Agriculture news in marathi Expenditure of 23 crores on scarcity alleviation in Nanded district | Agrowon

नांदेड जिल्ह्यात टंचाई निवारणावर २३ कोटींचा खर्च

टीम अॅग्रोवन
गुरुवार, 10 सप्टेंबर 2020

नांदेड  : तात्पुरती पूरक नळ योजना, तातडीची पाणीपुरवठा योजना, विहीर खोल करून गाळ काढणे आदीवर २३ कोटी १५ लाख रुपये खर्च झाला.

नांदेड  : नवीन विंधन विहिरी घेणे, नळपाणी पुरवठा योजनांची विशेष दुरुस्ती, विंधन विहिरीची विशेष दुरुस्ती, तात्पुरती पूरक नळ योजना, तातडीची पाणीपुरवठा योजना, विहीर खोल करून गाळ काढणे आदीवर २३ कोटी १५ लाख रुपये खर्च झाला, अशी माहिती जिल्हाधिकारी कार्यालयातील टंचाई निवारण कक्षातून देण्यात आली.

यंदा उन्हाळी टंचाई उपाययोजना अंतर्गत जिल्ह्यातील दहा गावे व सतरा वाड्यांवर २१ टॅंकरने पाणीपुरवठा करण्यात आला. या सोबतच १४७ गावांमध्ये खाजगी विहीरी व कूपनलिकेचे अधिग्रहण करून नागरिकांना पाण्याची व्यवस्था करण्यात आली. 

जिल्ह्यात दरवर्षी उन्हाळ्याची चाहूल लागताच ग्रामीण भागासह काही नागरी वस्त्यांमध्ये पिण्याच्या पाण्याची टंचाई जाणवू लागते. यासाठी प्रशासनाला टंचाई निवारणाच्या उपाययोजना करून नागरिकांना खासगी तसेच शासकीय टँकरद्वारे पाणीपुरवठा करावा लागतो. ग्रामीण व नागरी भागात खासगी विंधन विहिरी, कूपनलिकेचे अधिग्रहण करून नागरिकांना, जनावरांना पाणीपुरवठा केला जातो. मागील काही वर्षांच्या तुलनेत यंदा जिल्ह्यात टंचाईची तीव्रता कमी स्वरूपात होती. मागील वर्षी ६२ टॅंकरद्वारे ग्रामीण भागात पाणीपुरवठा करण्यात आला. त्यावर ३५ कोटी रुपयांचा खर्च झाला होता.

यंदा मात्र मागील वर्षी झालेल्या समाधानकारक पावसामुळे टंचाईची स्थिती अधिक जाणवली नाही. उन्हाळ्याच्या शेवटी जिल्ह्यातील दहा गावे व १७ वाड्यांवर २२ टँकरद्वारे पाणीपुरवठा करावा लागला. या सोबतच १४५ ठिकाणी खाजगी विहीर व कूपनलिकेचे अधिग्रहण करण्यात आले. यासोबत २७४ ठिकाणी नवीन विंधन विहिरी घेण्यात आल्या.

तर, २८२ ठिकाणी नळ पाणीपुरवठा योजनेची विशेष दुरुस्ती करण्यात आली. या सोबतच ९८२ ठिकाणी विंधन विहिरीची विशेष दुरुस्ती करण्यात आली. १०४ ठिकाणी तात्पुरती पूरक नळ योजना अथवा तातडीची पाणीपुरवठा योजना राबविण्यात आली. 

दोन ठिकाणी विहीर खोलीकरण करण्याचे काम करण्यात आले. अशाप्रकारे जिल्ह्यात २६३ वाड्या व ८१५ गावात एक हजार ७३ उपाया योजना राबविण्यात आल्या. यासाठी जिल्ह्याला २३ कोटी १५ लाख रुपये खर्च झाला. यात नवीन विंधन विहिरी घेण्यासाठी एक कोटी ७२ लाख योजनांची विशेष दुरुस्तीसाठी १३ कोटी १८ लाख, तात्पुरती पूरक नळ योजना कार्यान्वित करण्यासाठी सात कोटी २१ लाख, टँकरद्वारे पाणीपुरवठा करण्यासाठी ४६ लाख खाजगी विहीर अधिग्रहण करण्यासाठी ५२ लाख, विहीर खोली करण्यासाठी तीन लाख या प्रकारे खर्चाचा समावेश आहे. 


इतर ताज्या घडामोडी
लाभार्थी शेतकऱ्यांचे अनुदान तातडीने अदा...बुलडाणा : शासन शेतकऱ्यांचा जीवनस्तर उंचविण्यासाठी...
‘कस्तुरी’चा दरवळ मृत्यूनंतरही कायमकोल्हापूर : गेल्या सत्तावीस वर्षांपासून तिने...
ट्रायकोडर्मा वापरण्याच्या पद्धतीट्रायकोडर्मा ही उपयुक्त बुरशी असून, ती रोपांच्या...
जनावरांचे पावसाळ्यातील व्यवस्थापनपावसाळ्यात होणाऱ्या वातावरणातील अचानक बदलामुळे...
खानदेशात अत्यल्प पेरणीजळगाव ः खानदेशात या महिन्यात अपवाद वगळता हवा तसा...
नांदेडमध्ये सोयाबीनचे क्षेत्र वाढण्याची...नांदेड : जिल्ह्यात यंदा चार लाख हेक्टरवर...
परभणीत १२.६४ टक्के पेरणीपरभणी ः जिल्ह्यात यंदाच्या (२०२१) खरीप हंगामात...
देशात वीज पडून दरवर्षी दोन हजार...पुणे : हरिताच्छादन कमी झाल्याने होणारी तापमान वाढ...
कांदा उत्पादक शेतकऱ्याचा प्रामणिकपणानाशिक : जगात प्रामाणिकपणा लोप पावत चालला असल्याची...
अन्नद्रव्यांवरून खतांचे व्यवस्थापन...गेवराई, जि. बीड : जमिनीतील उपलब्ध...
आंबेओहळ प्रकल्पात  ३० टक्के पाणीसाठाकोल्हापूर : आजरा तालुक्यात असलेल्या आंबेओहळ...
वनौषधी पानपिंपरीचे दर वाढल्याने...अकोला ः जिल्ह्यात सातपुड्याच्या पायथ्याशी अकोट,...
नुकसान टाळण्यासाठी  मिश्र पिकांवर भरराळेगाव, जि. यवतमाळ : गेल्या वर्षी कपाशीवर आलेली...
यवतमाळमध्ये अनधिकृत खतांचा साठा जप्तयवतमाळ : परवान्यात नसतानाही खतांचा अनधिकृतपणे...
सांगली जिल्ह्यात खरिपाची २५ टक्के...सांगली : जिल्ह्यात खरीप हंगामाचे सरासरी क्षेत्र २...
सूक्ष्म खाद्य उन्नयन योजनेसाठी अर्ज...वाशीम : जिल्ह्यात २०२०-२१ ते २०२४-२५ या...
पुण्याचा पर्यटन विकास आराखडा तयार करा पुणे : जिल्ह्याच्या पर्यटन विकासासाठी सविस्तर...
प्रताप सरनाईकांचे ठाकरेंना पत्र; ...मुंबई : शिवसेनेचे आमदार प्रताप सरनाईक यांनी...
काळानुरूप बदल स्वीकारा : नितीन गडकरीवर्धा : बाजार समित्यांनी केवळ शेतमाल खरेदी विक्री...
संत्रा आयात शुल्कप्रकरणी बांगलादेशशी...अमरावती : नागपुरी संत्र्याचा सर्वात मोठा आयातदार...