Agriculture news in marathi Exports of processed foods increased significantly | Page 2 ||| Agrowon

प्रक्रियायुक्‍त खाद्यपदार्थांच्या निर्यातीत झाली मोठी वाढ

टीम अॅग्रोवन
सोमवार, 26 एप्रिल 2021

देशातून प्रक्रिया केलेल्या खाद्यपदार्थांच्या निर्यातीत मोठी वाढ झाली आहे. एप्रिल २०१९-फेब्रुवारी २०२० या काळाच्या तुलनेत एप्रिल २०२०-फेब्रुवारी २०२१ या काळात प्रक्रिया केलेल्या खाद्यपदार्थांच्या निर्यातीत २६.५१ टक्क्यांनी वाढ झाली आहे

नवी दिल्ली : कोरोनाकाळात सर्वच क्षेत्रांना मोठ्या अडचणींचा सामना करावा लागत आहे. अशा अडचणींच्या काळात एक दिलासादायक वृत्त समोर आले आहे. देशातून प्रक्रिया केलेल्या खाद्यपदार्थांच्या निर्यातीत मोठी वाढ झाली आहे. एप्रिल २०१९-फेब्रुवारी २०२० या काळाच्या तुलनेत एप्रिल २०२०-फेब्रुवारी २०२१ या काळात प्रक्रिया केलेल्या खाद्यपदार्थांच्या निर्यातीत २६.५१ टक्क्यांनी वाढ झाली आहे, अशी माहिती केंद्र सरकारच्या वतीने शुक्रवारी (ता. २३)  देण्यात आली.
केंद्र सरकारने दिलेल्या माहितीनुसार, एप्रिल २०२० ते फेब्रुवारी २०२१ या काळात एकूण ४३,७९८ कोटी रुपयांची निर्यात झाली आहे.

या घटकांची निर्यात वाढली
डाळी, प्रक्रिया केलेल्या पालेभाज्या, फळे, ज्यूस, भुईमूग, गवार गम, तृणधान्याचे पदार्थ, अल्कोहोलजन्य पदार्थ, तेलजन्य पदार्थ आदींची निर्यात वाढली आहे. प्रक्रिया केलेल्या पदार्थांच्या निर्यातीत झोलेली वाढ मागील आर्थिक वर्षाच्या (२०१९-२०) तुलनेत ४० टक्क्यांनी अधिक आहे. भारतीय खाद्यपदार्थ, विविध प्रकारचे सॉस,  विविध प्रकारचे पीठ आणि डाळीच्या निर्यातीत मागील आर्थिक वर्षांच्या तुलनेत ३६ टक्क्यांनी वाढ झाली आहे. मागील आर्थिक वर्षांत हीच निर्यात ३३ टक्के इतके होती. 

तृणधान्य आधारित पदार्थांची १८ टक्के वाढ झाली आहे. 
प्रक्रिया केलेली फळे आणि ज्यूसच्या निर्यातीत १२ टक्क्यांनी तर शेंगदाण्याच्या निर्यातीत ७ टक्क्यांनी वाढ झाली आहे. तेलजन्य पदार्थांच्या निर्यातीत मागील आर्थिक वर्षाच्या तुलनेत तब्बल ९६ टक्क्यांनी वाढ झाली आहे. कोरोना साथीच्या पार्श्‍वभूमीवर देशातून निर्यात होणाऱ्या प्रक्रिया केलेल्या खाद्यपदार्थांच्या निर्यातीत एकूण २६.५१ टक्क्यांनी वाढ झाली आहे. हाच वाढीचा कल आगामी आर्थिक वर्षांतही कायम ठेवण्याचा संकल्प अपेडाने केला आहे.

या देशांत झाली निर्यात
देशातून प्रक्रिया केलेल्या खाद्यपदार्थांची निर्यात प्रामुख्याने अमेरिका, ब्रिटनसह अरबी देश आणि पूर्वेकडील देशांना झाली आहे. केंद्र सरकारच्या वतीने या निर्यात वाढ होण्यासाठी विविध उपाययोजना करण्यात आल्या. देशातील निर्यातदार आणि विविध देशांतील आयातदारांची ऑनलाइन बैठका, वेबिनार, खाद्यपदार्थांची जाहिरात, निर्यात प्रमाणपत्र, सामंजस्य करार आदी मार्गाने निर्यात वृद्धी करण्यात आली, अशी माहिती अपेडाकडून देण्यात आली आहे.


इतर अॅग्रोमनी
वाढत्या मागणीने हरभरा दरात सुधारणापुणे : साठेबाज, व्यापारी आणि मिलर्सवर असलेली...
तूर, मूग, उडीद आयातीची प्रक्रिया सुरू;...पुणे : केंद्र सरकारने पंचवार्षिक करार करून...
रब्बीचे हमीभाव जाहीर : गव्हात ४०; हरभरा...नवी दिल्ली : केंद्र सरकारने रबी हंगामासाठी...
उडीद दरात सुधारणेची चिन्हेपुणे ः गेल्या हंगामात देशात उडदाचे उत्पादन कमी...
बेदाणा दरात प्रतिकिलो २५ ते ३० रुपयांची...सांगली : अफगाणिस्तानात तालिबानी राजवट आल्यामुळे...
जालन्यात रेशीम कोषाला उच्चांकी ५१...जालना : जालना कृषी उत्पन्न बाजार समिती अंतर्गत...
साखरेच्या किमान विक्री दरात वाढ करावी...नागपूर : एफआरपीत वाढ झाली असतानाच साखरेच्या...
सोयाबीन दराची पुन्हा दहा हजारी; दर...पुणे ः गेल्या सप्ताहात सोयाबीन दरात मोठी सुधारणा...
कडधान्याचे गणित पावसावरच अवलंबूनमुंबई : देशात यंदा मॅान्सूनची सुरुवात चांगली झाली...
साखरदराचा वारू चौखूर उधळला; ३५०० चा...कोल्हापूर : गेल्या पंधरा दिवसांपासून स्थानिक...
पंढरपुरात बेदाण्यास सर्वाधिक ३०५ रुपये...सोलापूर : पंढरपूर कृषी उत्पन्न बाजार समितीमध्ये...
सोयापेंड आयात थांबवा : राज्य सरकारचे...पुणे : जनुकीय परावर्तित (जीएम) सोयाबीनपेंडच्या...
साखर दराला झळाळी; दोन वर्षांतील...कोल्हापूर : साखरेच्या आंतरराष्ट्रीय बाजारात...
ब्राझीलला दणका; भारतीय साखर उद्योगास...जगात घडणाऱ्या प्रत्येक छोट्या-मोठ्या घटनांमुळे...
ग्लोबल एक्सलन्स ॲवॉर्डने अनिल जैन यांचा...जळगाव : पाणी क्षेत्रातील उत्तम कामगिरीबद्दल ‘...
साखरच्या दरात २०० रुपयांनी वाढकोल्हापूर : आंतरराष्ट्रीय बाजारात साखरेचे दर वाढत...
कच्ची साखरनिर्यात यंदा फायदेशीर कोल्हापूर ः येत्या साखर हंगामात आंतरराष्ट्रीय...
उत्पादक कंपनीच्या संचालक मंडळाचे कार्यप्रत्येक ‘एफपीओ’चे संचालक मंडळ पाचपेक्षा कमी...
राज्यात हंगामावर यंदा जादा साखरेचे ओझेकोल्हापूर : यंदाच्या हंगामापूर्वी देशात गेल्या...
भारतीय साखरेला थायलंडचे आव्हानकोल्हापूर : येत्या हंगामात साखरनिर्यातीसाठी...