Agriculture news in marathi, `Establish a farmer's bamboo growing company` | Agrowon

`शेतकऱ्यांची बांबू उत्पादक कंपनी स्थापन करा`

टीम अॅग्रोवन
गुरुवार, 10 ऑक्टोबर 2019

जालना : ‘‘अधिकाधिक शेतकऱ्यांनी बांबूची लागवड करावी. तसेच बांबू पिकाची शेतकरी उत्पादक कंपनी स्थापन करावी,’’ असे मत महाराष्ट्र बांबू बोर्डाचे मराठवाडा समन्वयक पी. बी. भालेकर यांनी व्यक्‍त केले. 

जालना : ‘‘अधिकाधिक शेतकऱ्यांनी बांबूची लागवड करावी. तसेच बांबू पिकाची शेतकरी उत्पादक कंपनी स्थापन करावी,’’ असे मत महाराष्ट्र बांबू बोर्डाचे मराठवाडा समन्वयक पी. बी. भालेकर यांनी व्यक्‍त केले. 

खरपुडी कृषी विज्ञान केंद्रात मासिक चर्चासत्राचे आयोजन नुकतेच करण्यात आले. भारतीय एकात्मिक औषध संस्था, जम्मू येथील शास्त्रज्ञ डॉ. एस. आर मीना, डॉ. सुमीत गांधी, डॉ राजेंद्र भंवारिया, औरंगाबादचे अधीक्षक कृषी अधिकारी डॉ. तुकाराम मोटे, सहायक वनसंरक्षक राजेंद्र कुलकर्णी, मराठवाडा शेतीसाह्य मंडळाचे विश्‍वस्त विजयअण्णा बोराडे, कृषी विज्ञान केंद्राचे प्रमुख प्रा. एस. व्ही. सोनुने उपस्थित होते. 

भालेकर म्हणाले, ‘‘बांबू लागवडीच्या अनुषंगाने अटल बांबू योजना राबविली जात आहे. बांबूचे दर्जेदार उत्पादन घेतल्यास अधिकाधिक नफा मिळू शकतो. बांबूपासून इथेनॉल, सीएनजी, प्लाय, टेबल खुर्ची अशा अनेक वस्तू तयार करता येतात.’’ 

डॉ. मोटे म्हणाले, ‘‘उन्हाळ्यामध्ये चारा उपलब्ध करण्यासाठी मुरघासद्वारे हिरव्या चाऱ्याचे संवर्धन करता येऊ शकते. मका, बाजरी, ज्वारी यापासून मुरघास शक्‍य आहे. मुरघास तयार करण्यासाठी विविध बिझनेसचे मॉडेल तयार झाले आहे. दुष्काळी स्थितीत याद्वारे जनावरांना हिरवा चारा उपलब्ध होऊ शकतो. सी.आर.ए. तंत्रज्ञान हवामान अनुकूल शेती पद्धतीमुळे झाडांच्या मुळाच्या परिघात सिंचन देण्याचे तंत्र विकसित झाले आहे. कमी पाण्यावर वृक्षवाढ शक्‍य आहे. उन्हाळ्यात बागा वाचनविण्याचे तंत्रज्ञान असून, त्याचा वापर शेतकऱ्यांनी करावा.’’  

डॉ. मीना म्हणाले, ‘‘सुगंधी गवत लागवडीसाठी जिल्ह्यातील जमीन योग्य आहे. कमी पाण्यावर येणारे वाण उपलब्ध आहे. शेतकऱ्यांनी जास्तीत जास्त सुगंधी गवताची लागवड करून तेल निर्मितीच्या व्यवसायाकडे वळावे. हिमरोझा सीके-१० या सुधारित वाणापासून प्रतिएकरी चार कापण्यांपासून ७० ते ८० किलो तेल मिळू शकते. त्यापासून एक ते सव्वा लाखाचा फायदा होतो.’’ 

बोराडे म्हणाले, ‘‘पारंपरिक शेती ही मजूर आणि पाण्यामुळे अडचणीत सापडली आहे. सुगंधी गवत व बांबु लागवड हे अडचणीत सापडलेल्या शेतीला पर्याय आहेत.’’ कृषी विज्ञान केंद्रातील तज्ज्ञ अजय मिटकरी यांनी सूत्रसंचालन केले.  
 


इतर ताज्या घडामोडी
‘पांडुरंग', 'विठ्ठल’च्या निवडणुकांकडे...सोलापूर : आगामी वर्षात जिल्ह्यातील आघाडीच्या...
शेतीमधील गरज ओळखा ः डॉ. सिंगजालना : ‘‘कृषी विज्ञान केंद्रातील शास्त्रज्ञांनी...
सिद्धेश्‍वर कारखान्याची चिमणी तीन...सोलापूर : सिद्धेश्‍वर साखर कारखान्याची चिमणी...
लोणंद बाजार समितीत कांद्याला ११...लोणंद, जि. सातारा : कांद्याची आवक घटल्याने लोणंद...
किमान तापमानात घसरण, थंडीत चढ-उतार...महाराष्ट्राच्या समुद्र किनारपट्टीवर उत्तर दिशेने...
सिंधुदुर्ग जिल्ह्यात ढगाळ वातावरणाचा...सिंधुदुर्ग : गेले पाच दिवस जिल्ह्यात असलेल्या...
उसाला प्रतिटन चार हजार रुपये दर द्यावासातारा : ‘‘उसाला प्रतिटन चार हजार रुपये द्या, दोन...
टेंभू, ताकारी, म्हैसाळच्या पूर्णत्वाची...सांगली : टेंभू, ताकारी आणि म्हैसाळ योजनांच्या...
चोरट्यांपासून कांद्याच्या रक्षणासाठी...नगर ः बाजारात टंचाई असल्याने महिनाभरापासून...
नांदेड जिल्ह्यात मूग, उडदाच्या...नांदेड : यंदा खरीप हंगामात जिल्ह्यात मुगाची...
नगरमध्ये ज्वारीवरील लष्करी अळीबाबत...नगर ः ज्वारीवर लष्करी अळी पडल्याने ज्वारीला...
नमुने निकषात, मात्र शेतमालाला मिळतोय...अकोला  ः शेतकरी शेतमाल पिकवतो. मात्र, छोट्या...
आघाडी सरकारचे खातेवाटप दोन दिवसांत ः...मुंबई ः मुख्यमंत्री उद्धव ठाकरे यांच्या...
नांदेड जिल्ह्यात हरभरा पेरणीच्या...नांदेड : जिल्ह्यात बुधवार (ता. ४) पर्यंत एकूण १...
सिंचन घोटाळ्यात अजित पवार निर्दोष;...मुंबई ः राज्यातील बहुचर्चित सिंचन घोटाळ्यात...
साखर कामगारांच्या प्रश्नांकडे लक्ष...पुणे ः साखर कामगारांची अवस्था दयनीय झाली आहे....
गडकरींनी ‘त्या’ पत्रात पंतप्रधानांना...पुणे : राष्ट्रीय फलोत्पादन मंडळाच्या वादग्रस्त...
परभणीत पेरू १५०० ते २५०० रुपये...परभणी : येथील पाथरी रस्त्यावरील फळे भाजीपाला...
उसाला द्या शिफारशीनुसार खतमात्रारासायनिक खते जमिनीवर पसरून न देता चळी घेऊन किंवा...
नियोजन गव्हाच्या उशिरा पेरणीचे बागायत उशिरा पेरणीची शिफारस १६ नोव्हेंबर ते १५...