agriculture news in marathi, Examples of gardeners from Mosambi garden experts | Agrowon

मोसंबी बागांची तज्ज्ञांकडून बागांची पाहणी

टीम अॅग्रोवन
गुरुवार, 16 मे 2019

भीषण दुष्काळी परिस्थितीत फळबागा जगविण्याचा प्रयत्न शेतकऱ्यांकडून केला जात आहे. त्याला आधुनिक तंत्र, शास्त्राची कार्यक्षम जोड देऊन अधिकाधिक बागा कशा वाचविता येतील, याची माहिती मोसंबी फळबागधारकांना दिली जात आहे. 
- अंबादास हुचे, वरिष्ठ शास्त्रज्ञ, सीसीआरआय, नागपूर

औरंगाबाद  : मराठवाड्यातील मोसंबी बागांची पाहणी करण्यासाठी लिंबूवर्गीय फळ संशोधन केंद्राच्या (सीसीआरआय) तज्ज्ञांचे पथक बुधवारी (ता.१५) बीड जिल्ह्यातील गेवराई तालुक्‍यात दाखल झाले. गुरुवारी (ता. १६) हे पथक जालना, तर शुक्रवारी (ता. १७) औरंगाबाद जिल्ह्यातील मोसंबी बागांची पाहणी करणार आहे, अशी माहिती सूत्रांनी दिली. 

मराठवाड्यात मोसंबीचे क्षेत्र जवळपास ४९ हजार हेक्‍टर असल्याचे फळपिकांचे क्षेत्रविषयक आकडे सांगतात. प्रत्यक्षात २०१२ पासून सतत मोठ्या प्रमाणात आलेल्या दुष्काळाच्या संकटाने मोसंबीच्या बागांना तोडण्याची वेळ शेतकऱ्यांवर आली. टॅंकरने विकतचे पाणी घेऊन बागांना पाणी घालवून वाचविण्याचा प्रयत्न शेतकऱ्यांनी केला. आजवरच्या दुष्काळाच्या तुलनेत यंदा परिस्थिती अतिशय भीषण आहे. यंदा खरीप, रब्बी हंगाम हातचा गेला. त्यात आता टॅंकरने विकत घेऊन बागा जगविणे बहुतांश शेतकऱ्यांना शक्‍य होत नसल्याचे चित्र आहे. 

अनेकांनी बागा सोडून दिल्या. काहींनी वाळून गेलेल्या बागा तोडून टाकल्या. दुष्काळाचे संकट प्रचंड भीषण आहे. अशा स्थितीत तंत्रज्ञानाचा कार्यक्षम वापर करून बागा कशा वाचविता येतील, याविषयी हे पथक शेतकऱ्यांना मार्गदर्शन करणार आहे. 

या पाहणी, प्रात्यक्षिकांसह मार्गदर्शनपर दौऱ्याअंती मराठवाड्यातील लिंबूवर्गीय फळपिकांचे नेमके क्षेत्र, दुष्काळामुळे त्याला बसलेला फटका, बचावासाठी प्रात्यक्षिकातून सांगितलेले उपाय, या विषयीचा अहवाल सीसीआरआयद्वारे आयसीआरला पाठविला जाणार असल्याचे सूत्रांनी सांगितले. 

या पथकाने बुधवारी (ता. १५) गेवराई तालुक्‍यातील पाडळशिंगी, तलवाडा आदी परिसरांतील मोसंबी बागांची पाहणी केली. सीसीआरआयचे वरिष्ठ शास्त्रज्ञ अंबादास हूचे यांच्यासह हिमायतबाग फळसंशोधन केंद्राचे प्रभारी डॉ. एम. बी. पाटील यांचा या पथकामध्ये प्रामुख्याने समावेश आहे. 


इतर बातम्या
कोयना धरणाच्या पोटात होणार आणखी एक धरणकोयनानगर, जि. सातारा ः येथील कोयना धरणाची...
मराठवाड्यातील चार जिल्ह्यांत केवळ १४...औरंगाबाद : संकटांशी दोन हात करून आपली शेती जिवंत...
पुणे जिल्हा परिषदेचा ‘एक पुस्तक' पॅटर्न...पुणे : विद्यार्थ्यांच्या दप्तराचे ओझे कमी...
लातूर, उस्मानाबादमध्ये २० तूर खरेदी...लातूर : लातूर व उस्मानाबाद जिल्ह्यात हमी...
शेती करताना जैवविविधता जोपासणे आवश्यक...नाशिक : वाढत्या लोकसंख्येचा भार कृषी क्षेत्रावरही...
अकोला : तूर विक्रीसाठी ऑनलाइन नोंदणीत...अकोला  ः शासनाकडून हमी भावाने तूर खरेदीसाठी...
खानदेशात रब्बीत अत्यल्प पीक कर्जवाटपजळगाव ः खानदेशात रब्बी हंगामातील पेरण्या जवळपास...
वटवाघळांचा मोर्चा आता द्राक्ष बागांकडेपुणे: वटवाघळांची वस्तीस्थाने आणि अधिवास...
भंडारा : शेतकरी किसान सन्मानच्या...भंडारा ः पंतप्रधान किसान सन्मान योजनेला वर्षभराचा...
कवठेमहांकाळ तालुक्यात पाणीसाठ्यात वाढसांगली  ः कवठेमहांकाळ तालुक्यात ऑक्टोबर...
खानदेशात कांदा लागवड सुरूचजळगाव ः खानदेशात कांदा लागवड सुरूच असून, सुमारे...
सोलापूर जिल्हा बॅंकेकडून ४३ हजार...सोलापूर : महात्मा जोतिराव फुले शेतकरी कर्जमुक्ती...
सांगोल्यात डाळिंब व्यापाऱ्याला पुन्हा...सांगोला, जि. सोलापूर : सांगोल्यातील एका...
लोकशाहीच्या बळकटीसाठी मतदानाला महत्त्व...नगर : ‘‘भारत हा जगातील सर्वांत मोठी लोकशाही...
विजेबाबतच्या समस्या निकाली काढा : डॉ....बुलडाणा  : विजेच्या बाबत नागरिकांना अनेक...
चाळीसगाव : किसान सन्मानच्या लाभापासून...चाळीसगाव, जि. जळगाव ः शासनाकडून राबविण्यात...
जिल्हा परिषदांचे तलाव मासेमारीसाठी खुले...मुंबई : राज्यातील ग्रामविकास विभागांतर्गत जिल्हा...
खानदेशात तूर नोंदणीला प्रतिसादजळगाव  ः जिल्ह्यात तूर नोंदणीसंबंधी १०...
नागपूर जिल्ह्यात रब्बीच्या क्षेत्रात...नागपूर : मॉन्सूनोत्तर पावसाने खरीप पिकाचे चांगलेच...
मागासवर्गीयांपर्यंत फडणवीस सरकारच्या...मुंबई: राज्यात गत सरकारच्या कार्यकाळात...