लष्करी अळीमुळे अन्नसुरक्षेला धोका

आशियातील मका आणि भात पिकांवर लष्करी अळीचा विनाशकारी प्रादुर्भाव होण्याची शक्यता आहे. किडीमुळे ही पीके धोक्यात येऊ शकतात. त्यामुळे मका आणि भात पिकांचे उत्पादन घेऊन त्यावर उदरनिर्वाह करणाऱ्या अल्पभूधारक शेतकऱ्यांवर मोठ्या प्रमाणात परिणाम हीईल. - कुन्धवी काडीरेसन, सहायक महासंचालक, आशिया, ‘एफएओ’
लष्करी अळी
लष्करी अळी

युरोपीयन संघ ः आफ्रिका खंडात कहर केल्यानंतर लष्करी अळीचा प्रादुर्भाव आशिया खंडात मोठ्या प्रणात वाढत आहे. या आक्रमक किडीचा अन्नधान्य पिकांसह ८० प्रकारच्या वनस्पतींच्या प्रजातींवर जास्त प्रादुर्भाव झाला आहे. यामुळे आशिया खंडातील लाखो अल्पभूधारक शेतकऱ्यांची अन्नसुरक्षा आणि जीवनमान धोक्यात आले आहे, असा इशारा अन्न व कृषी संघटनाने (एफएओ) दिला आहे.   आफ्रिका खंडात लष्करी अळीने कहर केला होता. त्यानंतर आशिया खंडात ही अळी प्रथम भारतात अाढळली. तिचा प्रादुर्भाव दिवसेंदिवस वाढतच आहे. या अळीचा प्रादुर्भाव मोठ्या प्रमाणात वाढण्याची शक्यता असून, अाग्नेय आशिया आणि दक्षिण चीन या भागात जास्त धोका निर्माण झाला आहे, असे ‘एफएओ’ने म्हटले आहे. ‘एफएओ’च्या आशिया भागाच्या सहायक महासंचालक कुन्धवी काडीरेसन म्हणाल्या, की आशियात मका आणि भात पिकावर लष्करी अळीचा प्रादुर्भाव वाढण्याची शक्यता आहे. त्याचा परिणाम या उत्पादनावर अवलंबून असलेल्या अल्पभूधारक शेतकऱ्यांवर होणार आहे. ही कीड जगाच्या पूर्व भागातून हळूहळू पुढे सरकत आहे. आपल्याला त्याकडे दुर्लक्ष करून चालणार नाही. आशिया खंडात ८० टक्के अल्पभूधारक शेतकरी शेती करतात. त्यांच्याकडे जमिनीचा आकार लहान आहे. हे शेतकरी स्वतःचा उदरनिर्वाह करण्यासाठी जवळपास २० हजार हेक्टरवर भात आणि मक्याचे पीक घेतात. चीन हा जगातील मका उत्पादकात दोन नंबरचा देश आहे. आशिया पॅसिफिक देशांमध्ये जागातील ९० टक्के भाताचे उत्पादन आणि उपभोग घेतला जातो. ‘एफएओ’ने आफ्रिकेत ज्या भागात लष्करी अळीमुळे नुकसान झालेल्या शेतकऱ्यांना मदत आणि कीड नियंत्रणासाठी मदत केली आहे. मका, भात, भाजीपाला, भुईमूग आणि कापूस यासह अनेक पिकांना फस्त करणाऱ्या कीड विरोधात लढा देण्यासाठी ‘एफएओ’ने ३० प्रकल्पांना मदत केली आहे.   वेगाने प्रसार एका रात्रीत १०० किलोमीटरपर्यंत उडणारे लष्करी अळीचे पतंग वर्षभरात सर्व पीक फस्त करू शकतात. लष्करी अळी सर्वप्रथम जानेवारी २०१६ मध्ये नायजेरिया देशात आढळली. त्यानंतर दोन वर्षांच्या काळातच १० पूर्व देश वगळता अर्ध सहारा आफ्रिकेमध्ये लष्करी अळीचा प्रसार झाला. प्रादुर्भाव झालेल्या भागात ‘एफएओ’ कीडनियंत्रण आणि शेतकऱ्यांची नुकसान भरपाईसाठी मदत दिली आहे. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com