Agriculture news in marathi Encourage cash crops in kharif | Agrowon

नगदी पिकांना खरिपात प्रोत्साहन द्या 

टीम अॅग्रोवन
बुधवार, 5 मे 2021

विकेल ते पिकेल धोरणांतर्गत पारंपरिक पिकांसोबतच शेतकऱ्यांना नगदी पिके घेण्यासाठी प्रोत्साहित केल्यास गावात समृद्धी नांदेल. खरिपात याकरिता कृषी विभागाने विशेष प्रयत्न करावेत, अशी सूचना पालकमंत्री नवाब मलिक यांनी केली. 

गोंदिया : विकेल ते पिकेल धोरणांतर्गत पारंपरिक पिकांसोबतच शेतकऱ्यांना नगदी पिके घेण्यासाठी प्रोत्साहित केल्यास गावात समृद्धी नांदेल. खरिपात याकरिता कृषी विभागाने विशेष प्रयत्न करावेत, अशी सूचना पालकमंत्री नवाब मलिक यांनी केली. 

जिल्हाधिकारी कार्यालयातील नियोजन समितीच्या सभागृहात आयोजित खरीप आढावा बैठकीत ते बोलत होते. खासदार सुनील मेंढे, आमदार अभिजित वंजारी, विनोद अग्रवाल, मनोहर चंद्रिकापुरे, सहसराम कोरोटे, माजी आमदार राजेंद्र जैन, नगराध्यक्ष अशोक इंगळे, जिल्हाधिकारी दीपक कुमार मीना, मुख्य कार्यकारी अधिकारी प्रदीप कुमार डांगे, पोलिस अधीक्षक विश्व पानसरे, जिल्हा अधीक्षक कृषी अधिकारी गणेश घोरपडे या वेळी उपस्थित होते. 

नवाब मलिक म्हणाले, ‘‘निविष्ठांचा दर्जा नसल्यास शेतकऱ्यांचा संपूर्ण हंगाम वाया जातो. गेल्या हंगामात निकृष्ट सोयाबीन बियाण्याच्या माध्यमातून हा अनुभव अनेकांनी घेतला.

बियाणे उगवले नसल्यामुळे शेतकऱ्यांना भरपाई द्यावी लागली. त्यामुळे येत्या खरिपाची तयारी करताना निविष्ठांचा दर्जा तपासावा. त्या करिता नियमानुसार नमुने घेण्यात यावे. पीक विमा कंपन्यांच्या अधिकाऱ्यांसोबत बैठक घेऊन जास्त शेतकऱ्यांना पीक विमा सहज आणि सुलभ पद्धतीने काढता येईल, या दृष्टीने नियोजन करावे. गेल्या खरीप हंगामात ज्या शेतकऱ्यांनी पीक विमा योजनेत सहभाग घेतला होता. त्यापैकी अनेक शेतकरी विमा कंपनीच्या धोरणापायी नुकसान भरपाई पासून वंचित आहेत.

जिल्ह्यातील चार महसूल मंडळातील शेतकऱ्यांना पीक विमा कंपनीने चुकीची आकडेवारी वापरून भरपाईपासून वंचित ठेवल्याचा आरोप आमदार मनोहर चंद्रिकापुरे यांनी केला. जिल्हा अधीक्षक कृषी अधिकारी गणेश घोरपडे यांनी जिल्ह्यात २ लाख २० हजार २४० हेक्टर क्षेत्रावर यंदाच्या खरिपात पीक लागवड होणार असल्याची माहिती दिली. त्यामध्ये १ लाख ९० हजार हेक्‍टर क्षेत्रावर धान घेण्याचे नियोजन कृषी विभागाने केले आहे.’’ 

निधी नसल्याचे कारण देत जिल्ह्यात महावितरणकडून वीज जोडणी देण्यास नकार दिला जात आहे. संरक्षित सिंचन स्त्रोतांमधील पाण्याचा वापर करून उत्पादकता वाढीचे प्रयत्न शेतकरी करीत आहेत. त्या प्रयत्नांना वीज वितरण कंपनीकडून वीज जोडणी न देण्याच्या माध्यमातून खीळ घातली जात असल्याचा आरोप खासदार सुनील मुंडे यांनी या वेळी केला.

जिल्ह्यातील ५ हजार २८१ शेतकऱ्यांचे कृषी पंप जोडणीचे अर्ज प्रलंबित आहेत. हा अनुशेष लवकरात लवकर भरून काढत शेतकऱ्यांना कृषिपंप वीज जोडणी मिळावी, अशी आग्रही मागणी खासदार मेंढे यांनी या वेळी केली. लोकप्रतिनिधींना विश्वासात घेऊन नावीन्यपूर्ण योजना राबवाव्यात, अशी सूचना देखील त्यांनी केली. 
 


इतर बातम्या
वादळी वाऱ्यासह पावसाचा तडाखा पुणे : अरबी समुद्रात घोंघावत असलेल्या ‘तौत्के’...
पावसासाठी पोषक वातावरण पुणे : चक्रीवादळामुळे पश्‍चिम महाराष्ट्रात वेगाने...
पश्‍चिम महाराष्ट्रातही पाऊस पुणे ः ‘तौत्के’ चक्रीवादळाचा फटका पुणे, कोल्हापूर...
विदर्भ, मराठवाड्यात पाऊसअमरावती/औरंगाबाद : ‘तौक्ते’ चक्रीवादळामुळे विदर्भ...
कापूस बियाणे विक्री २० मेपासून करा : ‘...नागपूर : विदर्भ, खानदेश विभागांत शेजारच्या...
कृषी निविष्ठा विक्रेत्यांचे ...येवला, जि. नाशिक : कृषी बियाणे रासायनिक खते,...
कोकण किनारपट्टीला चक्रीवादळाचा दणका रत्नागिरी/सिंधुदुर्गनगरी ः ‘तौत्के’ चक्रीवादळाचा...
तूर, मूग, उडदाची आयात खुली नागपूर : केंद्र सरकारने हंगामापूर्वी तूर, उडीद...
धूळवाफ पेरणीत लॉकडाउनचा खोडा सांगली ः शिराळा तालुक्यात वारंवार झालेल्या...
आपत्ती व्यवस्थापनाचे नियोजन करा ः...नागपूर : गेल्या वर्षीचा महापूर लक्षात घेऊन...
कुकडीच्या पाण्यासाठी  पारनेरकर एकवटले निघोज, ता. पारनेर : कुकडीच्या पाण्याबाबत पुणे...
पेट्रोल, खतांच्या दरवाढीविरोधात ...मुंबई : पेट्रोल शंभरी पार केल्यानंतर केंद्राने...
गडहिंग्लजमध्ये शेतकऱ्यांकडे नऊ टन...गडहिंग्लज, जि. कोल्हापूर : यंदाच्या खरीप हंगामात...
कीटकनाशके विक्रीबाबत तरतुदींचे पालन करा अकोला ः या खरीप हंगामात बियाणे, खते, कीटकनाशके...
परभणीत पीककर्जाच्या उद्दिष्टात ४८६...परभणी ः जिल्ह्यात चालू आर्थिक वर्षात (२०२१-२२)...
कोरोना रुग्णालयांचा वीज,  ऑक्सिजन...मुंबई : अरबी समुद्रातील तौक्ते चक्रीवादळामुळे...
मॉन्सूनपूर्व कामांना प्राधान्य द्यावे ः...भंडारा : मॉन्सून कालावधीत अचानक उद्‌भवणाऱ्या...
कोरोनाचे नियम पाळून  बाजार समित्या सुरू...नाशिक : जिल्ह्यामध्ये कोरोनाचा प्रादूर्भाव...
नगर जिल्ह्यात खरीपपूर्व मशागतीच्या...नगर : एकीकडे कोरोनाचे सावट असताना ग्रामीण भागातील...
लोहा, माहूर तालुक्यांना विम्याची रक्कम...नांदेड : पंतप्रधान पीकविमा योजनेअंतर्गत खरीप...