कुर्जा खरेदी केंद्रावर धान मोजणीविना पडून 

पवनी तालुक्यातील कुर्जा येथे अनेक शेतकऱ्यांचे धान मोजणीअभावी पडून आहे. परिणामी, या शेतकऱ्यांना मानसिक व शारीरिक त्रास सहन करावा लागत आहे. या संदर्भात जिल्हाधिकाऱ्‍यांना निवेदन देत संबंधित प्रकरणी कारवाई करून न्याय द्यावा, अशी मागणी शेतकऱ्‍यांनी केली आहे.
Falling at the shopping center without counting the grains
Falling at the shopping center without counting the grains

भंडारा : पवनी तालुक्यातील कुर्जा येथे अनेक शेतकऱ्यांचे धान मोजणीअभावी पडून आहे. परिणामी, या शेतकऱ्यांना मानसिक व शारीरिक त्रास सहन करावा लागत आहे. या संदर्भात जिल्हाधिकाऱ्‍यांना निवेदन देत संबंधित प्रकरणी कारवाई करून न्याय द्यावा, अशी मागणी शेतकऱ्‍यांनी केली आहे. 

निवेदनानुसार, २०२० अंतर्गत शासनाने हमीभावाने धान खरेदी सुरू केली होती. या केंद्रावर शेतकऱ्यांनी धान विक्रीसाठी आणले. ऑक्टोबर व नोव्हेंबर महिन्यांत आधारभूत धान खरेदी केंद्र येथे देण्यात आले होते. पण पाच महिन्यांचा कालावधी लोटूनही शेतकऱ्यांचे धान मोजण्यात आले नाही. त्यामुळेच या आधारभूत धान खरेदी केंद्रावर गैरव्यवहार होत असल्याचा आरोपही शेतकरी करत आहेत. 

जिल्हा पणन अधिकारी यांनी आधारभूत धान खरेदी केंद्रामधून कुर्जा व वासेळा या गावांना जोडून खरेदी थांबविली, तसेच अधिकाऱ्यांनी धान खरेदी केंद्र तीन मार्चपासून मेंढा पुनर्वसन येथे सुरू केले. सदर केंद्र सुरळीत चालले नाही. सद्यःस्थितीत पूर्णपणे धान खरेदी बंद आहे. एकंदरीत परिस्थिती लक्षात घेता जिल्हाधिकाऱ्यांनी या प्रकरणी जातीने लक्ष घालून शेतकऱ्यांचे धान मोजून द्यावे व संबंधितांची उच्चस्तरीय चौकशी करावी, अशी मागणी शेतकऱ्‍यांनी केली आहे. 

निवेदनावर रामू रामटेके, राहुल सोनटक्के, एकनाथ मुंडे, गुंडेराव कावळे, राजकुमार बारेकर, विजय गजभिये, सिद्धार्थ रामटेके, रतिराम दंडारे, केशव चित्रित, कवळू रघुदे, मुरलीधर रघुदे, मधुकर रघुदे, सुखदेव पुंडे, पिंटू पुंडे, दामोदर कावळे, दौलत खडसंगी, परसराम डुकरे, राजकुमार येटरे यांच्या स्वाक्षऱ्‍या आहेत. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com