Agriculture news in marathi Fadnavis should come forward to join hands with the Center for the people: Patole | Page 2 ||| Agrowon

तहान लागल्यावर विहिरीचे नाटक ः दरेकर 

टीम अॅग्रोवन
शुक्रवार, 23 एप्रिल 2021

केंद्र सरकारने पहिल्या दिवसापासून महाराष्ट्राला झुकते माप दिले असतानाही तहान लागल्यावर विहीर खणून उलट केंद्रावर खापर फोडण्याचा एककलमी कार्यक्रम राज्य सरकारकडून सुरू असल्याची टीका विधान परिषदेतील विरोधी पक्षनेते प्रवीण दरेकर यांनी केली आहे. 

मुंबई : कोरोनाशी लढा देण्यासाठी केंद्र सरकारने पहिल्या दिवसापासून महाराष्ट्राला झुकते माप दिले असतानाही तहान लागल्यावर विहीर खणून उलट केंद्रावर खापर फोडण्याचा एककलमी कार्यक्रम राज्य सरकारकडून सुरू असल्याची जोरदार टीका विधान परिषदेतील विरोधी पक्षनेते प्रवीण दरेकर यांनी केली आहे. 

आपले अपयश सांगता येत नाही म्हणून केंद्राकडे बोट दाखवण्याचा केविलवाणा प्रयत्न राज्य सरकारकडून वारंवार केला जातो आहे. फक्त केंद्रावर टीका करण्यापेक्षा राज्य सरकारने करोना काळात आरोग्य सुविधा वाढविण्यासाठी नेमके काय केले, याची आकडेवारी सर्वांसमोर आणावी, असा टोलाही दरेकर यांनी लगावला आहे. 

राज्यात ऑक्सिजनचा तुटवडा निर्माण झाल्याच्या पार्श्‍वभूमीवर ‘आम्ही केंद्राच्या पाया पडायला तयार आहोत, पण केंद्राने राज्याला अधिक ऑक्सिजनचा पुरवठा करण्यासाठी मदत करावी’, अशी उपरोधिक विनंती राज्याचे आरोग्यमंत्री राजेश टोपे यांनी केंद्र सरकारला केली आहे. टोपे यांच्या या वक्तव्यावर दरेकर यांनी वरीलप्रमाणे मतप्रदर्शन केले. 

केंद्र सरकारविरोधात खडे फोडल्याशिवाय राज्यातल्या मंत्र्यांचा एकही दिवस जात नाही. केंद्रानं दीड हजार मेट्रिक टन ऑक्सिजन देण्याची तयारी लगेच दाखवली होती. पण हा ऑक्सिजन आणण्यासाठी राज्य सरकार विशेष विमाने किंवा ३२ टँकरही उपलब्ध करून देऊ शकले नाही. ही जबाबदारीदेखील सरकार पार पाडू शकले नाही, अशी टीका दरेकर यांनी केली. 

महाविकास आघाडी सरकारमध्ये समन्वयाचा पूर्ण अभाव आहे. राजेश टोपे ३६ हजार इंजेक्शनची आवश्यकता असल्याचे सांगतात तर नवाब मलिक, जितेंद्र आव्हाड पन्नास हजारांचा आकडा ठोकतात आणि संजय राऊत ८० हजार इंजेक्शनची गरज असल्याचे फुशारकीने सांगतात. आज राज्यात ऑक्सिजनचा तुटवडा आहे, रेमडेसिव्गिर इंजेक्शन मिळत नाही आणि आयसीयू बेड्‍स, व्हेंटिलेटर उपलब्ध होत नाहीत. या प्रश्‍नांची सोडवणूक करण्यासाठी सरकारने काय नियोजन केले, याचे उत्तर देण्याऐवजी राज्यातील मंत्री केंद्रावर जबाबदारी ढकलत आहेत, अशी टीका दरेकर यांनी केली. 

ऑक्सिजन तुटवडा एका दिवसात निर्माण झाला नाही. रुग्ण वाढत असताना तुटवडा निर्माण होऊ शकतो, हे वेळीच ओळखून जर सरकारने नियोजन केले असते, तर आज ही परिस्थिती निर्माण झाली नसती. पण प्रत्येक बाबतीत तहान लागली की विहीर खोदण्याचे नाटक करायचे आणि केंद्र सरकारवर खापर फोडायचे, असा पोरखेळ महाविकास आघाडी सरकारकडून सुरू आहे. तो थांबला पाहिजे, असेही दरेकर म्हणाले. 


इतर ताज्या घडामोडी
मॅग्नेट ः फलोत्पादन पिकांसाठी एकात्मिक...राज्यातील कृषी हवामान विभागनिहाय फळे, भाजीपाला व...
शेतीवरील आर्थिक ताण कमी करण्यासाठी...हरितक्रांतीनंतर काही दशकांमध्ये विपरीत परिणाम...
पुण्यात बहुतांश भाजीपाल्यांचे दर स्थिरपुणे ः पुणे कृषी उत्पन्न बाजार समितीमध्ये सोमवारी...
कृषी सल्ला ( राहुरी विभाग)हवामान सारांश ः पुढील पाच दिवस आकाश अंशतः ढगाळ...
अलमट्टीवर आधुनिक रियल टाइम डाटा यंत्रणा...कोल्हापूर : पूरपरस्थितीचा सामना करण्यासाठी...
अकलूज नगरपालिकेच्या मागणीसाठी माळशिरसला...सोलापूर : अकलूज येथे नगरपालिका व नातेपुते येथे...
ऊर्ध्व वर्धा प्रकल्पातून तिवसा शहराला...अमरावती : ऊर्ध्व वर्धा प्रकल्पातून तिवसा शहरासाठी...
नांदेडमध्ये पीककर्ज वाटप संथ; ... नांदेड : जिल्ह्यात खरीप हंगामासाठी ११६८ कोटी...
टोमॅटोचे दर उतरले; शेतकरी संतप्तनारायणगाव, जि. पुणे :  जुन्नर कृषी उत्पन्न...
आठवड्यात मध्यम ते हलक्‍या पावसाची शक्‍...या आठवड्यात पावसाचे प्रमाण कमी आणि पावसातील...
‘एक गाव, एक वाण’साठी कारंजातील नऊ...वाशीम : राज्य शासनाच्या बाळासाहेब ठाकरे कृषी...
‘ताकारी’च्या लाभक्षेत्राची ड्रोनद्वारे...सांगली : ताकारी उपसा सिंचन योजनेच्या क्षेत्रातील...
खानदेशात पेरण्या रखडत; कमी पावसामुळे...जळगाव : खानदेशात खरिपातील पिकांच्या पेरणीला रखडत...
निम्न दुधना प्रकल्पात वाढली पाण्याची आवकपरतूर, जि. जालना : यंदा पावसाळा सुरू होताच पाऊस...
ब्रह्मगिरी पर्वतावर अवैध उत्खनन;...नाशिक : लाखो भाविकांचे श्रद्धास्थान असलेल्या...
अमरावती विभागात कर्जवाटपात...यवतमाळ : पीककर्ज वाटपासाठी शासनाने बँकांना...
आदिवासींच्या जमिनींचा शोध घेण्यासाठी ‘...बुलडाणा : संग्रामपूर तालुक्यातील चिचारी येथील...
यवतमाळमध्ये ६५ लाखांचे बोगस बीटी...यवतमाळ : जिल्ह्यात खरिपाची लगबग सुरू आहे. याचा...
काळ्याफिती लावून किसानपुत्रांचे आंदोलनआंबेजोगाई, जि. बीड : किसानपुत्र आंदोलनाच्या...
हमीभावाने एक हजार क्विंटल मका खरेदीऔरंगाबाद : आधारभूत किमतीने शेतीमाल खरेदी...