Agriculture news in marathi Equitable Water Allocation Challenging Topic: Ashok Chavan | Agrowon

समन्यायी पाणी वाटप आव्हानात्मक विषय : अशोक चव्हाण

टीम अॅग्रोवन
मंगळवार, 26 जानेवारी 2021

समन्यायी पाणी वाटप हा दिवसेंदिवस अत्यंत आव्हानात्मक विषय बनत चालला आहे. धरणे भरली की त्या वर्षी पाण्याच्या समन्यायी वाटपबाबत कोणी बोलत नाही, अशी मंत्री अशोक चव्हाण यांनी व्यक्त केली. 

नांदेड : समन्यायी पाणी वाटप हा दिवसेंदिवस अत्यंत आव्हानात्मक विषय बनत चालला आहे. मराठवाड्यातील धरणे भरायला सध्या पाचपेक्षा अधिक वर्षांचा कालावधी लागतो. पाणी नसताना पाण्याप्रती सर्व जागरूक होतात, मात्र एकदा धरणे भरली की त्या वर्षी पाण्याच्या समन्यायी वाटप व पाणीप्रश्नाबाबत कोणी बोलत नाही, अशी खंत पालकमंत्री अशोक चव्हाण यांनी व्यक्त केली. 

पाणी नियोजनासाठी कालवा सल्लागार समितीची बैठक पालकमंत्री अशोक चव्हाण यांच्या अध्यक्षतेखाली डॉ. शंकरराव चव्हाण जिल्हा नियोजन भवन येथे शनिवारी (ता. २३) झाली. त्यावेळी ते बोलत होते. बैठकीस जिल्ह्यातील लोकप्रतिनिधी, प्रशासकीय अधिकारी उपस्थित होते.

चव्हाण म्हणाले, ‘‘वेळेच्या आत पाणी वाटपाच्या पाळ्या लक्षात घेऊन पूर्वीपासूनच याची डागडुजी हाती घ्यायला हवी. विविध प्रकल्पातील पाण्याचे रोटेशन हे नियोजन केल्याप्रमाणे पोहचलेच पाहिजे. पूर्णा प्रकल्पांतर्गत येलदरी व सिद्धेश्वर दोन धरणातून ६६२.४८ दलघमी पाणी वापरासाठी उपलब्ध होणार आहे. पिण्यासाठी परभणी, हिंगोली, जिंतूर, वसमत, औंढा नागनाथ ही शहरे व ग्रामीण भागासाठी ७८.७८ दलघमी पाणी आरक्षीत केले आहे.

सिंचनासाठी ५८३.६९ दलघमी पाणी उपलब्ध आहे. यातून ५५ हजार हेक्टर शेतीच्या सिंचनासाठी रब्बी हंगामात तीन व उन्हाळी हंगामात चार पाणी पाळयाचे नियोजन केले आहे. निम्न मानार प्रकल्पात ९८.६१ दलघमी पाणी वापरासाठी उपलब्ध होणार आहे. पिण्यासाठी नायगाव, कंधार या तालुक्यातील ग्रामीण भागासाठी ४.६१ दलघमी पाणी आरक्षीत केले आहे. त्यामुळे सिंचनासाठी ९४.०० दलघमी पाणी उपलब्ध झाले आहे. यातून सुमारे २३ हजार हेक्टर शेतीच्या सिंचनासाठी रब्बी हंगामात तीन तर उन्हाळी हंगामात तीन आवर्तन दिले जाणार आहे.

उर्ध्व पैनगंगा याप्रकल्पात यावर्षी ७८७.७८ दलघमी पाणी वापरासाठी उपलब्ध होणार आहे. पिण्यासाठी उमरखेड, अर्धापूर, कळमनुरी तसेच नांदेड, हिंगोली व यवतमाळ जिल्ह्यातील ग्रामीण भागासाठी ७७.१५ दलघमी पाणी आरक्षीत केले आहे. त्यामुळे सिंचनासाठी ७१०.६४ दलघमी पाणी उपलब्ध झाले. या पाण्यातून ८६ हजार हेक्टर शेतीच्या सिंचनासाठी रब्बी हंगामात तीन पाणी पाळया व उन्हाळी हंगामात चार पाणी पाळयांचे नियोजन केले आहे. 

विष्णुपुरीतील पाणी पिण्यासह शेतीसाठीही 
शंकररावजी चव्हाण विष्णुपुरी प्रकल्पात शंभर टक्के पाणी उपलब्ध आहे. यावर्षी पहिल्यांदाच अंतेश्वर बॅरेज भरले असून त्यातून २१.० दलघमी व दिग्रस बंधाऱ्यातून २४.० दलघमी पाणी उपलब्ध होणार आहे. असे एकूण १२५.९५ दलघमी पाणी उपलब्ध होणार आहे. यातून १०९.६३ दलघमी पाणी वापरासाठी उपलब्ध होणार आहे.

पिण्यासाठी नांदेड महानगरपालिका, एमआयडीसी व ग्रामीण भागासाठी ३८.५५ दलघमी पाणी आरक्षीत केले आहे. त्यामुळे सिंचनासाठी ७१.०८ दलघमी पाणी उपलब्ध झाले असून सुमारे १३ हजार हेक्टर शेतीच्या सिंचनासाठी रब्बी हंगामात तीन पाणी पाळ्या दिल्या जाणार आहेत. 
 


इतर बातम्या
पुणे जिल्ह्यात अवकाळीचा १०८ हेक्टरवरील...पुणे : पुणे जिल्ह्यात १८ आणि १९ फेब्रुवारीला खेड...
खानदेशात कांदा काढणी लवकरच सुरू होणार जळगाव : खानदेशात कांद्याची लागवड सुमारे १८ हजार...
कोरोनामुळे अंतिम टप्प्यातील ऊस हंगाम...कोल्हापूर : राज्यातील गळीत हंगाम अंतिम टप्प्यात...
सातबारा, आठ ‘अ’च्या अधिकारासह पंतप्रधान...नाशिक : केंद्र तसेच राज्य शासनाच्या विविध...
क्षारपड जमिनी सुधारण्यासाठी सातारा...सातारा : जिल्ह्यातील नदीकाठी क्षारपड जमिनी...
बेदाणा निर्यात अनुदान बंदचा उत्पादकांना...सांगली ः गतवर्षी देशातून बेदाण्याची सुमारे ३०...
कृषी सहायकांची बैठक व्यवस्था योजना...नागपूर ः गावपातळीवर ग्रामविस्ताराला चालना मिळावी...
डिझेल दरवाढीने पीक काढणीचे दर वाढलेअकोलाः गेल्या काही दिवसांत डिझेलचे दर सातत्याने...
‘माफसू’तील प्राध्यापकांना सातवा वेतन...नागपूर : महाराष्ट्र पशू व मत्स्य विज्ञान...
सर्वोच्च न्यायालयातील सुनावणीपूर्वी ...मुंबई : ‘‘मराठा आरक्षणाचा लढा हा आता अंतिम...
शेतमाल बाजारपेठेसाठी सरकारचे विशेष...मुंबई : ‘विकेल ते पिकेल’ या अभियानामध्ये पीक,...
विठ्ठलराव शिंदे कारखान्याच्या...सोलापूर ः पिंपळनेर (ता. माढा) येथील विठ्ठलराव...
महावितरणचे राज्यात आता 'कृषी ऊर्जा...सोलापूर ः राज्य शासनाने कृषिपंप वीजजोडणी धोरण-...
...त्यानंतर वैधानिक मंडळे घोषित करू : ...मुंबई : ‘‘ज्या दिवशी राज्यपाल नियुक्त बारा...
मानोलीत रब्‍बी ज्‍वारीची पीक प्रात्‍...परभणी ः ‘‘आहारात ज्‍वारीच्‍या भाकरीस पोषणाच्‍या...
शेळ्या-मेंढ्यांना आधुनिक औषधोपचाराची...अकोला ः भारतातील बहुसंख्य अल्पभूधारक व भूमिहीन...
रानवाडी प्रकल्पाचा वनवास केव्हा संपणार?जलालखेडा, जि. नागपूर : नरखेड तालुक्यामधील पंचायत...
उन्हाळ्यासाठी चारवेळा मिळणार ‘इसापूर’चे...नांदेड : जिल्ह्याला वरदान ठरलेला ऊर्ध्व पैनगंगा...
भातगाव येथे आंबा, काजूची बाग होरपळलीगुहागर, जि. रत्नागिरी : तालुक्यातील भातगाव येथे...
गारपीटीने कांदा पातींसह स्वप्नेही तुटली...नाशिक : अतिवृष्टीमुळे रब्बी हंगामात अनेक कारणांनी...