द्राक्ष बागांत अपेक्षित घडनिर्मिती नाही : डॉ. सोमकुंवर

नारायणगाव, (जि. पुणे) ः ‘‘खरड छाटणीनंतर जुन्नर तालुक्यातील गोळेगाव परिसरात एप्रिल व मे महिन्यात झालेल्या गारपीट व अतिवृष्टीचा परिणाम द्राक्ष बागांच्या घड निर्मितीवर झाला आहे. अपेक्षित घडनिर्मिती झाली नसल्याचे पाहणीत आढळून आले आहे,’’ अशी माहिती राष्ट्रीय द्राक्ष संशोधन केंद्र पुणेचे संचालक डॉ. आर. जी. सोमकुंवर यांनी दिली.
Expected formation in vineyards: Dr. Somkunwar
Expected formation in vineyards: Dr. Somkunwar

नारायणगाव, (जि. पुणे) ः ‘‘खरड छाटणीनंतर जुन्नर तालुक्यातील गोळेगाव परिसरात एप्रिल व मे महिन्यात झालेल्या गारपीट व अतिवृष्टीचा परिणाम द्राक्ष बागांच्या घड निर्मितीवर झाला आहे. अपेक्षित घडनिर्मिती झाली नसल्याचे पाहणीत आढळून आले आहे,’’ अशी माहिती राष्ट्रीय द्राक्ष संशोधन केंद्र पुणेचे संचालक डॉ. आर. जी. सोमकुंवर यांनी दिली.

‘‘जुन्नर तालुक्यात सुमारे पाच हजार एकर क्षेत्रावर द्राक्ष बागा आहेत. ऑक्टोबर छाटणीनंतर प्रामुख्याने जंबो द्राक्ष बागेत सलग दुसऱ्या वर्षी अपेक्षित घडनिर्मिती झाली नसल्याचे दिसून येत आहे. जंबो द्राक्षाच्या एका वेलीवर किमान २५ घड निर्मिती होणे आवश्यक आहे. मात्र काही बागेत पाच ते पंधरा घड निर्माण झाले आहेत. घड जिरण्याचे प्रमाण जास्त आहे’’, अशी माहिती कृषी विज्ञान केंद्राचे (केव्हीके) अध्यक्ष अनिल मेहेर यांनी दिली.

शुक्रवारी (ता.१२) गोळेगावमधील द्राक्ष बागांची डॉ. सोमकुंवर, वरिष्ठ शास्त्रज्ञ डॉ. ए. के. उपाध्याय, डॉ. प्रशांत निकुंभे यांनी पाहणी केली. या वेळी केव्हीकेचे वरिष्ठ शास्त्रज्ञ प्रशांत शेटे, उद्यानविद्या तज्ज्ञ भरत टेमकर, मृदाशास्त्र तज्ज्ञ योगेश यादव, उपविभागीय कृषी अधिकारी मनोजकुमार ढगे, तालुका कृषी अधिकारी सतीश शिरसाट, नीलेश बुधवंत, महाराष्ट्र राज्य द्राक्ष बागायतदार संघाचे संचालक जितेंद्र बिडवई उपस्थित होते. 

डॉ. सोमकुंवर म्हणाले, ‘‘गारपिटीमुळे द्राक्ष काड्यांना इजा झाली. खरडछाटणी नंतर ढगाळ वातावरण असल्याने काड्यांमधील शरीरशास्त्रीय प्रक्रिया मंदावली गेली. यामुळे काडीमध्ये आवश्यक अन्नसंचय झालेला नाही. खरडछाटणीनंतर ३० ते ४० दिवसांच्या कालावधीमध्ये सुक्ष्म घडनिर्मिती होत असते. याच कालावधीमध्ये नैसर्गिक आपत्ती ओढवल्यामुळे द्राक्ष बागांमध्ये घडनिर्मिती अल्पप्रमाणात झाली आहे.’’

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com