सोयाबीन, मूग, उडदासाठी १९ खरेदी केंद्रे सुरू करणे अपेक्षित

सोयाबीन, मूग, उडदासाठी १९ खरेदी केंद्रे सुरू करणे अपेक्षित
सोयाबीन, मूग, उडदासाठी १९ खरेदी केंद्रे सुरू करणे अपेक्षित

नगर ः शेतकऱ्यांचा शेतमाल हमीदराने खरेदी करता यावा यासाठी नगर जिल्ह्यामध्ये सोयाबीन, मूग आणि उडदाच्या खरेदीसाठी १९ हमी केंद्रे सुरू करण्याची गरज आहे. त्यादृष्टीने जिल्हा मार्केटिंग फेडरेशनने पेरणी क्षेत्र उत्पादनाच्या अंदाजावर वरिष्ठ कार्यालयाला तसे कळवले आहे. लवकरच मंजुरी येऊन केंद्रे सुरू होणार असल्याचा विश्‍वास व्यक्त केला जात आहे.

खरिपातील मूग, उडीद आणि सोयाबीनचे क्षेत्र अधिक असते. यंदा पावसाळ्याच्या सुरवातीपासूनच पुरेसा पाऊस नाही. मात्र तरीही जिल्ह्यामध्ये मूग, उडीद व सोयाबीनची पेरणी जास्त झालेली आहे. सोयाबीनचे सरासरी क्षेत्र ५४ हजार ४५३ हेक्‍टर असले तरी यंदा ६३ हजार हेक्‍टरवर पेरणी झाली. मुगाचीही सरासरीच्या दुप्पट व उडदाची तिप्पट पेरणी झाली आहे. कोपरगाव, श्रीरामपूर, राहाता तालुक्‍यात सोयाबीनचे क्षेत्र अधिक आहे.

यंदा पावसाअभावी उत्पादन घटले असले तरी हाती आलेले पीक बाजारात येऊ लागले आहे. सध्या नगरला बाजारात मुगाची दर दिवसाला सुमारे पाचशे क्विंटलपेक्षा अधिक आवक होत आहे. बाजारात शासनाने ठरवून दिलेल्या हमीदरानुसार खरेदी होणे अपेक्षित असताना खरेदी होताना दिसत नाही.

गेल्या वर्षी नाफेडअंतर्गत हमीदराने मूग, उडीद, सोयाबीन, तूर, हरभरा खरेदी करण्यासाठी हमी केंद्रे सुरू केली होती. यंदाही अशी केंद्रे सुरू करण्याच्या दृष्टीने काम सुरू आहे.

जिल्ह्यामध्ये यंदाही मूग, सोयाबीन, उडदाचे नगर जिल्ह्यामध्ये क्षेत्र अधिक आहे. त्याचे उत्पादन किती होईल याबाबत जिल्हा अधीक्षक कृषी अधिकारी कार्यालयातून माहिती घेतली आहे. त्यानुसार अपेक्षित केंद्रे सुरू करण्याबाबत वरिष्ठ कार्यालयाला कळवले आहे. केंद्रे सुरू करण्याबाबत जिल्हाभरातील संस्थांकडून प्रस्ताव मागवले आहेत.- भारत पाटील, जिल्हा मार्केटिंग अधिकारी, नगर

अपेक्षित खरेदी केंद्रे सोयाबीन ः वांबोरी (राहुरी), राहाता, कोपरगाव, श्रीरामपूर, नगर, जामखेड, नेवासा ः अकोले, संगमनेर मूग ः राहुरी, पारनेर, नगर, जामखेड, शेवगाव उडीद ः राहुरी, जामखेड, नगर, कर्जत, पाथर्डी

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com