Agriculture news in Marathi Exercise to get crop insurance after a natural disaster | Agrowon

अकोला ः नैसर्गिक आपत्तीनंतर पीकविमा मिळविण्यासाठी कसरत

टीम अॅग्रोवन
बुधवार, 28 जुलै 2021

गेल्या हंगामात सोयाबीन व इतर पिकांचे नुकसान झाले. उत्पादकता कमी झाली. पैसेवारीही कमी निघाली. तरीही पीकविम्याचा लाभ मिळाला नाही. त्यामुळे पीकविमा मिळावा यासाठी शेतकऱ्यांना कसरतीचा काळ आहे.

अकोला ः पीकविमा हा आपत्तीच्या काळात शेतकऱ्यांना पाठबळ देण्याच्या उद्देशाने काढण्याचा आग्रह केला जातो. विमा काढल्याने रिस्क कमी होते, असा दावा केला जातो. परंतु शेतकऱ्यांचा अनुभव यापेक्षा वेगळा आहे. गेल्या हंगामात सोयाबीन व इतर पिकांचे नुकसान झाले. उत्पादकता कमी झाली. पैसेवारीही कमी निघाली. तरीही पीकविम्याचा लाभ मिळाला नाही. त्यामुळे पीकविमा मिळावा यासाठी शेतकऱ्यांना कसरतीचा काळ आहे.

अकोला जिल्ह्यात केवळ एका मंडळात सोयाबीन पिकाचा विमा देण्यात आला. बुलडाणा जिल्ह्यात जळगाव जामोद मतदारसंघातील तालुक्यात मदतच मिळाली नाही. या भागातील लोकप्रतिनिधी, शेतकरी संघटना दुसरा खरीप सुरू झाला तरी विमा न मिळाल्याने आंदोलने करीत आहेत. कंपन्यांकडून केले जाणारे दावे पाळले जात नसल्याचा अनुभव अनेक शेतकरी व्यक्त करीत आहेत. जिल्ह्यात यंदा १ लाख ९० हजारांवर शेतकऱ्यांनी विमा काढला आहे.

विमा कंपनीचे स्वतंत्र कार्यालय नाही
अकोला जिल्ह्यासाठी एचडीएफसी (ईआरजीओ) या कंपनीची निवड करण्यात आलेली आहे. शेतकऱ्यांना पीकविमा कंपनीकडे संपर्क साधण्यासाठी अडचणी येऊ नये, कंपनीच्या कर्मचाऱ्यांनी टाळाटाळ करू नये यासाठी अकोला जिल्हा अधीक्षक कृषी अधिकारी कार्यालयातच कंपनी प्रतिनिधींसाठी कक्ष सुरू करण्यात आला. या ठिकाणी कंपनी प्रतिनिधी दिवसभर बसून तक्रारी घेत असताना दिसून आले. याशिवाय प्रत्येक तालुक्यात एक प्रतिनिधी तालुका कृषी कार्यालयात नेमण्यात आला. अकोला जिल्ह्यात कंपनीकडे तक्रारी वाढल्या आहेत.

जिल्ह्यात नैसर्गिक आपत्तीमुळे शेती, पिकांचे मोठे नुकसान झालेले आहे. भरपाईच्या अनुषंगाने ७२ तासांच्या आत कंपनीला माहिती कळविण्याचे संदेश शेतकऱ्यांना देण्यात आले. शेतकऱ्यांना अडचण येऊ नये, यासाठी विमा कंपनी, कृषी अधिकारी, कर्मचाऱ्यांना गावोगावी शेतकऱ्यांशी संपर्क साधण्याचे निर्देश दिले आहेत
- डाॅ. कांतप्पा खोत, जिल्हा अधीक्षक कृषी अधिकारी अकोला

अतिवृष्टीमुळे माझे सहा ते सात एकरांतील पिकाचे नुकसान झाले. या बाबत हेल्पलाइनवर चार दिवस संपर्क साधला. एकदा संपर्क झाला असता कर्मचारी उद्धट बोलला. सर्व कागदपत्रे असतील तरच बोला, उगाच आमचा वेळ घालवू नका असे म्हणत त्याने उद्धटपणे फोन ठेवून दिला. त्यानंतर पुन्हा संपर्क झालाच नाही. त्यांनी व्हाइस मेसेज पाठवून अॅप डाउनलोड करण्याचा सल्ला दिला. अॅप घेतले तर ओटीपी मिळाला नाही. लाइव्ह फोटो पाठविण्याचे सांगितले. तर लिंकवर फोटो गेलेच नाहीत. अकोला तालुका कृषी कार्यालयात गेलो तर तेथे कंपनीचा कोणीही कर्मचारी नव्हता. शेवटी तक्रार अर्ज कृषी कार्यालयात ऑफलाइन पद्धतीने सादर केला. यंदा कृषी कार्यालयात कर्मचारी मिळाला नाही.
- विशाल नंदकिशोर जयस्वाल, सांगळूद, ता. जि. अकोला

विमा कंपन्यांकडून जी हेल्पलाइन दिली जाते त्यावर संपर्क केला तर तो फोन उचलल्या जात नाही. नुकसान कळविण्यासही अडचणी येतात. बहुतांशवेळा नदी, नाले, ओढ्यांना पूर असतो. शेतात जाता येत नाही. त्यामुळे परिस्थितीचा अंदाज येत नाही. ॲप वापरताना शेतकऱ्यांना तांत्रिक ज्ञानाचा अभाव असतो. खेड्यात मोबाईल रेंजच्या अडचणी येतात. दरवर्षी विमा कंपनी बदलली जाते. त्याची सूचना व माहिती पत्रकावर कार्यालयाचा पत्ता नसतो. अशा असंख्य अडचणी आहेत.- गणेश नानोटे, शेतकरी, निंभारा, जि. अकोला

दरवर्षी संपूर्ण शेताचा विमा काढतो. परंतु ज्या पिकाचे क्षेत्र कमी राहते त्यालाच विमा मिळतो, असे दिसून आले. विमा कंपनीचा फोन कधी उचलल्या जात नाही. तालुक्यात कुठे कार्यालय आहे, याची माहिती मिळत नाही. नुकसान झाल्यावर कधीही आजपर्यंत विमा कंपनीचा माणूस शेतात आलेला नाही. यामध्ये मोठ्या सुधारणांची गरज वाटते.
- ज्ञानेश्‍वर तायडे, शेतकरी, कारला, ता. पातूर, जि. अकोला


इतर ताज्या घडामोडी
मुंबै बँकेची चौकशी केवळ सुडाने आणि...मुंबई ः मुंबै बँकेच्या विरोधात चौकशी करण्याचा...
नाशिक जिल्ह्याच्या पश्चिम भागात पावसाची...नाशिक : जिल्ह्यात पावसाने ओढ दिल्यानंतर पुन्हा...
तापी, वाघूर, गिरणा नदीला पुन्हा पूरजळगाव  : जिल्ह्यात महत्त्वाच्या मानल्या...
‘येलदरी’च्या १०, ‘सिद्धेश्‍वर’च्या १२...परभणी ः परभणी, हिंगोली जिल्ह्यांत बुधवारी (ता. २२...
‘मांजरा’ ४२ वर्षांत पंधरा वेळा भरलेलातूर ः लातूर, उस्मानाबाद आणि बीड जिल्ह्यांच्या...
परभणी : ‘ई-पीक पाहणी’वर ७७ हजार...परभणी ः ‘‘ई-पीक पाहणी मोबाईल ॲपद्वारे यंदाच्या...
पुण्यातील धरणांच्या पाणलोटात पावसाचा...पुणे : गेल्या दोन दिवसांपासून धरणक्षेत्रात...
साताऱ्यात ई-पीक पाहणीस अल्प प्रतिसाद सातारा : सातारा जिल्ह्यात ई-पीक पाहणी प्रक्रियेस...
बुलडाण्यात ७४ टक्के शेतकऱ्यांना मिळाले...बुलडाणा : यंदाच्या खरीप हंगामासाठी नियोजित...
नांदेड : पीकविमा कंपनीच्या विरोधात धरणे...नांदेड : मुखेड तालुक्यात इफ्को टोकियो पीकविमा...
जनावरांचे बाजार कोल्हापुरात सुरू कोल्हापूर : कोरोनामुळे बंद असलेले जनावरांचे बाजार...
अकोला : पावसामुळे सोयाबीन, कापूस...अकोला : आठवडाभराच्या विश्रांतीनंतर या भागात...
नागपुरात पीक नुकसानीचे  पंचनामे सुरू...नागपूर : गेल्या काही दिवसांत नागपूर जिल्ह्यात...
‘कृषी’ शिक्षक म्हणून कृषी, संलग्न ...कोल्हापूर : शालेय शिक्षणात कृषी विषयाचा समावेश...
शिसोदे समितीची आज तातडीची बैठकपुणे ः जलयुक्त शिवार कामांमध्ये झालेल्या कोट्यवधी...
शेतीमाल, दुग्धजन्य पदार्थ निर्यात...पुणे : कृषी व प्रक्रियायुक्त अन्न उत्पादन निर्यात...
बुडताना दिसले अन् काही क्षणांत दिसेनासे...वरुड, जि. अमरावती : डोळ्यांसमोर सारे बुडताना दिसत...
‘जनधन’मुळे मदत गरजूंपर्यंत : केंद्रीय...औरंगाबाद : जनधन, आधार आणि बँक खात्याशी मोबाईल...
पूर्वसूचना अर्ज भरण्यासाठी निलंग्यात...निलंगा, जि. लातूर : ऑफलाइन पद्धतीने विमा कंपनीस...
शेतकऱ्यांसाठी महावितरणने हप्ते बांधून...पुणे : कोरोनामुळे महावितरण कंपनीवरही आर्थिक ताण...