agriculture news in marathi equipment used for intercultural operation | Agrowon

...ही आहेत आंतरमशागतीसाठी अवजारे

वै. रा. सूर्यवंशी
मंगळवार, 4 फेब्रुवारी 2020

शेती मशागतीमध्ये आता ट्रॅक्टर, पॉवर टिलर अशी आधुनिक यंत्र सामुग्रीचा वापर वाढला आहे. शेतीमधील आंतरमशागतीचा खर्च कमी करण्यासाठी विशेषतः तण नियंत्रणासाठी लहान यंत्राची आवश्यकता वाढत आहे. आपल्याकडील जमीनधारणा कमी होत आहे. त्यातच मजुरांची कमतरता ही समस्या शेतीमध्ये जाणवत आहे.

वैभव विळा 

शेती मशागतीमध्ये आता ट्रॅक्टर, पॉवर टिलर अशी आधुनिक यंत्र सामुग्रीचा वापर वाढला आहे. शेतीमधील आंतरमशागतीचा खर्च कमी करण्यासाठी विशेषतः तण नियंत्रणासाठी लहान यंत्राची आवश्यकता वाढत आहे. आपल्याकडील जमीनधारणा कमी होत आहे. त्यातच मजुरांची कमतरता ही समस्या शेतीमध्ये जाणवत आहे.

वैभव विळा 

  • गहू, ज्वारी व गवत इ. कापणी जमिनीलगत करता येते. दातेरी पत्यामुळे या विळ्याला धार लावायची गरज नाही.
     
  • वजनास हलका आणि अधिक चांगली पकड आहेत. एका तासामध्ये २ गुंठ्यांची कापणी करता येते.

दातेरी हात कोळपे 

  • पिकाच्या दोन ओळीत निंदणी करण्यासाठी, मजुराला उभ्याने कोळपे दोन्ही हाताने मागे पुढे ढकलून चालविता येते. कामाचा शीण कमी होत असल्यामुळे मजुराची कार्यक्षमता वाढते. काम वेगाने होते.
     
  • कोळप्याचे पाते १५ से.मी. लांबीचे असून, दोन ओळींत १५ से.मी. पेक्षा जास्त अंतर असलेल्या पिकात या कोळप्याने निंदणी, खुरपणी करता येते. कोळप्यामुळे साधारणपणे ३ से.मी. खोलीपर्यंत जमिनीची खुरपणी होते.
     
  • सर्व प्रकारच्या पिकात आणि सर्व प्रकारच्या हलक्या, मध्यम तसेच भारी जमिनीत कोळपे सारख्याच क्षमतेने वापरता येते. या हातकोळप्याचे वजन कमी म्हणजे ७ किलो असल्याने सहज उचलून नेता येते. एक मजूर दिवसाकाठी ०.२ हेक्टर क्षेत्राची निंदणी-खुरपणी करू शकतो.

सायकल कोळपे 

  • याचा उपयोग १५ से.मी. पेक्षा जास्त अंतर असलेल्या पिकात कोळपणी, निंदणी, खुरपणी करण्याकरिता होतो. ५ ते ७ से.मी. पर्यंत जमिनीत खुरपणी करता येते.
     
  • एक मजूर दिवसाकाठी ०.२ हेक्टर क्षेत्राची निंदणी, खुरपणी सहजपणे करू शकतो.

पॉवर वीडर 

  • पिकातील तणे ही पिकाशी खत, पाणी, सूर्यप्रकाश यासाठी स्पर्धा करतात. पर्यायाने उत्पादनामध्ये मोठी घट येते. पर्यायाने तणनाशकाचा वापर वाढला आहे. मात्र, त्याचा जमीन आणि त्यातील सूक्ष्मजिवाणूंवरही विपरीत परिणाम होऊ शकतो. अशावेळी पॉवर वीडर हे अत्यंत महत्त्वाचे ठरू शकते.
     
  • पॉवर वीडर या अवजारांमुळे मजुरी तसेच वेळेत बचत होते. कामाचा दर्जा चांगला राहतो.
     
  • पॉवर वीडर हे ओळ पद्धतीने लावल्या जाणाऱ्या पिकात, फळबागांमध्ये आणि भाजीपाला पिकात निंदणीसाठी वापरता येते.
     
  • पिकांच्या सरींमधील अंतर ६०-७० सें.मी.पेक्षा जास्त आहे, अशा पिकांमध्ये तण काढणीसाठी पॉवर वीडरचा वापर उपयुक्त ठरू शकतो. उदा. नारळ, केळी, कपाशी, ऊस, डाळिंब, संत्री, द्राक्षे इत्यादी विविध पिकांसाठी आपण पॉवर वीडरचा वापर करू शकतो.
     
  • विविध प्रकारचे पॉवर वीडर तीन ते सहा अश्वशक्तीपर्यंत उपलब्ध आहेत. पॉवर वीडरमध्ये इंजिन, इंधन टाकी, ब्लेड, चेन किंवा बेल्ट ट्रान्समिशन, हॅन्डल विथ स्पीड कंट्रोल असे भाग आहेत

पॉवर वीडरची कार्य रुंदी (इंच) ----१२ ते ३९
अश्वशक्ती -------------------- २ ते ७
ब्लड संख्या --------------------८ ते २४
इंधन ---------------------------पेट्रोल किंवा डिझेल
पॉवर ट्रान्समिशन-------------चेन किंवा बेल्टद्वारे
वजन (किलो) -----------------५० ते ६०
स्टिअरिंग उंची --------------आवश्यकतेनुसार बदलता येते
इंधन क्षमता ---------------- ८०० एम.एल ते १ लिटर /तास
कार्य खोली {इंच} ------------- ४ ते ६

पॉवर वीडरची वैशिष्ट्ये

  • बहुपयोगी
  • वजनाने हलके
  • आकाराने लहान
  • वापरायला सोपे
  • उत्कृष्ट कार्यक्षमता

संपर्कः वै. रा. सूर्यवंशी, ९७३०६९६५५४
(विषय विशेषज्ञ, कृषी विज्ञान केंद्र, ममुराबाद फार्म, जळगाव)


फोटो गॅलरी

इतर टेक्नोवन
काकडीच्या सालापासून पर्यावरणपूरक...खरगपूर येथील भारतीय तंत्रज्ञान संस्थेतील (आयआयटी...
शेतीमध्ये ड्रोन तंत्रज्ञानाचा वापरशेतीसमोरील समस्यांमध्ये बदलते हवामान, मजुरांची...
अल्पभूधारक शेतकऱ्यांने तयार केले छोटे...कोविड १९ च्या काळात टाळेबंदीमुळे अनेक उद्योगाचे...
काटेकोर शेतीसाठी पिकातील तापमानाचा...पॉलिहाऊस, शेडनेट यासारख्या संरक्षित शेतीमध्ये...
स्वयंचलित बहूपीक पेरणी यंत्ररब्बी हंगामातील गहू, ज्वारी, बाजरी, साळ, हरभरा,...
महिलांसाठी शेतीपयोगी अवजारेसुधारीत अवजारांचा वापर केल्याने शेतीच्या...
पिकातील सूर्यप्रकाशाची प्रत मोजणारी...आपल्याकडेही हरितगृह, शेडनेटगृहातील लागवड वेगाने...
खारपाणपट्ट्यातील समस्यांवर...दापुरा (ता. जि. अकोला) येथील स्वप्नील व संदीप या...
संरक्षित व नियंत्रित शेतीचे तंत्रज्ञानकृषी क्षेत्रात नियंत्रित शेतीला अनन्यसाधारण...
मुळांतील स्रावके ठरतात पिकासाठी संजीवनीवनस्पतींच्या वाढीमध्ये मुळाच्या परिवेशामध्ये...
कोको उत्पादनवाढीसाठी हाताने परागीभवनाचे...कोको पिकाला जागतिक पातळीवर मोठी मागणी आहे. मात्र...
वेळ, खर्चात बचत अन् गुणवत्तेसाठी...द्राक्ष बागेचे हंगाम व्यवस्थापन काटेकोरपणे होणे...
कृत्रिम बुद्धिमत्तेवर हवा नैतिकतेचा...वारविक विद्यापीठ, इंपिरिअल कॉलेज लंडन, इपीएफएल (...
पिकातील बाष्पोत्सर्जन मोजणारी उपकरणेशेतकऱ्यांनी सर्व जैविक घटक व आपले पीक याचा संबंध...
न रडवणारा गोड कांदा!कांदा हा नेहमीच कोणाला न कोणाला रडवतोच... एकतर...
संपूर्ण स्वयंचलित सिंचनासाठी केला...वॅगेनिंगन विद्यापीठातील संशोधकांच्या गटाने...
निर्यातीसाठी उष्णगृहामध्ये फळे, ...जॉर्जिया येथील ग्लेनबेरीज या थंड फळे आणि भाजीपाला...
तापमान, वारे, सापेक्ष आर्द्रता...पिकांच्या वाढीवर प्रामुख्याने हवामान घटकांचा (...
सीताफळातील गर, बिया वेगळे करण्यासाठी...सीताफळ हे फळ पिकल्यानंतर फार काळ साठवणे शक्य होत...
दर्जेदार रोपनिर्मिती पेपरपॉट, पीट मॉसचा...रोपनिर्मिती चांगल्या प्रकारे होण्यासाठी...