Agriculture news in Marathi Emergency meeting of Shisode Committee today | Agrowon

शिसोदे समितीची आज तातडीची बैठक

टीम अॅग्रोवन
बुधवार, 22 सप्टेंबर 2021

जलयुक्त शिवार कामांमध्ये झालेल्या कोट्यवधी रुपयांच्या घोटाळ्याबाबत नियुक्त करण्यात आलेल्या शिसोदे चौकशी समितीची बुधवारी (ता. २२) तातडीची बैठक घेतली जात आहे. 

पुणे ः जलयुक्त शिवार कामांमध्ये झालेल्या कोट्यवधी रुपयांच्या घोटाळ्याबाबत नियुक्त करण्यात आलेल्या शिसोदे चौकशी समितीची बुधवारी (ता. २२) तातडीची बैठक घेतली जात आहे. 

कृषी आयुक्त धीरज कुमार स्वतः या समितीच्या चौकशीच्या कामकाजाचा आढावा घेऊन पुढील दिशा स्पष्ट करणार आहेत. सातारा जिल्ह्यात झालेल्या जलयुक्त शिवार घोटाळ्याबाबत गुन्हा दाखल करण्याचे आदेश यापूर्वीच आयुक्तांनी दिले होते. तथापि, गुन्हा दाखल न करता चौकशीचा निर्णय घेण्यात आला. 

‘‘चौकशीसाठी नेलेल्या शिसोदे समितीने नेमका काय अहवाल दिला हे आम्हाला माहीत नाही. मात्र गैरव्यहारातून सुटका करून घेण्यासाठी अधिकारी वर्ग प्रयत्न करतो आहे. त्यामुळे या समितीच्या शिफारशी एक घाव दोन तुकडे करणाऱ्या आहेत, की फौजदारी कारवाई लांबणीवर टाकणारी तजवीज करणाऱ्या आहेत हे स्पष्ट झालेले नाही. मात्र राज्याच्या उपलोकायुक्तांनी याबाबत कारवाई करण्याचे आदेश दिलेले आहेत. त्यामुळे या समितीच्या अहवालाचा आधार घेऊन अंतिम कारवाई टाळतादेखील येणार नाही,’’ अशी माहिती उच्चपदस्थ सूत्रांनी दिली. 

दरम्यान, जलयुक्त शिवार घोटाळ्याबाबत थेट कारवाईची गरज असताना मध्येच शिसोदे समिती नियुक्त केल्याने या प्रकरणातील तक्रारदार शेतकरी विलास शंकर यादव यांनी नाराजी व्यक्त केली आहे. कृषी विभाग नेमक्या कोणाच्या दबावाखाली काम करतो आहे, हा घोटाळा जर फडणवीस सरकारच्या काळात घडला असेल तर कृषी विभागाने स्वतःहून गुन्हा का दाखल केलेला नाही, खुल्या चौकशीला मान्यता न देता संशयास्पद समिती नेमून चालढकल का केली जात आहे, असे सवाल यादव यांनी उपस्थित केले आहेत. 

... तर उच्च न्यायालयात दाद मागणार ः यादव
‘‘कोट्यवधी रुपयांचा हा घोटाळा मी शोधून काढल्यानंतर कारवाई सोडाच; पण मला बदनाम करण्यासाठी मोहीम उघडली गेली. मात्र मी न घाबरता पाठपुरावा करीत आहे. शिसोदे समिती किंवा कोणत्याही उच्चपदस्थ अधिकाऱ्याने घोटाळेबाजांना पाठीशी घातल्याचे पुरावे माझ्या हाती येताच आपण थेट उच्च न्यायालयात दाद मागू,’’ असा निर्धार तक्रारदार शेतकरी विलास शंकर यादव यांनी व्यक्त केला आहे.
 


इतर बातम्या
‘शेतकरीवाटा वसुली’त चाळीस अधिकाऱ्यांची...पुणे ः राज्यात गाजत असलेल्या कथित अवजारे व...
तापमानात चढ-उतार सुरूचपुणे : राज्यात थंडीची चाहूल लागली असतानाच...
दहा वर्षाआतील वाणांनाच अनुदान द्यावेअकोला ः सध्या रब्बी हंगामात हरभरा व इतर पिकांच्या...
मॉन्सूनचा देशाला निरोपपुणे : नैर्ऋत्य मोसमी वाऱ्यांनी (मॉन्सून) देशाचा...
युरोपातील वादाचा तांदूळ निर्यातीवर...पुणे : भारतातून आयात केलेल्या तांदळापासून पिठी...
शरद पवार, नितीन गडकरी यांना ‘डॉक्टर ऑफ...नगर ः महात्मा फुले कृषी विद्यापीठातर्फे माजी...
शेती, शेतकऱ्यांच्या प्रगतीसाठी संशोधन...परभणी ः कृषी विद्यापीठातून बाहेर पडणारे दहा ते...
तलाठी दप्तराची झाडाझडती जळगाव ः नाशिकचे विभागीय महसूल आयुक्त राधाकृष्ण...
पुण्यात रब्बी पेरण्यांना सुरुवातपुणे : परतीचा पाऊस गेल्याने पहाटेचा गारठा वाढू...
निवडणुकीत होणार महाविकास आघाडी? सांगली : राज्यात शिवसेना, काँग्रेस आणि...
जांभा गावाच्या संपूर्ण पुनर्वसनाचा...अकोला : मूर्तीजापूर तालुक्यातील काटेपूर्णा बॅरेज...
'रासाका' सुरू करण्याच्या आश्वासनाची...नाशिक : निफाड तालुक्यातील ''रासाका'' म्हणजेच...
खानदेशात कांदेबाग केळीची लागवड निम्मीचजळगाव ः  खानदेशात कांदेबाग केळी...
रिसोड, जि. वाशीम :‘पळसखेड’च्या अर्धवट... रिसोड, जि. वाशीम : शासनासह अधिकाऱ्यांच्या...
नगर जिल्ह्यातील अतिरिक्त उसाबाबत मार्ग... नगर : नेवासे तालुक्यासह नगर जिल्ह्यातील...
औरंगाबाद, जालना, बीड जिल्ह्यांत एक लाख...औरंगाबाद : मराठवाड्यातील औरंगाबाद, जालना व बीड या...
‘ट्वेन्टीवन शुगर्स’कडून कोट्यावधीचे...परभणी ः सन २०२०-२१ च्या हंगामात गाळप केलेल्या...
निकृष्ठ दर्जाच्या धान खरेदीवर नियंत्रण...नागपूर  : आधारभूत किंमत खरेदी योजनेअंतर्गत...
आधार प्रमाणीकरणास १५ नोव्हेंबरपर्यंत...धुळे : ‘‘महात्मा जोतिराव फुले शेतकरी कर्जमुक्ती...
वन उद्यानाद्वारे जिल्ह्याच्या पर्यटन...नाशिक : ‘‘जिल्ह्याला धार्मिक, ऐतिहासिक या सोबतच...