Agriculture news in Marathi Export of 18,000 tons of grapes from Saganli district | Agrowon

सागंली जिल्ह्यातून १८ हजार टन द्राक्षाची निर्यात

टीम अॅग्रोवन
शनिवार, 23 मे 2020

सागंली : निर्यातक्षम द्राक्षाचा हंगाम मध्यावर असतानाच जगावर कोरोना विषाणूचा प्रादुर्भाव आला. त्यामुळे जगाची नाकेबंदी केली. त्याचा फटका निर्यातक्षम द्राक्षालाही बसला. जिल्ह्यातील निर्यातक्षम द्राक्षाचा हंगाम संपला असून यंदाच्या हंगामातील द्राक्षे १ हजार ३३८ कंटेनर म्हणजे १८ हजार २५३ टन जगात विक्री झाली. कोरोनाच्या काळात सुमारे ४० टक्के द्राक्ष परदेशात पोहोचली. यंदा संकटाची मालिका असून देखील गतवर्षीपेक्षा ३ हजार २८४ टन द्राक्षे युरोपसह इतर देशात ग्राहकांना चव चाखण्यास मिळाली.

सागंली : निर्यातक्षम द्राक्षाचा हंगाम मध्यावर असतानाच जगावर कोरोना विषाणूचा प्रादुर्भाव आला. त्यामुळे जगाची नाकेबंदी केली. त्याचा फटका निर्यातक्षम द्राक्षालाही बसला. जिल्ह्यातील निर्यातक्षम द्राक्षाचा हंगाम संपला असून यंदाच्या हंगामातील द्राक्षे १ हजार ३३८ कंटेनर म्हणजे १८ हजार २५३ टन जगात विक्री झाली. कोरोनाच्या काळात सुमारे ४० टक्के द्राक्ष परदेशात पोहोचली. यंदा संकटाची मालिका असून देखील गतवर्षीपेक्षा ३ हजार २८४ टन द्राक्षे युरोपसह इतर देशात ग्राहकांना चव चाखण्यास मिळाली.

द्राक्ष हंगामाच्या सुरुवातीपासूनच संकटाची मालिका सुरू होती. त्यामुळे द्राक्षे बाजारपेठेत उशिरा आली. मुळात सांगली जिल्ह्यातील मिरज, तासगाव, पलूस, खानापूर, कवठेमहांकाळ तालुक्यातून परदेशात द्राक्षाची निर्यात होते. जिल्ह्यातून जानेवारीच्या दुसऱ्या आठवड्यापासून द्राक्षाची निर्यात सुरू झाली असून २१ मार्चपर्यंत परदेशात द्राक्ष जात होती. दरम्यानच्या काळात कोरोना विषाणूमुळे देशात लॉकडाऊन करण्यात आला.

त्याचबरोबर निर्यातही बंद करण्यात आली. त्यामुळे चार ते पाच दिवस निर्यात बंद होती. त्यानंतर केंद्र सरकारने द्राक्ष निर्यातीसाठी परवानगी दिल्याने पुन्हा द्राक्षाची निर्यात सुरू झाली. परंतु गतवर्षी ११३१ कंटेनर युरोप आणि इतर परदेशात द्राक्षाची निर्यात झाली होती. नैसर्गिक आपत्तीमुळे द्राक्षाची निर्यात कमी होईल असा अंदाज शेतकऱ्यांनी व्यक्त केला होता. मात्र, संकटावर मात करून गतवर्षीपेक्षा या हंगामात २०७ कंटेनर म्हणजे ३ हजार २८४ टनाने अधिक निर्यात झाली आहे.

पन्नास टक्क्यांनी दर कमी
कोरोना विषाणूचा प्रादुर्भाव होण्यापूर्वी निर्यातक्षम द्राक्षाचे दर प्रति किलोस ९० ते ११० रुपये असा मिळत होता. त्यानंतर ४० ते ५० रुपये असा दर झाला. म्हणजे ५० ते ६० रुपये प्रति किलोने दर कमी झाला. त्यामुळे निर्यातक्षम द्राक्ष उत्पादक शेतकऱ्यांना मोठा आर्थिक तोटा सहन करावा लागणार आहे.

जिल्ह्यात २१३५ शेतकऱ्यांनी द्राक्ष निर्यातीसाठी नोंदणी केली होती. लॉकडाऊनच्या काळात द्राक्षे परदेशात अडचणी निर्माण झाल्या होत्या. परंतु यातून मार्ग मिळाल्याने निर्यात करण्यात यश आले आहे. गतवर्षीपेक्षा चालू वर्षात द्राक्षाची निर्यातीचा आकडा चांगला आहे.
- डी. एस. शिलेदार,
कृषी अधिकारी, (निर्यात) सांगली

सांगलीतून वर्षनिहाय निर्यात झालेली द्राक्षे
वर्ष...कंटेनर...टन
२०१६-१७...७३६...८८८७
२०१७-१८...९१३...१०६००
२०१८-१९...११३१...१४९६९
२०१९-२०...१३३८...१८२५३

 


इतर अॅग्रो विशेष
विक्री साखळी सक्षमीकरणाची सुवर्णसंधी शेतमालाचे उत्पादन घेणे हे काम फारच खर्चिक आणि...
कृषी व्यवसायासाठी 'स्मार्ट' संजीवनी  या पुढे वैयक्तिक शेती उत्पादने ही कालबाह्य...
गुणपत्रिकेवर कोविड १९ उल्लेख ...मुंबई: कृषी विद्यापीठातील विद्यार्थ्यांच्या...
सोयाबीन बियाणे नापासचे प्रमाण ६५ टक्केपरभणी: परभणी येथील कृषी विभागाच्या बीज...
‘पणन’च्या सुविधा केंद्रातून ६४८ टन...नाशिक: महाराष्ट्र राज्य कृषी पणन मंडळाच्या भेंडी...
कृषी खाते म्हणते, पुरेशी खते उपलब्धपुणे: राज्यात खताची टंचाई नाही. मात्र, यंदा...
देशातून आत्तापर्यंत साखरेची ४८ लाख टन...कोल्हापूर: देशातून आत्तापर्यंत ४८ लाख ६९ हजार टन...
खत ‘आणीबाणी’ने शेतकरी त्रस्तपुणेः खरिपाची पेरणी झाल्यानंतर पिके बहारात असून...
खरेदी बंद; शेतकऱ्यांचा मका घरातच औरंगाबाद : आधारभूत किमतीने सुरु असलेली मका खरेदी...
धीरज कुमार यांनी कृषी आयुक्तपदाची...पुणे: राज्याच्या कृषी आयुक्तपदी धीरज कुमार यांची...
देशात खरिपाची पेरणी ५८० लाख हेक्टरवरपुणेः देशात आत्तापर्यंत खरिपाची ५८० लाख हेक्टरवर...
खरीप पिकांतील तण नियंत्रण व्यवस्थापनजगात सर्वांत जास्त वापर तणनाशकांचा (४३.६ टक्के)...
राज्याच्या कृषी आयुक्तपदी धीरज कुमार;...पुणे : राज्याच्या कृषी आयुक्तपदी धीरज कुमार यांची...
एचटीबीटी कपाशीची शेतकऱ्यांकडून पाहणीअकोला ः शेतकऱ्यांना तंत्रज्ञान स्वातंत्र्य मिळावे...
दुर्मीळ निलमणी आमरीचे सातपुड्यात...जळगाव ः जिल्ह्यातील सातपुडा पर्वतरांगा या अनेक...
दूध पावडरला प्रतिकिलो ५० रुपये अनुदान...इस्लामपूर, जि. सांगली ः कोरोना सारख्या साथीत...
अकोला जिल्ह्यात सोयाबीन उगवणशक्तीबाबत...अकोला ः  सोयाबीन पिकाची पेरणी जुलैच्या...
अन्नधान्य पिकांच्या योजनांसाठी २७ कोटीपुणे: राज्यातील अन्नधान्य पिकांच्या योजनांसाठी...
ग्लायफोसेट वापराच्या मसुद्याविरुद्ध दाद...पुणे: केंद्र सरकारने ग्लायफोसेट तणनाशकाच्या...
सोयाबीन बियाणे कंपन्यांवर राज्यात ४६...औरंगाबाद ः सोयाबीनच्या बोगस बियाण्यामुळे पिकाची...