agriculture news in Marathi establish board for wine Maharashtra | Page 2 ||| Agrowon

फळांपासून वाइननिर्मितीसाठी महाराष्ट्र बोर्ड स्थापन करा

टीम अॅग्रोवन
बुधवार, 25 नोव्हेंबर 2020

फळांपासून वाइन तयार करण्याच्या अनुषंगाने संशोधन, विकास, उत्पादन, विपणन, कृषी पर्यटन, वाइन कला व संस्कृती आशा बाबींचा समावेश महत्त्वाचा आहे.

नाशिक : द्राक्षाबरोबर डाळिंब, जांभूळ, करवंदांपासून वाइनचे उत्पादन केले जात आहे. फळांपासून वाइन तयार करण्याच्या अनुषंगाने संशोधन, विकास, उत्पादन, विपणन, कृषी पर्यटन, वाइन कला व संस्कृती आशा बाबींचा समावेश महत्त्वाचा आहे. यासाठी रोजगाराच्या संधी व वाइन उद्योगाची दिशा ठरविण्यासाठी महाराष्ट्र वाइन बोर्ड स्थापन करा, अशी मागणी उत्पादक संघटनेच्या वतीने करण्यात आली. 

वाइन उद्योगाबाबत आढावा घेण्यासाठी राज्य उत्पादन शुल्क विभागाचे आयुक्त कांतिलाल उमप, सहआयुक्त यतीन सावंत, अंमलबजावणी संचालक उषा वर्मा, उपायुक्त प्रसाद सुर्वे, विभागीय आयुक्त अर्जुन ओहोळ, अधीक्षक डॉ. मनोहर अंचुळे यांच्या उपस्थितीत वाइन उत्पादकांची बैठक नाशिकमधील सह्याद्री फार्मर्स प्रोड्यूसर कंपनी येथे झाली. संघटनेचे अध्यक्ष जगदीश होळकर, सचिव संजीव पैठणकर यांच्यासह इतरांनी चर्चेत सहभाग नोंदवला.

राज्य फलोत्पादनात आघाडीवर आहे. त्यामुळे प्रक्रिया म्हणून वाइन उद्योगाची राज्याला संधी आहे. त्या माध्यमातून नवीन संधी, भौगोलिक मानांकन, वाइन उत्पादनाचे प्रमाणीकरण करण्यासाठी बोर्डाची आवश्यकता आहे. यासाठी बोर्ड उपयुक्त ठरेल, असा दावा वाइन उत्पादक संघटनेच्या पदाधिकाऱ्यांनी बैठकीत केला. ‘फ्रूट टू ग्लास’ अशा पद्धतीने वाइन उद्योगाची वाढ होण्यासाठी संघटित साखळी उभी करण्याची आवश्यकता आहे, असा सूर निघाला. 

वाइनला प्रोत्साहन देण्यासाठी २००१ मध्ये धोरण स्वीकारले होते. या वाइन धोरणाला २०११ नंतर दहा वर्षांची मुदत मिळाली होती. ही मुदत पुढील वर्षी २०२१ मध्ये संपुष्टात येत असल्याने फक्त द्राक्ष वाइन प्रक्रिया न करता, फळांपासून वाइन उत्पादन हे एकच धोरण असावे. जेणेकरून इतर राज्यांना धोरण बनविण्याच्या अनुषंगाने आकर्षित करण्यात येईल, असे अखिल भारतीय वाइन उत्पादक संघटनेचे अध्यक्ष जगदीश होळकर यांनी सुचविले.

आगामी धोरणात वाइन उद्योग वाढीच्या दृष्टीने काय निर्णय घ्यायला हवेत, या अनुषंगाने वाइन उत्पादकांनी राज्य उत्पादन शुल्क विभागाच्या अधिकाऱ्यांशी संवाद साधला. गुणवत्तेच्या अनुषंगाने कडक नियमावली मान्य आहे, मात्र इतर अकारण असलेले नियम काढून टाका, अशी मागणी या वेळी करण्यात आली. या नुकत्याच झालेल्या दौऱ्यात उत्पादक शुल्क विभागाच्या पथकाने द्राक्ष वाइन बागा, वाइन उत्पादन युनिटला भेटी दिल्या.

बैठकीत करण्यात आलेल्या मागण्या
प्रत्येक राज्यातील वाइन विक्रीवर करप्रणाली व धोरण एकसारखे हवे. यासाठी सर्वसहमती तयार करण्यासाठी राज्य सरकारने प्राधान्याने पुढाकार घ्यावा. युरोपियन देशांप्रमाणे वाइनला अन्नाचा दर्जा द्या मद्य व वाइन संकल्पना वेगळी करून विक्री व्यवस्थेत सुलभता आणावी
 


इतर अॅग्रो विशेष
केंद्राच्या स्पष्ट धोरणाअभावी ‘जीएम’...नागपूर ः एकीकडे जनुकीय सुधारित (जीएम) पिकांच्या...
लोक सहभागातून जैवविविधता, पर्यावरण...ग्रामीण भागातील जैवविविधतेच्या संवर्धनामध्ये पाच...
अपात्र लाभार्थ्यांना कोणी केले मालामाल?ज गामधील सर्वांत मोठी यशस्वी लोकशाही असलेला आपला...
ग्लोबल अन् लोकल मार्केटमका आणि सोयाबीनच्या जागतिक उत्पादनात घट होण्याची...
निर्णय आता तुमच्या हाती : केंद्र सरकारनवी दिल्ली ः शेतकरी नेते ‘कृषी कायदे रद्द करणे...
शेतमाल निर्यात खर्च झाला दुप्पट नाशिक : लंडनमध्ये डिसेंबरअखेर कोरोनाचा नव्या...
बर्ड फ्लूने १३ हजार पक्ष्यांचा मृत्यू पुणे : राज्यातील काही जिल्ह्यांमध्ये बर्ड फ्लू...
कृषिपंपाच्या थकबाकीची आता ऊसबिलातून...सोलापूर :  कधी दुष्काळ, कधी अतिवृष्टी आणि...
थंडी कायम राहण्याची शक्यता पुणे ः कोरड्या झालेल्या वातावरणामुळे राज्यातील...
चॉकलेट्‌स......नव्हे गुळाचे जॅगलेट्‌सकोल्हापुरी प्रसिद्ध गूळ देश-परदेशातील बाजारपेठेचा...
‘जय सरदार’ कंपनीची उल्लेखनीय घोडदौडमलकापूर (जि. बुलडाणा) येथील ‘जय सरदार’ शेतकरी...
‘कनेक्शन कट’चे कारस्थान!बिलाची थकीत रक्कम न भरल्यास आता थेट वीजतोडणीची (...
कापसाचा शिल्लक साठा बाहेर पाठवा कोरोना संक्रमण काळातील सुरुवातीचे तीन-चार महिने...
शेतकरी मागण्यांवर ठाम; ट्रॅक्टर रॅलीही...नवी दिल्ली : प्रजासत्ताक दिनी दिल्लीत ट्रॅक्‍टर...
बर्ड फ्लू नुकसानग्रस्त पोल्ट्री...नागपूर ः राज्यात ११ जिल्ह्यांमध्ये बर्ड फ्लूचा...
एक लाख शेतकऱ्यांची तूर विक्रीसाठी...अकोला ः राज्यात या हंगामात उत्पादित तूर खरेदीला...
कापूस उत्पादकतावाढीसाठी ‘सीआयसीआर’चा ॲ...नागपूर ः जगाच्या तुलनेत भारताची आणि त्यातही...
सांगली जिल्ह्यातील द्राक्ष हंगामास उशीरसांगली ः जिल्ह्यात अगदी क्वचितच आगाप छाटणी...
आजरा घनसाळसह तूरडाळ, घेवडा मिळणार...कोल्हापूर : पारंपरिक विक्री व्यवस्थेच्या पलीकडे...
थंडीत चढ-उतार सुरुच पुणे ः हिमालय आणि पश्चिम बंगालच्या परिसरात कमी...