agriculture news in marathi, experts says, dont panic over boll worm attack, Maharashtra | Page 2 ||| Agrowon

बोंडअळीप्रश्नी शेतकऱ्यांनी घाबरू नये ः तज्ज्ञ

टीम अॅग्रोवन
गुरुवार, 26 जुलै 2018

खेडी खुर्द येथील शिवारातील शेतात आढळलेली गुलाबी बोंड अळीच आहे. अजून अनेक ठिकाणी पतंग आढळले आहेत. परंतु नुकसानीची पातळी किती आहे, हे स्पष्ट व्हायला हवे. शेतकऱ्यांनी घाबरून जाण्याचे कारण नाही.
- डॉ.संजीव पाटील, कापूस पैदासकार, महात्मा फुले कृषी विद्यापीठ (जळगाव केंद्र).

जळगाव ः जिल्ह्यात पूर्वहंगामी कापसाचे पीक ६० दिवसांचे होत आलेले असतानाच काही ठिकाणी गुलाबी बोंड अळीचा प्रादुर्भाव झाला आहे. अळीच्या उत्पत्तीस कारणीभूत पतंग आढळले आहेत. त्यांची संख्या आटोक्‍यात आणता येईल. नुकसानीची टक्केवारी किती आहे हे स्पष्ट झालेले नाही. शेतकऱ्यांनी घाबरण्याचे कारण नाही, असे तज्ज्ञांनी म्हटले आहे. 

जिल्ह्यातील खेडी खुर्द (ता. जि. जळगाव) येथील शेतकरी शशिकांत डिगंबर पाटील यांच्या २४ मे रोजी लागवड केलेल्या कापसाच्या पिकात फिकट गुलाबी, लालसर अळी आढळली आहे. या अळीचे चित्रण व छायाचित्र महात्मा फुले कृषी विद्यापीठाचे कापूस पैदासकार डॉ. संजीव पाटील यांच्याकडे पडताळणीसाठी पाठविले असता त्यांनी ही गुलाबी बोंड अळी असल्याचे स्पष्ट केले आहे.

परंतु प्रादुर्भाव अजूनही मोठा नाही, तर भडगाव (जि.जळगाव) तालुक्‍यात पूर्वहंगामी कापसाच्या शेतात गुलाबी बोंड अळीसंबंधीचे पतंग आढळले. कापसाचे पीक अजून ७० दिवसाचे झालेले नाही. पतंग दरवर्षी जुलैत आढळतात. नुकसानीची पातळी किती आहे हे स्पष्ट नाही. ते पाहण्यासाठी कामगंध सापळे लावले पाहिजेत. शेतकऱ्यांनी घाबरू नये, असेही तज्ज्ञांनी म्हटले आहे.

कृषी विभाग म्हणतो, अमळनेरात अधिक समस्या
कृषी विभागाने जारी केलेल्या माहितीनुसार अमळनेर तालुक्‍यातील सात गावांमध्ये गुलाबी बोंड अळीचा प्रादुर्भाव अधिक आहे. तसेच काही जिनिंग प्रेसिंग कारखान्यांमध्येही ही समस्या असून कामगंध सापळे लावण्याचे आवाहन संबंधित शेतकरी, जिनर्सना केल्याचे सूत्रांनी सांगितले. जळगाव जिल्ह्यात भडगाव, अमळनेर, जळगाव इतर तालुक्‍यांमधील २२ ठिकाणी गुलाबी बोंड अळीचा प्रादुर्भाव झाल्याचा दावाही कृषी विभागाने केला आहे. ती २२ गावे कोणती याचा खुलासा मात्र केलेला नाही.

प्रतिक्रिया
माझ्या शेतात पूर्वहंगामी कापसाच्या पिकात फुलामध्ये फिकट गुलाबी व लालसर अळी लवकर दिसू लागली आहे.
- शशीकांत डिगंबर पाटील, कापूस उत्पादक, खेडी खुर्द, ता.जळगाव


इतर अॅग्रो विशेष
राज्य सरकारचे ‘पुनश्‍च हरीओम्’ :...मुंबई : कोरोनाच्या साथीचा प्रादुर्भाव रोखण्यासाठी...
अंतिम वर्षाची परीक्षा नाही :...मुंबई : सध्याच्या परिस्थितीत विद्यापीठाच्या...
पीकविम्याचे कामकाज या महिन्यातपुणे: राज्यातील शेतकऱ्यांना प्रधानमंत्री पीकविमा...
टोळधाडबाधितांना मदत देणार : पंतप्रधान...नवी दिल्ली : देशातील अनेक भागांत टोळधाडीचे संकट...
मॉन्सून आज केरळात येण्याचे संकेतपुणे  : अरबी समुद्रात लक्षद्वीप बेटांलगत...
कोकणात मुसळधार पावसाचा इशारापुणे  : अरबी समुद्रातील कमी दाब क्षेत्रामुळे...
आठवडाभरापासून टोळधाड विदर्भातचनागपूर   ः गेल्या आठवडाभरापासून...
परभणीतील खरेदी केंद्रावर कापूस विक्रीत...परभणी  ः राज्य सहकारी कापूस उत्पादक पणन...
चाकणच्या जनावरे बाजारात एक कोटींची...पुणे  ः गेल्या सव्वा दोन महिन्यांपासून ‘...
भाजीपाला लागवडीतून उघडला प्रगतीचा मार्गसोयाबीन, भात अशा पारंपरिक कोरडवाहू पिकांवर भिस्त...
सक्रिय रुग्णांची संख्या घटली; एका...नवी दिल्ली : कोरोना महामारीविरूद्धच्या...
विदर्भात टोळधाडीची अस्तित्व कायमनागपूर : कृषी विभागाकडून टोळधाड नियंत्रणासाठी...
राज्यातील भाजीपाला लागवड खोळंबली कोल्हापूर: सध्याच्या स्थितीत भाजीपाल्याचे...
राज्यात देशी कोंबडी पिलांना मागणी वाढली नगर ः काही महिन्यांपूर्वी कोरोना आणि चिकनबाबत...
शेतकऱ्यांची खत विक्री दरात फसवणूक करू...बुलडाणा ः या खरीप हंगामात शेतकऱ्यांना रास्त...
राज्यात बेदाण्याचे सव्वा दोन लाख टन...सांगली : यंदा द्राक्ष उत्पादक शेतकऱ्यांवर ‘कोरोना...
मॉन्सूनची आणखी प्रगती शक्यपुणे  : नैर्ऋत्य मोसमी वारे (मॉन्सून) मजल...
राज्यात ५८२० पाणी वापर सोसायट्या स्थापन...पुणे  : राज्यातील विविध धरणांच्या क्षेत्रात...
राज्यात आजपासून वादळी पावसाची शक्यतापुणे  : राज्यात पूर्वमोसमी पावसाला पोषक...
टोळधाडीचा राजस्थानमधील ९० हजार हेक्टरला...जयपूर, राजस्थान  ः राज्यातील २० जिल्ह्यांतील...