परभणीत डिजीटल परिसंवादाद्वारे तज्ज्ञांचे शेतकऱ्यांना मार्गदर्शन

परभणी : लॉकडाउनमध्ये शेतकऱ्यांना विविध विषयावर मार्गदर्शन करण्यासाठी येथील कृषी विज्ञान केंद्रातर्फे ‘ऑडिओ कॉन्फरन्स’चे आयोजन करण्यात आले. 

कृषी विज्ञान केंद्र आणि रिलायन्स फाउंडेशनतर्फे आयोजित डिजीटल परिसंवादात कृषी विज्ञान केंद्राचे विशेषज्ञ अमित तुपे यांनी खरिप पूर्व नियोजन, शेतातील कामे करताना घ्यावयाची काळजी, फळबाग व्यवस्थापन, भाजीपाला विक्री व्यवस्थापन याबाबत माहिती दिली. 

शेतात काम करताना शारीरिक अंतराचे पालन करावे. शेतातील अवजारांचे निर्जंतुकीकरण करावे, असे सांगून बियाणे उगवण क्षमता तपासणी चाचणी, बीज प्रक्रिया, हळद लागवड पध्दती, खत व्यवस्थापन आदीबाबत तुपे यांनी माहिती दिली. 

मृदा विशेषज्ञ सी. आर. देशमुख यांनी माती परिक्षण, माती परिक्षण अहवालातील शिफारशीनुसार खत व्यवस्थापन याबाबत माहिती दिली. फाउंडेशनचे जिल्हा प्रतिनिधी विलास सवाने, कार्यक्रम सहाय्यक रामा राऊत यांनी पुढाकार घेतला.