नुकसान टाळण्यासाठी  मिश्र पिकांवर भर

गेल्या वर्षी कपाशीवर आलेली गुलाबी बोंडअळी व सोयाबीनवर आलेला खोडकिड तसेच चक्रीभुंगा याने पिकाचे मोठ्या प्रमाणावर नुकसान केले होते. त्यामुळे शेतकरी यंदाच्या खरीप हंगामात नाइलाजाने मिश्र पीक पद्धतीचा अवलंब करून नुकसान टाळण्याचा प्रयत्न करीत आहेत.
नुकसान टाळण्यासाठी  मिश्र पिकांवर भर Emphasis on mixed crops to avoid damage
नुकसान टाळण्यासाठी  मिश्र पिकांवर भर Emphasis on mixed crops to avoid damage

राळेगाव, जि. यवतमाळ : गेल्या वर्षी कपाशीवर आलेली गुलाबी बोंडअळी व सोयाबीनवर आलेला खोडकिड तसेच चक्रीभुंगा याने पिकाचे मोठ्या प्रमाणावर नुकसान केले होते. त्यामुळे शेतकरी यंदाच्या  खरीप हंगामात नाइलाजाने मिश्र पीक पद्धतीचा अवलंब करून नुकसान टाळण्याचा प्रयत्न करीत आहेत.  तालुक्यातील मुख्य पीक म्हणजे कपाशी. कपाशीचा बेल्ट म्हणूनच हा भाग ओळखला जातो. तालुक्यात दर वर्षी मोठ्या प्रमाणात कपाशीची लागवड केली जाते. पण गेल्या वर्षी कपाशीवर आलेल्या गुलाबी बोंडअळीने शेतकऱ्यांचे अतोनात नुकसान झाले. उत्पादन खर्च ही निघाला नाही. संपूर्ण शेती घाट्यात गेली. त्यामुळे या वर्षी शेतकऱ्यांनी कपाशीची लागवड बरीच कमी केली आहे. कपाशी नंतर तालुक्यात सोयाबीन पीक घेतले जाते. पण गेल्या वर्षी सोयाबीन पिकावर खोडकीड तसेच चक्रीभुंगा हे रोग आले. तसेच गेल्या वर्षी सोयाबीन पिकाच्या उगवणचीही समस्या होती. याने ही सोयाबीन पिकाचे खूप नुकसान केले. सोयाबीनचाही उत्पादन खर्च गेल्यावर्षी निघाला नाही. अनेक शेतकऱ्यांनी उभ्या सोयाबीनमध्ये रोटावेटर घातले. एकंदरीत गेल्यावर्षी तालुक्यातील दोन्ही मुख्य पिकांनी मागील वीस वर्षांत झाले नसेल इतके नुकसान केले. यामुळेच या वर्षी शेतकऱ्यांना शेतीत  वेगवेगळे प्रयोग करण्यास भाग पाडले आहे.  गेल्यावर्षी बोंडअळी आल्याने ती या वर्षीही येईल याची धास्ती शेतकऱ्यांना आहे. त्यामुळे अनेक शेतकऱ्यांनी कपाशीचे क्षेत्र कमी केले. कपाशीला पर्याय म्हणून शेतकरी शेतात तूर-सोयाबीन तूर-कपाशी, तूर-सोयाबीन-कपाशी, तूर-सोयाबीन या पद्धतीने लागवड करीत आहे एकाच क्षेत्रात विविध पीक शेतकरी घेत आहेत. या वर्षी कुठलेही पीक शेतकरी मोठ्या प्रमाणात घेताना दिसत नाही. थोडेथोडे सर्वच पीक शेतकरी घेत आहेत. जेणेकरून एखाद्या पिकाने दगाही दिला तरी मोठे नुकसान होणार नाही व दुसऱ्या पिकात ते नुकसान भरून निघेल. एक नाहीतर दुसरे पीक साथ देईल अशी शेतकऱ्यांना अपेक्षा आहे. दुष्काळ, वातावरणातील बदल, नापिकी यामुळे शेतकऱ्यांनी मिश्र पीक पद्धतीचा अंगीकार केला असल्याचे दिसत आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com