाबीन कापणीचा दर  एकरी तीन...अकोला : या हंगामात लागवड केलेले कमी कालावधीचे...
महुद ग्रामस्थांची एकजूट कौतुकास्पद :...सोलापूर ः वसुंधरा आणि पृथ्वीच्या रक्षणासाठी...
सिंचनाचे क्षेत्र वाढविण्यासह  दर्जेदार...अमरावती : राजुरा बृहत लघु पाटबंधारे योजनेप्रमाणेच...
पारनेर कारखाना विक्रीतील  दोषींवर...नगर : नगर जिल्ह्यातील पारनेर सहकारी साखर...
वालचंदनगर (जि.पुणे) : लाळ्या खुरकूत...वालचंदनगर, जि. पुणे : गेल्या अनेक दिवसांपासून...
सांगली : रब्बीचे पावणे तीन लाख हेक्टरवर...सांगली : जिल्ह्यात रब्बी हंगामात युरियासह खते,...
खतांची कृत्रिम टंचाई निर्माण करणाऱ्या ...चंद्रपूर : कृत्रिम टंचाई निर्माण करून शेतकऱ्यांना...
सांगलीतील पूरग्रस्तांच्या  मदतीसाठी...सांगली : जिल्ह्यात जुलै महिन्यात आलेल्या...
जायकवाडीतील उपयुक्‍त पाणीसाठा ७१.३९ टक्...औरंगाबाद : मराठवाड्यातील सर्वात मोठ्या जायकवाडी...
नांदेडमधील प्रकल्पांत ८२.५७ टक्के...नांदेड : ऑगष्ट-सप्टेंबर महिन्यात जोरदार पाऊस झाला...
नंदुरबार जिल्ह्यात चार साखर कारखाने...जळगाव : खानदेशात उसाची लागवडदेखील बऱ्यापैकी आहे....
शेतकऱ्यांचे उत्पन्न दुप्पट करण्यास...सोलापूर ः ‘‘कृषी योजनांचा अधिकाधिक प्रसार करून...
‘‘हतनूर’मधून ३८८ दशलक्ष घनमीटर पाणी...जळगाव ः जिल्ह्यात आतापर्यंत सरासरी ९०...