Agriculture news in Marathi Emphasis on water and soil conservation works: S. Ramamurthy | Page 2 ||| Agrowon

जल, मृद्‍संधारण कामांवर भर द्यावा ः एस. रामामूर्ती

टीम अॅग्रोवन
शनिवार, 31 जुलै 2021

पुढील कालावधीत समृद्ध गाव स्पर्धेतील सहभागी प्रत्येक गावाने आपल्या गावातील माती समृद्ध करण्यासाठी आणि शिवारात पाण्याची समृद्धी आणण्यासाठी जल व मृद्‍संधारण कामावर भर देणे अत्यंत गरजेचे आहे, असे प्रतिपादन जिल्हाधिकारी एस. रामामूर्ती यांनी केले आहे.

बुलडाणा : गावाची समृद्धी माती आणि पाणी यावरच अवलंबून आहे. त्यामुळे पुढील कालावधीत समृद्ध गाव स्पर्धेतील सहभागी प्रत्येक गावाने आपल्या गावातील माती समृद्ध करण्यासाठी आणि शिवारात पाण्याची समृद्धी आणण्यासाठी जल व मृद्‍संधारण कामावर भर देणे अत्यंत गरजेचे आहे, असे प्रतिपादन जिल्हाधिकारी एस. रामामूर्ती यांनी केले आहे.

पानी फाउंडेशनतर्फे सत्यमेव जयते समृद्ध गाव स्पर्धा राबवली जात आहे. सहभागी गावांकरिता मिनी स्पर्धेचे आयोजन करण्यात आले होते. या स्पर्धेत पात्र असणाऱ्या गावांचा सन्मान सोहळा जिल्हाधिकारी एस. रामामूर्ती यांच्या अध्यक्षतेखाली झाली. राज्यस्तरीय वॉटर कप स्पर्धेतील द्वितीय पुरस्कार विजेते असलेल्या सिंदखेड (ता. मोताळा) येथे कार्यक्रम आयोजित करण्यात आला होता. या वेळी जिल्हाधिकारी बोलत होते. या वेळी उपजिल्हाधिकारी श्री. माचेवाड, जिल्हा परिषदेचे उपमुख्य कार्यकारी अधिकारी (पंचायत) राजेश लोखंडे, वरिष्ठ भूजल वैज्ञानिक श्री. ढवळे, जिल्हा परिषद सदस्य निरंजन वाडे, गटविकास अधिकारी श्री. मोहोळ, तालुका कृषी अधिकारी भारत कासार आदी उपस्थित होते.

जिल्हाधिकारी पुढे म्हणाले, की गावाच्या सामूहिक प्रयत्नातून सातत्यपूर्ण काम करीत राहिल्यास मोताळा तालुक्याचा नावलौकिक देशपातळीपर्यंत पोहोचेल. 

उपजिल्हाधिकारी श्री. माचेवाड या वेळी म्हणाले, की नरेगा योजनेच्या माध्यमातून ‘लखपती कुटुंब समृद्ध कुटुंब’ ही संकल्पना राबविण्यात येत आहे. नरेगाची कामे करण्याची पद्धत, आता बदलली असून मागेल ते काम देण्याची कार्यपद्धती सध्या ‘रोहयो’मार्फत राबविण्यात येत आहे. 

श्री. लोखंडे म्हणाले, की समृद्ध गाव स्पर्धेमध्ये काम करीत असलेल्या सर्व गावांची कामगिरी समाधानकारक राहिलेली आहे. तसेच समृद्ध गाव स्पर्धेबरोबरच गावाने गावाची एकी आणि नेकी टिकवून ठेवावी. त्याच्या जोरावर गावाचा विकास करावा. या वेळी जिल्हाधिकाऱ्यांनी सिंदखेड गावात पर्जन्यमापक स्थळ, गावाने तयार केलेली गवत नर्सरी, बांधावरील वृक्ष लागवड, सोबतच ६७ एकरावरील वृक्ष व गवत लागवडीची पाहणी केली. संपूर्ण शिवारफेरी दरम्यान जिल्हाधिकाऱ्यांनी कामाची पाहणी करून निरीक्षण केले. सन्मान सोहळ्यामध्ये जयपूर, जनुना, महाळुंगी जहागीर, वारुळी, पोखरी, चिंचपूर, पोहा, तिघ्रा, दाभा, उबाळखेड, शेलापूर खु, चिंचखेड नाथ आणि सिंदखेड या १३ गावांना सन्मानचिन्ह देऊन गौरव करण्यात आले. तसेच पोफळी, लपाली, खामखेड, कोऱ्हाळा बाजार, अंत्री, रिधोरा जहागीर आणि भोरटेक या सात गावांना सन्मानपत्र देऊन गौरविण्यात आले.


इतर ताज्या घडामोडी
केंद्र्याच्या कृषी कायद्यांविरोधातील २७...कोल्हापूर : शेतकरीविरोधी कायदे मागे घ्यावेत,...
देवसंस्थांच्या जमिनीवर वहिवाटदारांचा...जेजुरी, जि. पुणे : देवसंस्थानच्या मालकीच्या...
पुरस्कारांच्या प्रस्तावावरून कृषी...अकोला : विविध पुरस्कारांसाठी शेतकऱ्यांनी दाखल...
कोयना धरणात १०१ टीएमसीवर पाणीसाठाकोयनानगर, जि. सातारा : शंभर दिवस ओलांडलेल्या...
उजनी धरणात उपयुक्त साठा ६४ टक्केच;...सोलापूर : उजनी धऱणाच्या पाणलोट क्षेत्रात अद्यापही...
अकोला जिल्ह्यात ओला दुष्काळ जाहीर करा...अकोला ः जिल्ह्यात अतिपावसाने धुमाकूळ घातला असून...
राज्यात तीन अन्न प्रक्रिया प्रकल्पांचे...नाशिक : राज्यातील तीन अन्न प्रक्रिया प्रकल्पांचे...
वाशीम झेडपी निवडणुकीचा चेंडू पुन्हा...वाशीम : सर्वोच्च न्यायालयाच्या आदेशानुसार रिक्त...
‘एफआरपी’च्या तुकड्यांनी शेतकरी...कऱ्हाड, जि. सातारा : एकरकमी ‘एफआरपी’चे तीन तुकडे...
हिंगोलीत मुहूर्ताच्या सोयाबीनला ११ हजार...हिंगोली : येथील कृषी उत्पन्न बाजार समितीअंतर्गत...
पीक नुकसान नोंदीसाठी विमा कंपन्यांच्या...परभणी : ७२ तासांच्या आत पीक नुकसानीची नोंद...
राज्यसभेच्या एका जागेसाठी ४ ऑक्टोबरला...नवी दिल्ली : महाराष्ट्रातून राज्यसभेवर रिक्त...
गणेशोत्सवासाठी सिंधुदुर्ग सज्ज; तीन...सिंधुदुर्गनगरी : घरोघरी गणेशोत्सव साजरा करण्याची...
ई-पीक पाहणीसाठी सोलापुरचे जिल्हाधिकारी...सोलापूर ः माढा तालुक्यात सुरू असलेल्या ई-पीक...
परभणी जिल्ह्यात १२७ गावे बाधितपरभणी ः जिल्ह्यात सोमवार (ता. ६) ते मंगळवार (ता....
हतनूर धरणातून पाण्याचा विसर्ग सुरूभुसावळ, जि. जळगाव : तालुक्यातील हतनूर धरणात...
संगणकीय सातबारावर कुळांची नावे नोंद करागडहिंग्लज, जि. कोल्हापूर : हस्तलिखित सातबारा...
पावसाचा २७ हजार हेक्टरला फटकानाशिक : नांदगाव तालुक्यातील झालेल्या...
सहा हजार क्विंटल धान्याचे होणार कंपोस्ट...भंडारा : वैनगंगा नदीला आलेल्या पुरामुळे गेल्या...
शेतकरी पुरस्कारासाठी दाखल केलेले...अकोला : शेतीत विविध प्रयोग करणाऱ्या, उत्पादन...