agriculture news in Marathi, ex prime minister passes away, Maharashtra | Agrowon

‘अटलपर्वा’चा अस्त

टीम अॅग्रोवन
शुक्रवार, 17 ऑगस्ट 2018

नवी दिल्ली: माजी पंतप्रधान अटलबिहारी वाजपेयी यांचे गुरुवारी (ता. १६) सायंकाळी प्रदीर्घ आजाराने निधन झाले. ते ९३ वर्षांचे होते. वाजपेयी यांची प्रकृती खालावल्यामुळे त्यांना गेले नऊ आठवडे दिल्लीच्या एम्स रुग्णालयात दाखल करण्यात आले होते. गुरुवारी संध्याकाळी ५.०५ मिनिटांनी त्यांचे निधन झाल्याचे डॉक्टरांनी जाहीर केले.

नवी दिल्ली: माजी पंतप्रधान अटलबिहारी वाजपेयी यांचे गुरुवारी (ता. १६) सायंकाळी प्रदीर्घ आजाराने निधन झाले. ते ९३ वर्षांचे होते. वाजपेयी यांची प्रकृती खालावल्यामुळे त्यांना गेले नऊ आठवडे दिल्लीच्या एम्स रुग्णालयात दाखल करण्यात आले होते. गुरुवारी संध्याकाळी ५.०५ मिनिटांनी त्यांचे निधन झाल्याचे डॉक्टरांनी जाहीर केले.

वाजपेयी यांना २००९ मध्ये हृदयविकाराचा झटका आला होता. त्यानंतर त्यांना स्मृतीभ्रंश झाला होता. वाजपेयी यांना श्वास घ्यायला त्रास होऊ लागल्याने आणि मूत्रपिंडाशी संबंधित विकारांमुळे ११ जूनपासून रुग्णालयात दाखल करण्यात आले होते. गेल्या २४ तासांपासून त्यांची प्रकृती आणखी खालावली होती. अखेर गुरुवारी उपचारादरम्यान त्यांची प्राणज्योत मालवली. पंतप्रधान नरेंद्र मोदी यांनी बुधवारी रात्री रुग्णालयात जाऊन वाजपेयी यांच्या प्रकृतीची विचारपूस केली होती.

त्यानंतर गुरुवारी सकाळी उपराष्ट्रपती व्यंकय्या नायडू, भाजपचे राष्ट्रीय अध्यक्ष अमित शहा यांनी त्यांची रुग्णालयात जाऊन विचारपूस केली होती. केंद्रीय गृहमंत्री राजनाथ सिंह, वस्त्रोद्योगमंत्री स्मृती इराणी, रेल्वेमंत्री पीयूष गोयल, काँग्रेसचे अध्यक्ष राहुल गांधी यांनीही बुधवारी रुग्णालयात जाऊन वाजपेयींच्या प्रकृतीची माहिती घेतली होती.

उदारमतवादी, कविमनाचे साहित्यिक, अजातशत्रू राजकारणी, मुत्सद्दी नेता अशी ओळख असलेल्या अटलबिहारी वाजपेयी यांचा जन्म २५ डिसेंबर १९२४ रोजी मध्य प्रदेशातील ग्वाल्हेर येथे झाला. कृष्णबिहारी व कृष्णादेवी वाजपेयी यांचे ते पुत्र होते. राष्ट्रीय स्वयंसेवक संघाचे प्रचारक म्हणून काम केलेल्या वाजपेयी यांची प्रतिमा सौम्य मध्यम मार्गी अशीच कायम राहिली.

जनसंघ आणि नंतर भाजपच्या उभारणीत महत्त्वाची कामगिरी बजावलेले अटलबिहारी वाजपेयी केंद्रात भाजपच्या पहिल्या सरकारचे पंतप्रधान झाले होते. त्यांनी तीन वेळा पंतप्रधानपदाची जबाबदारी पार पाडली. ते १९९८ मध्ये केवळ तेरा दिवस पंतप्रधान होते. त्यानंतर दुसऱ्यांदा ते पंतप्रधान झाले तेव्हा त्यांचे सरकार १३ महिने टिकले. त्यांची तिसरी पंतप्रधानपदाची कारकीर्द मात्र पूर्ण मुदतीची होती.

जगातील विकसित देशांचा रोष पत्करून मे १९९८ मध्ये पोखरण येथे अणुचाचण्या करण्याचा धाडसी निर्णय त्यांनी घेतला होता. तसेच त्यांच्याच कारकिर्दीत कारगिल युद्ध घडले. या कसोटीच्या प्रसंगी त्यांच्या कणखर नेतृत्वाखाली भारताने पाकिस्तानला धडा शिकवला. वाजपेयी यांच्याबद्दल सर्वच पक्षांच्या नेत्यांमध्ये आत्मीयता आणि आपुलकीची भावना होती.

डझनभर पक्षांना सोबत घेऊन त्यांनी चालवलेले आघाडी सरकार हा एक चमत्कारच मानला गेला. त्यांनी आपला ऋजू स्वभाव, राजकीय कौशल्य आणि कणखरपणा यांच्या जोरावर आघाडी सरकार चालवण्याची कसरत यशस्वीरीत्या पेलली. वाजपेयी यांनी देशाच्या राजकारणात अनेक महत्त्वाची पदे भूषवली. विरोधी पक्षात असतानाही त्यांनी देशहितासाठी अनेक जबाबदाऱ्या पार पाडल्या होत्या.

नरेंद्र मोदी यांच्या नेतृत्वाखालील विद्यमान सरकारने त्यांना ''भारतरत्न'' या सर्वोच्च पुरस्काराने सन्मानित केले. वाजपेयी यांच्या रूपाने भारतीय राजकारणातील भिष्म पितामह काळाच्या पडद्याआड गेल्याची भावना देशभरात आहे. त्यांच्या निधनाबद्दल सर्व स्तरांमध्ये हळहळ व्यक्त केली जात आहे.


इतर अॅग्रो विशेष
राज्यात पावसाचा कमीअधिक जोर राहणारपुणे ः राज्यातील अनेक भागात पावसाने काहीशी उघडीप...
पणन सुधारणा कायदे शेतकरी हिताचेच!शेतीमालाच्या मार्केटमध्ये दराच्या बाबतीत कधीही...
रिसोर्स बॅंक ः स्तुत्य उपक्रमहवामान बदलाच्या चरम सीमेवर आता आपण आहोत. खरे तर...
कांदा दर नियंत्रणासाठी केंद्र सरकारचा...मुंबई : कांदा दर नियंत्रणासाठी केंद्र सरकारचा...
‘बायोमिक्स’ विक्रीतून कृषी विद्यापीठाला...परभणी ः वसंतराव नाईक मराठवाडा कृषी विद्यापीठातील...
जरासं पहा ना साहेब, पाणीच पाणी वावरात...परभणी ः सदोष बियाण्यांमुळे दुबार, तिबार पेरणी...
परतीचा मॉन्सून राज्यातून चार दिवसांत...पुणे ः परतीच्या पाऊस सुरू असताना बंगालच्या...
कृषी कायद्यांविरोधात पंजाबकडून स्वतंत्र...चंडीगड : केंद्र सरकारने मंजूर केलेल्या तीन...
खारपाणपट्ट्यातील समस्यांवर...दापुरा (ता. जि. अकोला) येथील स्वप्नील व संदीप या...
सुर्डीतील तरुणांनी तेरा पाझर तलावांना...वैराग, जि. सोलापूर ः ‘वॉटर कप’ स्पर्धेत राज्यात...
कापूस विक्रीसाठी नोंदणी थांबविलीजळगाव ः शासकीय केंद्रात कापूस विक्रीसाठी बाजार...
प्रयोगशील दुग्ध व्यवसायातून पुढारले...माळीसागज (जि. औरंगाबाद) गावात कोरडवाहू क्षेत्र...
पाच हजार शेतकऱ्यांची ‘रिसोर्स बॅंक’कऱ्हाड, जि. सातारा ः शेतकऱ्यांवर सातत्याने...
राज्यात तुरळक ठिकाणी पावसाचा दणका पुणे ः राज्यात गेल्या दोन दिवसांपासून कोकणातही...
‘जीआय’प्राप्त शेतकरी ‘वापरकर्ते’ करणारपुणे: राज्यातील पिकांना भौगोलिक निर्देशांक मिळाले...
तीन दिवसांत मदतीबाबत निर्णय: मुख्यमंत्रीसोलापूर ः हवामान विभागाने आणखी दोन-तीन दिवस...
राज्यात पावसासाठी पोषक स्थिती पुणे ः बंगालचा उपसागर व दक्षिण आंध्रप्रदेश...
शेतकऱ्यांना मदतीसाठी कर्जाशिवाय गत्यंतर...तुळजापूर, जि. उस्मानाबाद: स्थानिक लोकांशी...
कोरोनामुळे वाढल्या कृषी व्यापार संधीचीनच्या तुलनेत आपली अर्थव्यवस्था मजबूत करायची...
कृषी ‘समृद्धी’चा मार्गबाळासाहेब ठाकरे मुंबई-नागपूर समृद्धी महामार्गालगत...