कृषी विज्ञान केंद्रातर्फे प्रयोगशील शेतकऱ्यांचा गौरव

वाशीम  ः दिवसेंदिवस वातावरणात होणारे बदल व हवामानाची अनिश्‍चितता यामुळे होणाऱ्या परिणामांना सामोरे जाण्यासाठी तांत्रिक मार्गदर्शन देण्याच्या हेतूने कृषी विज्ञान केंद्राद्वारे १२ ते १४ फेब्रुवारी या दरम्यान कृषी तंत्रज्ञान सप्ताहाचे आयोजन करण्यात आले होते. या सप्ताहात प्रयोगशील शेतकऱ्यांचा, महिलांचा गौरव करण्यात आला. उद्घाटन कार्यक्रमाच्या अध्यक्षस्थानी डॉ. पंजाबराव देशमुख कृषी विद्यापीठाचे शिक्षणविस्तार संचालक डॉ. डी. एम. मानकर होते. जिल्हा परिषदेच्या अतिरिक्त मुख्य कार्यकारी अधिकारी लीना बनसोड या उद्घाटक होत्या. डॉ. बी. एन. गणवीर, उपविभागीय कृषी अधिकारी दत्तात्रय चौधरी, कृषी विकास अधिकारी बी. एस. बंडगर, सुविदे फाउंडेशनचे विश्‍वस्त संजय उकळकर, कृषी संशोधन केंद्राचे प्रमुख डॉ. विकास गौड, कृषी विज्ञान केंद्राचे प्रमुख व वरिष्ठ शास्त्रज्ञ डॉ. आर. एल. काळे व्यासपीठावर उपस्थित होते.