agriculture news in marathi, enam review meeting, pune, maharashtra | Agrowon

‘ई -नाम’अंतर्गत पाच राज्यांमध्ये आंतरराज्य व्यापार सुरू करणार : पी. के. स्वाईन
टीम अॅग्रोवन
रविवार, 11 ऑगस्ट 2019

पुणे  : आॅनलाइन राष्ट्रीय कृषी बाजारांतर्गत (ई - नाम) महाराष्ट्र, तेलंगणा, आंध्र प्रदेश, तमिळनाडू व मध्य प्रदेश या राज्यांमध्ये आंतरराज्य व्यापार (इंटरस्टेट ई-ट्रेड) सुरू करण्यात येईल, अशी माहिती केंद्रीय कृषी व शेतकरी कल्याण विभागाचे सहसचिव पी. के. स्वाइन यांनी दिली. याअनुषंगाने राज्यातील महत्वाच्या बाजार समित्यांचे सचिव आणि व्यापाऱ्यांना त्यांनी या वेळी मार्गदर्शन केले. 

पुणे  : आॅनलाइन राष्ट्रीय कृषी बाजारांतर्गत (ई - नाम) महाराष्ट्र, तेलंगणा, आंध्र प्रदेश, तमिळनाडू व मध्य प्रदेश या राज्यांमध्ये आंतरराज्य व्यापार (इंटरस्टेट ई-ट्रेड) सुरू करण्यात येईल, अशी माहिती केंद्रीय कृषी व शेतकरी कल्याण विभागाचे सहसचिव पी. के. स्वाइन यांनी दिली. याअनुषंगाने राज्यातील महत्वाच्या बाजार समित्यांचे सचिव आणि व्यापाऱ्यांना त्यांनी या वेळी मार्गदर्शन केले. 

ई-नाम अंतर्गत इंटरस्टेट ई-ट्रेडला चालना देण्यासाठी राज्य कृषी पणन मंडळामध्ये नुकतीच आढावा बैठक घेण्यात आली. या वेळी आंतरराज्य व्यापाराबाबत पी. के. स्वाइन यांनी मार्गदर्शन केले. या वेळी पणन विभागाचे प्रधान सचिव अनुप कुमार, पणन संचालक डॉ. किशोर तोष्णीवाल, पणन मंडळाचे कार्यकारी संचालक सुनील पवार, सरव्यवस्थापक दीपक शिंदे, तेलंगणा, आंध्र प्रदेश, मध्य प्रदेश व तमिळनाडू या राज्यांच्या पणन विभागाचे अधिकाऱ्यांसह राज्यातील ई-नाममध्ये निवड झालेल्या महत्त्वाच्या बाजार समित्यांचे सचिव व व्यापारी उपस्थित होते.  

या वेळी श्री. स्वाइन म्हणाले, की केंद्र शासनाच्या ई-नाम योजनेची राज्यातील ६० बाजार समित्यांमध्ये अंमलबजावणी सुरू आहे. ई-नामची अंमलबजावणी इंट्रामंडी (बाजार समिती स्तरावर), इंटरमंडी (राज्यातील २ बाजार समित्या) व इंटरस्टेट (दोन राज्यातील बाजार समित्या) या तीन स्तरांमध्ये विभागण्यात आली आहे. लवकरच राज्यातील बाजार समित्यांची आंतरराज्य ई व्यापाराला चालना देण्यासाठीची प्रक्रिया सुरू करण्यात येणार आहे. 

प्रधान सचिव अनुपकुमार म्हणाले, की ई - नाम अंतर्गत होणारा व्यापार हा शेतकरी आणि व्यापाऱ्यांसाठी फायदेशीर आहे. यामाध्यमातून शेतीमालाला राष्ट्रीय बाजारपेठ उपलब्ध होणार आहे. त्यामुळे या व्यवस्थेकडे सकारात्मक दृष्टीने पाहून याची अंमलबजावणी करावी. या वेळी पणन संचालक डॉ. किशोर तोष्णीवाल, आंध्र प्रदेशचे पणन विशेष आयुक्त श्री. प्रद्युम्न, तेलंगणाच्या पणन संचालक श्रीमती लक्ष्मीबाई यांनी इंटरस्टेट ई-ट्रेडच्या अनुषंगाने आपपल्या राज्यातील बाजार समिती कायद्यातील तरतुदींबाबत माहिती दिली. या वेळी सुनील पवार यांनी प्रास्ताविक केले. दीपक शिंदे यांनी आभार मानले. 

मुंबई, पुण्यातील कामकाज असमाधानकारक 
‘ई - नाम’ अंतर्गत राज्यातील महत्त्वाच्या बाजार समित्यांचे कामकाज अत्यंत असमाधानकारक असल्याबाबत केंद्रीय सहसचिव पी. के. स्वाइन यांनी नाराजी व्यक्त केली. पुणे, मुंबई, सोलापूर, लातूर, औरंगाबाद, खामगाव, गोंदिया, हिंगोली व सेनगाव येथील बाजार समित्यांचे कामकाज असमाधानकारक असल्याने स्वाइन यांनी नाराजी व्यक्त केली. पुणे, मुंबईसारख्या महत्त्वाच्या बाजार समित्यांवर प्रशासक असून, देखील या बाजार समित्यांमध्ये ई नामची अंमलबजावणी होऊ शकलेली नाही. मुंबई बाजार समितीवर खुद्द सहकार आयुक्त सतीश सोनी प्रशासक आहेत. पुणे बाजार समितीवर अप्पर निबंधक दर्जाचे अधिकारी बी. जे. देशमुख प्रशासक आहेत. देशमुख हे बाजार व्यवस्थेमध्ये रस असणारे अधिकारी असून, ते देखील ई नामच्या अंमलबजावणीबाबत अपयशी ठरल्याचे चित्र आहे. 

इतर ताज्या घडामोडी
तुरुंगात गेलेल्यांनी विचारू नये, की...सोलापूर ः ‘‘मी घरच्यांना सांगून आलो आहे, आता...
मराठवाडा दुष्काळमुक्‍तीसाठी सरकारचे...औरंगाबाद : वॉटर ग्रिड, गोदावरीच्या तुटीच्या...
साताऱ्यातील धरणांमध्ये ९८ टक्‍क्‍यांवर...सातारा : जिल्ह्यातील प्रमुख धरणांच्या पाणलोट...
नियोजनशून्य कारभारामुळे ६० टक्केच निधी...मुंबई ः भाजप-शिवसेना युती सरकारची पाच वर्षांतील...
अकोल्यात उडीद प्रतिक्विंटल सरासरी ४६००...अकोला ः येथील कृषी उत्पन्न बाजार समितीत आवक...
खानदेशात मुगाचे दर स्थिर, उडदाच्या...जळगाव ः खानदेशातील प्रमुख बाजार समित्यांमध्ये...
नाशिकमध्ये कांद्याची आवक घटली; दरात वाढनाशिक : नाशिक कृषी उत्पन्न बाजार समितीमध्ये चालू...
औरंगाबादेत कोबी १००० ते १२०० रुपये...औरंगाबाद : येथील कृषी उत्पन्न बाजार समितीमध्ये...
परतीच्या मॉन्सूनसाठी अनुकूल वातावरणमहाराष्ट्राच्या उत्तरेकडील भागावर १००६...
मानधनवाढीसाठी आशा कर्मचाऱ्यांचे मूक...नाशिक : आशा व गटप्रवर्तकांचे मानधन तिप्पट...
अकोल्यात पावसाळी वातावरणामुळे मूग...अकोला  ः गेल्या १५ दिवसांपासून कुठे रिमझिम...
ग्रामसेवकांच्या माघारीने...पुणे : राज्य शासनाकडून ग्रामसेवक संघटनेच्या...
हिंगोलीत खरिपात केवळ अकरा टक्के पीक...हिंगोली ः हिंगोली जिल्ह्यातील सर्वच बॅंकांनी यंदा...
नरोटेवाडीतील कालव्यातून हिप्परगा...सोलापूर  : शिरापूर उपसा सिंचन योजनेमधून...
रेशीम अळ्यांचे शास्त्रोक्‍त संगोपन आवश्...जालना : ‘‘चॉकी रेअरिंग सेंटरमुळे शेतकऱ्यांना...
परभणीत ८४९ कोटी ५६ लाख रुपयांची...परभणी ः छत्रपती शिवाजी महाराज शेतकरी सन्मान...
‘कडकनाथ’प्रकरणी ‘स्वाभिमानी’ आक्रमकसातारा : कडकनाथ घोटाळ्याप्रकरणी तिघांना आरोपीऐवजी...
पुराचे पाणी दुष्काळी भागाला देणार ः...कऱ्हाड, जि. सातारा ः महापुरामुळे सांगली,...
मुख्यमंत्र्यांच्या ताफ्यात सोडल्या...सांगली ः कडकनाथ कोंबडी घोटाळा प्रकरणांची चौकशी...
शरद पवार आजपासून राज्याच्या दौऱ्यावरमुंबई ः लोकसभा निवडणुकीपासून सुरू असलेली पक्षाची...