Agriculture News in Marathi Experiment of Potato Cultivation on Turkmenabad Kharadi Agreement | Agrowon

तुर्कांबाद खराडीत करारावर बटाटा लागवडीचा प्रयोग 

टीम अॅग्रोवन
शनिवार, 27 नोव्हेंबर 2021

औरंगाबाद : जिल्ह्यातील गंगापूर तालुक्‍यातील तुर्कांबाद खराडी येथील स्वयंभू शेतकरी गट आणि भीमाशंकर ॲग्रो कंपनी आंबेगावच्या माध्यमातून करारावर बटाटा शेतीचा प्रयोग हाती घेण्यात आला आहे.

औरंगाबाद : जिल्ह्यातील गंगापूर तालुक्‍यातील तुर्कांबाद खराडी येथील स्वयंभू शेतकरी गट आणि भीमाशंकर ॲग्रो कंपनी आंबेगावच्या माध्यमातून करारावर बटाटा शेतीचा प्रयोग हाती घेण्यात आला आहे. जवळपास १५ एकरांवरील या प्रयोगात २० शेतकरी सहभागी झाले आहेत. लागवड केलेले पीक आता बहरू पाहत आहे. 

साधारणत: ऑक्‍टोबरच्या शेवटी तंत्रज्ञानाच्या साहाय्याने सहभागी शेतकऱ्यांपैकी १८ शेतकऱ्यांनी बेड पद्धतीने दोन ओळींतील अंतर अडीच फूट व दोन रोपातील अंतर सहा इंच ठेवून बटाटा पिकाची लागवड केली. तर दोन शेतकऱ्यांनी जोडओळ पद्धतीने लागवडीचा पर्याय निवडत दोन जोडओळीतील अंतर एक फूट व दोन रोपातील अंतर सहा इंच ठेवून बटाटा लागवड केली. 

गंगापूर तालुक्‍यात तुर्काबाद खराडी परिसरातील हा करार पद्धतीने बटाटा लागवडीचा हा प्रयोग असल्याचे ‘आत्मा’च्या वतीने सांगण्यात आले. एक एकर बटाटा लागवडीसाठी साधारणत: ८ क्‍विंटल बेणे लागले जे २६०० रुपये प्रतिक्‍विंटलने करार करणाऱ्या पेप्सीको कंपनीने शेतकऱ्यांना उपलब्ध करून दिले. त्यासाठी लागणाऱ्या निविष्ठांची किटही कंपनीकडून पुरविली जाणार आहे. शिवाय उत्पादित बटाटा १४ रुपये प्रतिकिलोने कंपनीच खरेदी करणार असल्याची माहिती स्वयंभू शेतकरी गटाचे अध्यक्ष जगदीश पाटेकर यांनी दिली. या प्रयोगात सहभागी केलेल्या क्षेत्रातून एकरी किमान १२० क्‍विंटल बटाटा उत्पादन होणे अपेक्षीत असून चिप्स बनविण्यासाठी त्याचा कंपनीकडून वापर केला जाणार असल्याचेही श्री. पाटेकर म्हणाले. 

या प्रयोगाच्या यशस्वीतेसाठी तालुका कृषी अधिकारी ज्ञानेश्‍वर तारगे, आत्माचे तालुका तंत्रज्ञान व्यवस्थापक दिलीप मोटे, चंद्रकांत तायडे, शिरोडीचे पोलिस पाटील तसेच स्वयंभू शेतकरी गटाचे अध्यक्ष जगदीश पाटेकर व शेतकरी प्रयत्नशील आहेत. 

प्रतिक्रिया
शासनाच्या विकेल ते पिकेल धोरणानुसार तालुक्यातील वेगवेगळ्या शेतकरी गटांचे कंपनी सोबत करार करण्यात येत आहेत. यामध्ये भेंडी, बेबीकॉर्न, स्वीटकॉर्न, बटाटे असे करार सध्या गंगापूर तालुक्यात आत्माच्या प्रयत्नातून सुरू आहेत. भविष्यात याची व्याप्ती वाढवण्यात येणार आहे. यामुळे शेतकऱ्यांना हमीभाव आणि विक्रीमध्ये फायदा होईल 
- दिलीप मोटे, 
तालुका तंत्रज्ञान व्यवस्थापक, गंगापूर 


इतर बातम्या
अंदाजपत्रकातून कृषी क्षेत्राला काय हवे...लवकरच २०२२-२०२३ या आर्थिक वर्षातील अंदाजपत्रक...
कृषी तंत्रज्ञान,ॲक्वाकल्चर क्षेत्रातील...२०२२ च्या केंद्रीय अंदाजपत्रकाच्या पार्श्वभूमीवर...
Weather Alert : थंडीची लाट 'या'...देशातल्या वायव्य भागात थंडी अजून दोन ते तीन दिवस...
भारताच्या गहू निर्यातीची घोडदौड वेगात दक्षिण आशिया आणि दक्षिण पूर्व आशियातील वाढत्या...
Top 5 News: वऱ्हाडात तुरीची आवक वाढली1. देशातल्या वायव्य भागात थंडी अजून दोन ते तीन...
पेनटाकळी प्रकल्पबाधित गावांना तातडीने...बुलडाणा : जिल्ह्यात गेल्या काही दिवसांपासून...
नवीन बोअरवेलऐवजी `फ्लशिंग’वर भर नागपूर : उन्हाळ्यात पाण्याचे दुर्भिक्ष लक्षात...
ज्वारीच्या राखणीसाठी कणसाला संरक्षण नेवासे, जि. नगर : रब्बी हंगामातील ज्वारी आता...
वाशीमलाही मिळाला १५ कोटींचा वाढीव निधी वाशीम ः जिल्ह्यातील विकासकामांना निधीची गरज...
जळगाव जिल्ह्यातील १४ वाळू लिलाव गटाची...जळगाव ः जिल्ह्यात भडगाव, पाचोरा, चोपडा येथील तीन...
सोलापूर जिल्हा दूध संघाची निवडणूक ...सोलापूर ः राज्यात नावाजलेल्या सोलापूर जिल्हा...
शेतीमालाच्या विक्रीसाठी मूल्यसाखळी...सोलापूर ः शेतकरी उत्पादनात आता पुढे आहेत. त्यांना...
जळगाव : खासगी संस्था, सोसायट्यांच्या ...जळगाव : ओमिक्रॉनच्या वाढत्या प्रादुर्भावामुळे...
सांगलीत पीक कर्जवाटपात बॅंकांचा हात...सांगली ः रब्बी हंगामातील पिकांची पेरणी अंतिम झाली...
‘पाच हजार १२२ कुटुंबांना परभणी...परभणी ः ‘‘‘जल जीवन मिशन’ कार्यक्रमांतर्गत...
परभणीत ३८.९१ लाखांच्या निधीची कामे...परभणी ः जिल्ह्यात चालू आर्थिक वर्षात एकात्मिक...
क्षारपड जमीन सुधारणा संस्थांना ११.९०...कोल्हापूर : उर्जांकुर श्री दत्त पॉवर कंपनी...
उत्तर महाराष्ट्राला थंडीचा विळखा पुणे : उत्तर भारतातील गोठविणाऱ्या शीत वाऱ्यांमुळे...
राज्यातील ५१ अधिकारी, कर्मचाऱ्यांना...मुंबई : केंद्रीय गृहमंत्रालयाने प्रजासत्ताक...
‘सीडी रेशो’ घसरलेल्या  जिल्ह्यांमध्ये...पुणे ः कर्जवाटप व ठेवीचे गुणोत्तर (सीडी रेशो)...