भंडारा जिल्ह्यात ५० हजारांवर मजुरांना रोजगार

भंडारा ः लॉकडाऊन काळात आर्थिक आधार म्हणून जिल्ह्यातील ५० हजर ३३९ मजुरांना रोजगार उपलब्ध करून देण्यात आला आहे. विशेष म्हणजे यात जिल्ह्यातील ५४१ ग्रामपंचायतींचा सहभाग असून त्यापैकी ४०४ ग्रामपंचायतींमध्ये कामे सुरू झाली आहेत.

महात्मा गांधी ग्रामीण रोजगार हमी योजनेच्या माध्यमातून रोजगार उपलब्धतेचा प्रयत्न मुख्य कार्यकारी अधिकारी भुवनेश्‍वरी एस यांच्या माध्यमातून होत आहे. लॉकडाऊनच्या काळातही जिल्हा प्रशासनाने मजुरांना रोजगार उपलब्ध करून देण्यासाठी यशस्वी नियोजन केले आहे. एकूण तालुक्‍यात २११८ मस्टरवर या सर्व मजुरांची नोंदणी करण्यात आली आहे. २५१३ मजुरांची यूआयडीअंतर्गत नोंदणी झाली आहे. मनरेगा अंतर्गत मनुष्यदिन रोजगार निर्मितीत भंडारा जिल्हा राज्यात पहिल्या क्रमांकावर असल्याची माहिती कार्यक्रम समन्वयक गुणवंत खोब्रागडे यांनी दिली.