Agriculture news in marathi, enough rainfall not coming in Marathwada | Agrowon

मराठवाड्यातील ७६ पैकी ७२ तालुक्यांत अपेक्षित पाऊस नाहीच

टीम अॅग्रोवन
बुधवार, 14 ऑगस्ट 2019

औरंगाबाद : मराठवाड्यातील ७६ तालुक्यांपैकी तब्बल ७२ तालुक्यांत आजवर अपेक्षित पाऊस झालाच नाही. जो झाला त्यामध्ये सर्वसमावेशकता व जोर नव्हता. दुसरीकडे केवळ चार तालुक्यांत पावसाने अपेक्षित हजेरी लावली. १३ तालुक्यांत तर अपेक्षेच्या ५० टक्‍केही पाऊस झाला नसल्याची स्थिती आहे. खास करून बीड, उस्मानाबाद जिल्ह्यांतील बिकट स्थिती कायम असल्याचे चित्र आहे. 

औरंगाबाद : मराठवाड्यातील ७६ तालुक्यांपैकी तब्बल ७२ तालुक्यांत आजवर अपेक्षित पाऊस झालाच नाही. जो झाला त्यामध्ये सर्वसमावेशकता व जोर नव्हता. दुसरीकडे केवळ चार तालुक्यांत पावसाने अपेक्षित हजेरी लावली. १३ तालुक्यांत तर अपेक्षेच्या ५० टक्‍केही पाऊस झाला नसल्याची स्थिती आहे. खास करून बीड, उस्मानाबाद जिल्ह्यांतील बिकट स्थिती कायम असल्याचे चित्र आहे. 

मराठवाड्यात १ जून ते १३ ऑगस्टदरम्यान सरासरी ४२६.५३ मिलिमीटर पाऊस होणे अपेक्षित होते. मंगळवारपर्यंत (ता. १३) सरासरी २९३.३८ मिलिमीटर पाऊस झाला. वार्षिक सरासरी ७७९ मिलिमीटर असलेल्या मराठवाड्यात पावसाने मोठी ओढ दिली. अर्धा पावसाळा संपल्यात जमा असताना वार्षिक सरासरीच्या केवळ ३७.६६ टक्‍केच पाऊस झाला. औरंगाबाद जिल्ह्यातील ९ तालुक्‍यांपैकी केवळ सिल्लोड, सोयगाव, वैजापूरमध्ये अपेक्षित पाऊस झाला. उर्वरित सर्व तालुक्यांत अपेक्षेच्या केवळ ६० ते ८८ टक्‍के पाऊस झाला. 

जालना जिल्ह्यातील आठही तालुक्यांत फारसा पाऊस झालाच नाही. परभणी जिल्ह्यातील नऊही तालुक्‍यांतही हीच स्थिती राहिली. जिल्ह्यातील परभणी, सेलू, पाथरी, जिंतूर आदी तालुक्यांत अपेक्षेच्या ६० टक्‍केही पाऊस झाला नाही. हिंगोली जिल्ह्यातील वसमत तालुक्‍यात केवळ ४५.९३ टक्‍केच पाऊस झाला. उर्वरित तालुक्‍यांत ६८ ते ८८ टक्‍के पाऊस झाला. 

नांदेड जिल्ह्यातील १६ तालुक्‍यांपैकी केवळ मुदखेडचा अपवाद वगळता एकाही तालुक्‍यात अपेक्षित पाऊस नाही. देगलूर तालुक्‍यात अपेक्षेच्या केवळ ५८ टक्‍के, तर किनवट व माहूर तालुक्‍यात अपेक्षेच्या ९४ टक्के पाऊस झाला. बीड जिल्ह्यावर पावसाची यंदा कमालीची अवकृपा राहिली. जिल्ह्यातील ११ पैकी एकाही तालुक्‍यात अपेक्षेच्या ६० टक्‍के पाऊस झाला नाही. दुसरीकडे गेवराई, शिरूर कासार, वडवणी, अंबाजोगाई, केज, धारूर आदी तालुक्‍यांत ४५ टक्‍केही पाऊस झाला नाही. 

लातूर जिल्ह्यातील १० तालुक्‍यांपैकी लातूर, औसा व चाकूरमध्ये अपेक्षेच्या ५० टक्‍के पाऊस झाला नाही. इतर ठिकाणीही हीच स्थिती राहिली. उस्मानाबाद जिल्ह्यातील ८ पैकी कळंब, भूम, परंडा तालुक्यांत अपेक्षेच्या ५० टक्के, वाशी, उस्मानाबाद तालुक्यांत ६० टक्‍केही पाऊस नाही.


इतर अॅग्रो विशेष
‘अपेडा’वरील नोंदणीत राज्याचा टक्का वाढलानागपूर ः निर्यातीला चालना मिळावी तसेच देशांतर्गत...
चिकन, अंडी खाण्यास पूर्णपणे सुरक्षित ः...पुणे ः पूर्णपणे उकडलेली अंडी आणि चिकन खाण्यासाठी...
कोल्हापूर : गुळाच्या दरात १५० रुपयांनी...कोल्हापूर : बाजार समितीत गेल्या आठ दिवसांमध्ये...
सिद्धरामेश्‍वर यात्रेत भाकणूक : यंदा...सोलापूर ः ग्रामदैवत सिद्धरामेश्‍वर महाराजांच्या...
‘एफपीओं’ना बळकट करण्याची गरज ः चढ्ढा पुणे ः शेतीमध्ये मातीपासून ते बाजारपेठेपर्यंत...
कर्मचाऱ्यांनी ‘क्रॉप डॉक्टर’ व्हावे :...पुणे: राज्यातील शेतकरी कष्टपूर्वक शेती करताना...
तुरीला मिळणार दराची ‘फोडणी’ पुणे ः देशात यंदा तूर उत्पादनात घटीचा अंदाज आहे....
कृषी कायद्यांवर ‘तारीख पे तारीख’ नवी दिल्ली ः शेतकरी नेते कृषी कायदे रद्द...
गोंदियात पारा ६.८ अंशांवर पुणे ः विदर्भाच्या अनेक भागांत थंडी चांगलीच वाढली...
मराठवाड्यातील रब्बीवर रोगांचे संकट लातूर : येथील विभागीय कृषी सहसंचालक...
खानदेशात कांदेबाग केळी जोमात जळगाव ः खानदेशात कांदेबाग केळीची लागवड सुमारे एक...
नागपूर जिल्हा परिषद बांधणार...नागपूर : शेतकऱ्यांच्या मालाला शहरात बाजारपेठ...
रब्बीत मोहरीचे पीक ठरतेय वरदानमेहकर (जि. बुलडाणा) तालुका परिसरात मोहरी...
दोघे युवामित्र झाले जिरॅनिअम तेल उद्योजकनाशिक जिल्ह्यातील कृषी पदवीधर सौरभ जाधव व...
पुनर्भरणावर भर अन् उपशावर हवे नियंत्रण मागील पावसाळ्यात महाराष्ट्राच्या बहुतांश...
उपलब्ध पाणी शेतापर्यंत पोहोचवामराठवाड्यात या वर्षी समाधानकारक पाऊस झाल्यामुळे...
सर्वोच्च न्यायालयाच्या समितीतील...नवी दिल्ली ः सर्वोच्च न्यायालयाने कृषी...
सर्वोच्च न्यायालय सांगेपर्यंत समितीचे...पुणे : देशातील शेतकऱ्यांना बंदिस्त बाजारपेठांच्या...
खेडा खरेदीत कापूसदरात वाढजळगाव ः कापूसदरात या आठवड्यात वाढ झाली असून,...
आता ही संकटे सोसण्याची सहनशक्ती संपली ! नाशिक ः आता हे संकटाचं सलग तिसरं वर्ष. नोटाबंदी,...