Agriculture news in marathi Excessive rainfall will help during the week | Agrowon

अतिवृष्टीचा मदत आठवड्यात मिळणार

टीम अॅग्रोवन
गुरुवार, 21 जानेवारी 2021

गेल्यावर्षी ऑक्टोबर महिन्यात झालेल्या अतिवृष्टी आणि महापुराच्या नुकसानीपोटी दुसऱ्या टप्प्यातील २५० कोटी ६८ लाख रुपयांचा निधी आठवड्यापूर्वीच मिळाला आहे.

सोलापूर : गेल्यावर्षी ऑक्टोबर महिन्यात झालेल्या अतिवृष्टी आणि महापुराच्या नुकसानीपोटी दुसऱ्या टप्प्यातील २५० कोटी ६८ लाख रुपयांचा निधी आठवड्यापूर्वीच मिळाला आहे. आता हा निधी तहसीलदारांच्या खात्यावर वर्ग करण्यात आला असून, आठवडाभरात शेतकऱ्यांच्या बँक खात्यावर त्याचे वाटप केले जाणार असल्याचे जिल्हा प्रशासनाकडून सांगण्यात आले. 
गतवर्षी ऑक्टोबर महिन्यात जिल्ह्याला अतिवृष्टी आणि महापुराचा मोठा फटका बसला होती. जिल्ह्यातील जवळपास साडेतीन लाख हेक्टरहून अधिक क्षेत्रावरील पिकांचे नुकसान झाले होते.

स्वतः मुख्यमंत्री उद्धव ठाकरे यांनीही भेट देऊन या नुकसानीची पाहणी केली होती. त्यानंतर जिल्हा प्रशासनाने शासनाकडे शेतकऱ्यांसाठी मदतीची मागणी केली होती. त्यानुसार जिल्ह्याला या नुकसानीपोटी ५०१ कोटी ४३ लाख रुपयाचा रुपयांचा निधी मंजूर केला होता.

त्यापैकी पहिल्या टप्प्यात २५१ कोटी रुपये मिळाले होते. त्यातून काही ठराविक गावांनाच ही मदत वाटप करण्यात आली होती. त्यामुळे दुसऱ्या टप्प्यातील मदतीकडे सर्वांचेच लक्ष लागले होते. त्यानुसार दुसऱ्या टप्प्यात २५० कोटी ६८ लाख रुपयांची मदत जिल्ह्याला मिळाली.

आता शासनाने जाहीर केल्यानुसार खरीप हंगामातील पिकांच्या नुकसानीपोटी २ हेक्टरपर्यंत हेक्टरी १० हजार रुपये आणि फळपिकांना दोन हेक्टरच्या मर्यादेत हेक्टरी १५ हजार रुपये देण्यात येणार असल्याचे प्रशासनाकडून सांगण्यात आले. 

मदत तत्काळ जमा करण्याचे आदेश 
जिल्ह्यातील प्रत्येक तहसीलदारांच्या खात्यावर ही रक्कम जमा करण्यात आली आहे. आठवडाभरात ही सर्व रक्कम शेतकऱ्यांच्या बँक खात्यावर जमा करावी, त्यास विलंब करू नये, असे आदेश मिलिंद शंभरकर यांनी सर्व तहसीलदारांना दिले आहेत. 
 

तालुकानिहाय मिळणारी मदत 

  • -उत्तर सोलापूर- १० कोटी १५ लाख रुपये 
  • -दक्षिण सोलापूर- १२ कोटी ८६ लाख रुपये 
  • -अक्कलकोट- २२ कोटी ७७ लाख रुपये 
  • -बार्शी- ४० कोटी ४८ लाख रुपये 
  • -माढा- २७ कोटी ४८ लाख रुपये 
  • -करमाळा- ९ कोटी ८० लाख रुपये 
  • -पंढरपूर- ४८ कोटी ९६ लाख रुपये 
  • -मंगळवेढा- २० कोटी ३६ लाख रुपये 
  • -सांगोला- ४० कोटी ५२ लाख रुपये 
  • -मोहोळ- १७ कोटी ३० लाख रुपये 
     

इतर बातम्या
थंडीचा प्रभाव घटण्यास प्रारंभ पुणे ः अरबी समुद्राच्या परिसरात चक्रीय स्थिती...
केंद्र सरकारकडून ‘पीजीआर’ला मान्यता पुणे : शेतीसाठी वापरल्या जाणाऱ्या जैव उत्तेजकांना...
शासकीय हरभरा खरेदीच्या ऑनलाइन नोंदणीला...जळगाव : खानदेशातील प्रमुख बाजार समित्यांमध्ये...
बंद आठवडी बाजाराचा कांदा उत्पादकांना...जळगाव ः जळगाव जिल्ह्यात आठवडी बाजार ६ मार्चपर्यंत...
बत्तीसशे चौरस फुटांपर्यंतच्या ...मुंबई : राज्यातील ग्रामीण भागातील सुमारे ३,२००...
महिलांना रोजगार मिळवून देण्यासाठी ‘...रत्नागिरी ः पर्यटन व्यवसायातून महिलांना रोजगार...
कापडण्यात कांद्याला फटकाकापडणे, जि. धुळे : पावसाळ्यात सलग तीन महिने पाऊस...
परभणी जिल्ह्यात अवकाळीने हरभरा, ज्वारी...परभणी ः जिल्ह्यात या महिन्यात झालेला अवकाळी पाऊस...
मारुती माळ येथे टस्कराचे दर्शनकोल्हापूर ः बाळेघोल (ता. कागल) येथील जंगलातून...
मराठवाड्यात अवकाळीने ३३ टक्के पिकांचे...औरंगाबाद : अठरा व १९ फेब्रुवारी रोजी झालेल्या...
नांदेड जिल्ह्यात नुकसानग्रस्तांसाठी...नांदेड : जिल्ह्यात फेब्रुवारी ते मे २०२० या...
निम्न पेढी प्रकल्पाचे काम वेळेत पूर्ण...अमरावती : निम्न पेढी प्रकल्प हा अमरावती व अकोला...
...तर खंडणीचे गुन्हे दाखल करा ः गरडपुणे ः ‘‘पुणे कृषी उत्पन्न बाजार समितीमध्ये हमाली...
सहकारी संस्थांच्या निवडणुकांना पुन्हा...कोल्हापूर ः राज्याच्या राजकीय पटलाचे लक्ष लागून...
बाजार समित्यांनी पेट्रोल, सीएनजी पंप...परभणी ः उत्पन्नात वाढ होण्याच्या दृष्टीने जिल्हा...
जैन यांच्या मोजेक पोर्ट्रेटची ‘गिनेस...जळगाव :  जैन उद्योग समूहाचे संस्थापक अध्यक्ष...
सातारा जिल्ह्यात ५५ टक्के क्षेत्रावर...सातारा ः जिल्ह्यात २५ फेब्रुवारीअखेर तीन हजार १५४...
राज्यात ७ कोटी ९७ लाख क्विंटल साखरेचे...नगर ः राज्यात यंदाही उसाचे जोरदार गाळप सुरू आहे....
शेतीच्या उन्नतीसाठी ज्ञानच महत्त्वाचे...पुणे : कृषीप्रधान देश असलेल्या भारतात शेतीला...
अवकाळीच्या तडाख्यात शेवग्याचे पुन्हा...नाशिक : गत जानेवारी महिन्यात झालेल्या अवकाळी...