Agriculture news in Marathi Enter the orange pruning machine 'Pandekrivi' | Page 2 ||| Agrowon

संत्रा छाटणी यंत्र ‘पंदेकृवि’त दाखल

टीम अॅग्रोवन
सोमवार, 18 ऑक्टोबर 2021

संत्र्याच्या बागा उभ्या राहत असून, संत्रा झाडांची छाटणी करण्यासाठी अद्यायावत तंत्रज्ञानाचा वापर करण्याच्या उद्देशाने डॉ. पंजाबराव देशमुख कृषी विद्यापीठाने अत्याधुनिक यंत्र उपलब्ध करून दिले आहे. विद्यापीठाच्या फळशास्त्र विभागामार्फत या यंत्राची हाताळणी केली जाणार आहे.

अकोला : दिवसेंदिवस या भागात संत्र्याची लागवड वाढत आहे. अकोला, वाशीम, बुलडाणा जिल्ह्यांतील काही भागात संत्र्याच्या बागा उभ्या राहत असून, संत्रा झाडांची छाटणी करण्यासाठी अद्यायावत तंत्रज्ञानाचा वापर करण्याच्या उद्देशाने डॉ. पंजाबराव देशमुख कृषी विद्यापीठाने अत्याधुनिक यंत्र उपलब्ध करून दिले आहे. विद्यापीठाच्या फळशास्त्र विभागामार्फत या यंत्राची हाताळणी केली जाणार आहे.

संत्र्याच्या झाडांची छाटणी ही मजुरांकडून केली जाते. हे किचकट स्वरूपाचे व वेळखाऊ पद्धतीचे काम आहे. या भागात अद्यापही यंत्राचा वापर होत नव्हता. अत्याधुनिक स्वरूपाचे यंत्र उपलब्ध नसल्याने संत्रा बागायतदार पारंपरिक पद्धतीने छाटणीचे काम करीत होते. ही गरज ओळखत कुलगुरू डॉ. विलास भाले यांच्या मार्गदर्शनात फळशास्त्र विभागाने फलोत्पादन खात्याकडे यंत्रासाठीचा प्रस्ताव दिला होता. याला मंजुरी मिळाल्यानंतर फलोत्पादन अभियानातून हे यंत्र खरेदी करण्यात आले. मंगळवारी (ता. १२) झालेल्या शिवारफेरी दरम्यान हे यंत्र शेतकऱ्यांना प्रात्याक्षिकासह दाखवण्यात आले. शास्त्रज्ञांनी शेतकऱ्यांना यंत्राचा वापर, फायद्यांबाबत सविस्तर माहिती दिली. 

शेतकऱ्यांनी उत्सुकतेने यंत्राची पाहणी करीत माहिती घेतली. सघन पद्धतीने लागवड केलेल्या बागांमध्ये विद्यापीठाने शिफारस केलेल्या १० फूट उंचीपर्यंतच्या छाटणीचे काम उत्तम पद्धतीने यंत्राद्वारे होऊ शकते. या यंत्राच्या साह्याने केलेल्या छाटणीने दिवसभरात अडीच ते तीन एकरापर्यंत चांगल्या पद्धतीचे काम करणे सुकर होते. यासाठी प्रशिक्षित चालक नेमण्यात आला आहे. शेतकऱ्यांनी कागदपत्रे सादर करून विद्यापीठाकडे मागणी केल्यास हे यंत्र तासांप्रमाणे उपलब्ध करून दिले जाणार आहे, अशी माहिती फळशास्त्र विभाग प्रमुख डॉ. शशांक भराड यांनी दिली. या पूर्वी हे यंत्र नागपूर, काटोल परिसरातील शेतकऱ्यांसाठी उपलब्ध झालेले आहे. आता अकोल्यात उपलब्ध झाले.


इतर बातम्या
सिंधुदुर्ग जिल्हा परिषद कृषी समितीच्या...सिंधुदुर्गनगरी ः ‘‘बियाणे किट वितरण आणि...
सांगली जिल्ह्यात ‘किसान सन्मान’ची वसुली...सांगली : पंतप्रधान किसान सन्मान योजनेतील अपात्र...
सिद्धेश्‍वर कारखान्याच्या चिमणी ...सोलापूर ः कुमठे येथील श्री सिद्धेश्‍वर सहकारी...
औरंगाबाद, जालना, बीड जिल्ह्यात गाळपात...औरंगाबाद : ‘‘मराठवाड्यातील औरंगाबाद, जालना व बीड...
मराठवाड्यातील ८७५ मोठ्या, मध्यम, लघू...औरंगाबाद : मराठवाड्यातील ८७५ मोठ्या, मध्यम, लघू...
नाशिक ः सिन्नरच्या पाणी प्रकल्पाचा...नाशिक : नाशिक व सिन्नरच्या विकासासाठी आवश्यक पाणी...
जळगाव जिल्ह्यात १७ हजार बेडची सज्जता जळगाव ः जिल्ह्यात कोरोनाच्या तिसऱ्या लाटेच्या...
नांदेड जिल्ह्यात पाच लाख खातेदारांना ‘...नांदेड जिल्ह्यात : पंतप्रधान किसान सन्‍मान निधी (...
निविष्ठा परवान्यांमधील ‘दुरूस्ती’ आता...पुणे ः गुणनियंत्रण विभागातील गैरव्यवहाराला आळा...
ऊसतोड वजावट रद्द करावी पुणे : राज्यात यंत्राच्या साहाय्याने होणारी...
कोकण, मध्य महाराष्ट्रात विजांसह पावसाची...पुणे : किमान तापमानाचा पारा घसरल्याने गारठा वाढला...
गोदावरी-वैनगंगा नदीजोड प्रकल्प अद्याप...नागपूर : महागाई आणि भूखंडाच्या दरापेक्षाही वेगाने...
आंदोलनातील मृत शेतकऱ्यांच्या...नवी दिल्ली : कृषी कायदे रद्द झाल्यानंतर आता मोदी...
कृषी कायदे मागे घेण्यावर संसदेचे...नवी दिल्ली ः संसद अधिवेशनाच्या पहिल्याच दिवशी...
वीजजोड जबरदस्तीने तोडल्यास जशास तसे...सांगली ः महावितरण कंपनीने शेतीपंपांची वीजबिल वसूल...
राजस्थानमधील शेतकऱ्यांची  मोहरी आणि...पुणे ः रब्बी हंगाम २०२०-२१ मधील मोहरी आणि गव्हाला...
गोदावरी, पैनगंगा उपखोऱ्याची तूट भरून...औरंगाबाद ः ‘‘गोदावरी, पैनगंगा उपखोऱ्याची तूट भरून...
कृषी विजबिले अवास्तवअकोला ः ग्रामीण भागात सध्या एकीकडे रब्बीची लगबग...
खानदेशात अनेक गावांमधील शिवारात वीज बंद जळगाव ः  खानदेशात जळगाव, धुळे, नंदुरबारमधील...
अवकाळीच्या सावटामुळे द्राक्ष पट्ट्यात...नाशिक : गेल्या काही वर्षांपासून पूर्वहंगामी...