Agriculture news in Marathi Excessive rainfall at Nandale in Dhule district | Agrowon

धुळे जिल्ह्यातील नंदाळे येथे अतिवृष्टी

टीम अॅग्रोवन
मंगळवार, 30 जून 2020

कापडणे, जि. धुळे ः नंदाळे बुद्रुक (ता. धुळे) येथे रविवारी (ता. २८) पहाटे साडेतीनच्या सुमारास ढगफुटीसदृश अतिवृष्टी झाली. यामुळे साप नाल्याला मोठा पूर आला व पुराचे पाणी गावात शिरले. तसेच गावातील सुमारे दीडशे एकर शेती शिवारातही पाणी शिरल्याने पिकांसह शेतजमिनीचे प्रचंड नुकसान झाले. याचा ८० ते ९० शेतकऱ्यांना मोठा फटका बसला असून, पावसामुळे पाच घरांची पडझड झाली.

कापडणे, जि. धुळे ः नंदाळे बुद्रुक (ता. धुळे) येथे रविवारी (ता. २८) पहाटे साडेतीनच्या सुमारास ढगफुटीसदृश अतिवृष्टी झाली. यामुळे साप नाल्याला मोठा पूर आला व पुराचे पाणी गावात शिरले. तसेच गावातील सुमारे दीडशे एकर शेती शिवारातही पाणी शिरल्याने पिकांसह शेतजमिनीचे प्रचंड नुकसान झाले. याचा ८० ते ९० शेतकऱ्यांना मोठा फटका बसला असून, पावसामुळे पाच घरांची पडझड झाली.

गाव तलावाच्या सांडव्याजवळील मातीच्या बांधातून गळती सुरू झाल्याने मोठा धोका निर्माण झाला आहे. आजच्या पावसामुळे दोन वर्षांपूर्वी नंदाळे येथे झालेल्या ढगफुटीच्या आठवणी ताज्या झाल्या. नंदाळे बुद्रुकचे ग्रामस्थ पहाटे साखरझोपेत असताना साडेतीनच्या सुमारास गावासह परिसरात जोरदार अतिवृष्टी झाली.

तब्बल दीड ते दोन तास झालेल्या या अतिवृष्टीमुळे गाव परिसरातील ब्रिटिशकालीन तलाव ओसंडून वाहिला. यामुळे साप नदीवजा नाल्याला मोठा पूर येऊन गावातूनच वाहणाऱ्या या नाल्याचे पाणी गावात शिरल्याने ग्रामस्थांची धावपळ उडाली. यातच वीजपुरवठा बंद झाल्याने काय करावे हेच ग्रामस्थांना सूचत नव्हते. यात महिला, लहान मुलांमध्ये अधिकच भीती निर्माण झाली.

अतिवृष्टीमुळे शेतकरी सुनील पंढरीनाथ पाटील, हरिदास चुडामण पाटील, दिलीप बाबूलाल पाटील, शिवराम रामभाऊ पाटील, गोरख धर्मा पाटील, साहेबराव निंबा पाटील, भिकन नारायण पाटील, सुरेश चिंतामण पाटील, छबीलाल पाटील, रामभाऊ पाटील, दिनेश उत्तम पाटील, प्रताप साहेबराव पाटील, जितेंद्र संभाजी पाटील, विजय नामदेव पाटील, शिवलिंग पाटील, बाजीराव पाटील, अजबराव पाटील, जिभाऊ पाटील आदी ८० ते ९० शेतकऱ्यांच्या शेतीसह पिकांचे प्रचंड नुकसान झाले.

विठ्ठल देवराम पाटील, नाना रामभाऊ पाटील, देविदास चुडामण पाटील, विश्वास परशुराम पाटील, भीमराव भिला पाटील यांच्या घरांचीही पडझड झाली. नाल्याला आलेल्या पुरात एक बैलगाडी वाहून गेली. खळ्यांमध्ये पाणी शिरल्याने चाऱ्याचेही नुकसान झाले.

धुळे तालुक्‍यात रविवारी (ता. २८) झालेला मंडळनिहाय पाऊस (अनुक्रमे रविवारचा पाऊस व एकूण मिमीमध्ये)
धुळे- ५२, ३५२, लामकानी- १३, ८२, सोनगीर- ००, १३६, नगाव- ४०, २२७, कुसुंबा- १०, २८०, नेर- ००, २८६, मुकटी- ०४, ८५, बोरकुंड- ५४, १९४, पुरमेपाडा- ३९, ३७८, खेडे- २६, ३९८, विंचूर- ६५, २३९, नवलनगर- १०, १५६, एकूण- ३१३ (२८१३), सरासरी- २६.८३.


इतर ताज्या घडामोडी
कोल्हापूर बाजार समिती नोकर भरतीविरोधात...कोल्हापूर: येथील कृषी उत्पन्न बाजार समितीत...
नगर : मक्‍याला हमीभावापेक्षा कमी दर...नगर ः रब्बी हंगामामध्ये शासनाच्या किमान आधारभूत...
सातारा जिल्ह्यात खरिपाच्या ८२.८५ टक्के...सातारा  ः पावसाचा काहीसा जोर वाढल्याने...
पुणे बाजार समितीसह उपबाजार ...पुणे  ः ‘कोरोना’च्या फैलावामुळे शहरातील...
नगर जिल्ह्यात एक लाख १७ हजार हेक्टरवर...नगर  ः जिल्ह्यात यंदा जुलैच्या पहिल्याच...
अमरावतीत बियाणे कंपनीकडून ९०१ बॅग, २२...अमरावती : जिल्ह्यात सोयाबीन बियाणे उगवणीबाबत १...
कोविड-१९ रुग्णांच्या वास, चव संवेदनांवर...कोविड १९ च्या आजारातून बरे झाल्यानंतरही सुमारे ९०...
खानदेशात दुबार पेरणीसाठी ताग, बाजरी,...जळगाव  ः खानदेशात दुबार पेरणी आटोपली आहे....
जळगावमधील सिंचन प्रकल्पांची कामे...जळगाव  ः जिल्ह्यात तापी व गिरणा नदीवर...
निकृष्ट बियाणेप्रकरणी सर्व कंपन्यांवर...नगर: जिल्ह्यात गेल्या एक महिन्याच्या कालावधीत...
बॅंकांनी पीककर्ज प्रकरणे तत्काळ मार्गी...वर्धा  ः जिल्ह्यात पात्र शेतकऱ्यांपैकी एकही...
गोंदिया जिल्ह्यात युरियाची टंचाईगोंदिया  ः पावसामुळे धान रोवणीला वेग आल्याने...
औरंगाबाद जिल्ह्यात खतांचा पुरवठा सुरळीत...औरंगाबाद : जिल्ह्यात ‘कोरोना’च्या पार्श्वभूमीवर...
अकोल्यात तूर सरासरी ५८०० रुपये क्विंटलअकोला  ः  येथील कृषी उत्पन्न बाजार...
सांगली जिल्ह्यातील तीन केंद्रांवर २०२३...सांगली  ः जिल्ह्यात हमीभावाने मका खरेदीसाठी...
रत्नागिरी जिल्ह्यात भात, नाचणी पिकासाठी...रत्नागिरी  : रत्नागिरी जिल्ह्यात भात, नाचणी...
आरोग्यदायी दालचिनीमसाल्यांच्या पदार्थांत, घरात मसाला करताना...
कोकण, कोल्हापूर पट्ट्यात मुसळधार...कोकण व कोल्हापूर भागावर १००२ तर महाराष्ट्रावर...
कोल्हापुरात दिड हजार, खते, बियाणे...कोल्हापूर  : बियाण्यांच्या उगवणीप्रश्नी...
सांगली जिल्ह्यात दोन लाख १९ हजार हेक्‍...सांगली : जिल्ह्यात पावसांचा खंड असला तरी  ...