पुणे ‘जि.प.’तर्फे कर्मचाऱ्यांना मिळणार प्रोत्साहनपर अनुदान

पुणे ः ‘‘जिल्हा परिषदेच्या बक्षिस योजनेतून आता कोरोना काळात कर्तव्य बजावणाऱ्या कर्मचाऱ्यांना एक, दीड आणि दोन हजार रुपये देण्यात येणार आहेत. तर ग्रामसेवक, सरपंच यांना कोविड योद्धा पुरस्कार देऊन गौरविण्यात येणार आहे’.’
Employees will get incentive grants from Pune ‘ZP’
Employees will get incentive grants from Pune ‘ZP’

पुणे ः ‘‘जिल्हा परिषदेच्या बक्षिस योजनेतून आता कोरोना काळात कर्तव्य बजावणाऱ्या कर्मचाऱ्यांना एक, दीड आणि दोन हजार रुपये देण्यात येणार आहेत. तर ग्रामसेवक, सरपंच यांना कोविड योद्धा पुरस्कार देऊन गौरविण्यात येणार आहे’’, अशी माहिती जिल्हा परिषदेचे मुख्य कार्यकारी अधिकारी आयुष प्रसाद यांनी दिली.

कोरोना विषाणूंचा जिल्ह्यातील वाढता प्रादुर्भाव आणि फैलाव रोखण्यासाठी जिल्हा परिषद प्रशासनाच्या वतीने विविध खबरदारी आणि उपाययोजना करण्यात येत आहेत. शहरांमधील कोरोना विषाणू ग्रामिण भागात फैलावु नये, यासाठी ग्रामपंचायत कर्मचाऱ्यांसह अंगणवाडी, आशा कार्यकर्त्या, आरोग्य कर्मचारी धडपडत आहेत. याकाळात त्यांना प्रोत्साहन म्हणून जिल्हा परिषदेच्या वतीने बक्षीस योजना जाहीर केली आहे. 

प्रसाद म्हणाले,‘‘विविध कर्मचाऱ्यांचा गट करून, नागरिकांची आरोग्य तपासणी बरोबरच वैद्यकीय उपचार, लसीकरण सुरु केले आहेत. यासाठी ग्रामपंचायतीमधील चतुर्थ श्रेणी कर्मचाऱ्यांसह अंगणवाडी सेविका, आशा वर्कर, ग्रामसेवक, संरपंच यांचा सक्रिय सहभाग आहे. या जीवघेण्या संकटात सैनिक म्हणून काम करणाऱ्या कर्मचाऱ्यांचे मनोबल वाढविण्यासाठी जिल्हा परिषदेतर्फे प्रोत्साहनपर अनुदान योजना पंचायतराज दिनाच्या निमित्ताने जाहीर केली.’’ 

पंधरा दिवसांत ॲक्टिव्ह रुग्णांचे प्रमाण ८० टक्क्‍यांनी कमी केल्यास आणि ग्रामपंचायत क्षेत्रात कोरोनामुळे रुग्णाचा मृत्यू न झाल्यास दोन हजार रुपये, हेच प्रमाण ६० ते ८० टक्क्यांनी कमी केल्यास दीड हजार आणि ४० ते ६० टक्के कमी केल्यास १ हजार रुपये बक्षिस दिले जाईल,’’, असेही प्रसाद यांनी स्पष्ट केले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com