agriculture news in Marathi farm equipment make available Maharashtra | Agrowon

रत्नागिरी : शेती साहित्य, अवजारे उपलब्ध करून द्या

टीम अॅग्रोवन
रविवार, 24 मे 2020

कोरोनाबाधित क्षेत्र वगळून जिल्ह्यातील अन्य सर्व भागातील शेतकऱ्यांना आवश्यक शेतीची साहित्य आणि अवजारे उपलब्ध करून द्या.

रत्नागिरी ः कोरोनाबाधित क्षेत्र वगळून जिल्ह्यातील अन्य सर्व भागातील शेतकऱ्यांना आवश्यक शेतीची साहित्य आणि अवजारे उपलब्ध करून द्या, अशा सूचना जिल्हा परिषद उपाध्यक्ष महेश नाटेकर यांनी कृषी समितीच्या बैठकीत अधिकाऱ्यांना दिल्या आहेत. 

कृषी समितीची बैठक नुकतीच जिल्हा परिषदेत झाली. या वेळी मागील वर्षात झालेल्या खर्चांचा आढावा घेण्यात आला. मार्च २०२० अखेरपर्यंत ९८ टक्के निधी खर्ची पडल्याचे कृषी अधिकाऱ्यांनी या वेळी सांगितले. कोरोनामुळे केलेल्या टाळेबंदीच्या वातावरणातही कृषी अधिकाऱ्यांनी तळागाळातील लोकांच्या संपर्कात राहून जिल्हा परिषदेतर्फे आवश्यक अनुदानावरील साहित्य पोच केले; मात्र रेड झोनमधील शेतकऱ्यांना त्याचा लाभ घेता आलेला नव्हता.

कृषी विभागाला २०१९-२० या आर्थिक वर्षासाठी ५५ लाखाचा निधी मंजूर होता. त्यातून ताडपत्री, आंब्याचे ट्रे, फवारणी पंप यासह शेतीविषयक साहित्य अनुदानावर शेतकऱ्यांसाठी देण्यात येणार होते. त्यासाठीच्या याद्या मंजूर करून ठेवण्यात आल्या होत्या. वस्तू खरेदी केल्या गेल्या. मात्र आयत्यावेळी कोरोनाने पाय पसरल्यामुळे वाटप करण्यात अडचणी निर्माण झाल्या होत्या. त्यावरही कृषी विभागाच्या अधिकाऱ्यांनी मात करत काम केले. या बद्दल नाटेकर यांनी प्रशासनाचे कौतुक केले. 

या बैठकीमध्ये येऊ घातलेल्या खरीप हंगामाचे नियोजन करण्यात आले. पुढील वर्षात शेतकऱ्यांना आवश्यक शेतीची अवजारे तत्काळ उपलब्ध करून द्या, अशा सूचना नाटेकर यांनी केल्या आहेत. ज्या शेतकऱ्यांचे अर्ज आले आहेत, त्याची छाननी करा आणि साहित्य मंजूर करा तसेच अन्य शेतकऱ्यांचे अर्ज मागवून ते पुढील प्रक्रियेसाठी पाठवून द्या. ज्या भागात कोरोनाचा प्रादुर्भाव नसेल तिथे वस्तूंचे वाटप सुरू करा. यंदा आर्थिक वर्षासाठी ५० लाख रुपये उपलब्ध आहेत. 

गतवर्षीच्या तुलनेत पाच लाखाचा कमी निधी मिळाला आहे. तसे नियोजन करावे लागणार आहे. जिल्ह्यासाठी २० हजार टन खताची मागणी करण्यात आली आहे. त्यातील दोन हजार टन खत उपलब्ध आहे. तसेच सुमारे तीन हजार टन बियाणेही विक्रीसाठी उपलब्ध आहे. आवश्यक खतसाठा येत्या दोन दिवसात मिळेल, असा विश्‍वास या बैठकीत कृषी विकास अधिकारी अजय शेंडे यांनी व्यक्त केला. 


इतर ताज्या घडामोडी
शैक्षणिक वर्ष जूनपासूनच : मुख्यमंत्री...मुंबई : ‘‘शिक्षण हे जीवनावश्यक आहे ते...
राज्यात नवे २४८७ रुग्ण; सध्या ३४,४८०...मुंबई : राज्यात आज दिवसभरात २४८७ नवीन रुग्णांचे...
परवानगी नसलेल्या एचटीबीटी बियाण्यांचा...अमरावती ः घरपोच बियाणे वाटपाच्या माध्यमातून...
लोकांना पूर धोक्‍याची जाणीव करुन द्या ः...भंडारा ः वैनगंगा नदी तसेच इतर नदीकाठावरील खोलगट...
गोंधळी शिवारात ६२ हजारांचा एचटीबीटी...यवतमाळ ः कृषी विभागाच्या पथकाने अमरावती, यवतमाळ...
प्रतिबंधित क्षेत्राबाहेरील यंत्रमाग...मालेगाव, जि. नाशिक : ‘‘लॉकडाऊनमुळे यंत्रमागाची...
टोळधाड प्रादुर्भावग्रस्त क्षेत्राला...भंडारा ः भंडारा जिल्ह्यातील टोळधाड...
शेतकऱ्यांनी डिजिटल व्यासपीठाचा वापर...पुणे ः कोरोनामुळे शेतीक्षेत्राचे चित्र बदलणार आहे...
नांदेड जिल्ह्यात पाच हजारावर...नांदेड : किमान आधारभूत किंमत खरेदी योजनेअंतर्गंत...
विदर्भ राज्य आंदोलन समितीचे ७ जूनला...अकोला ः कोरोनामुळे उद्योगधंदे, व्यापार, शेती,...
‘कुकडी’चे उन्हाळी आवर्तन सहा जूनला...नगर : ‘कुकडी’च्या उन्हाळी आवर्तनासाठी पुणे येथे...
नगर अर्बन बॅंकेला चाळीस लाखांचा दंडनगर : नगर अर्बन को-ऑपरेटिव्ह बॅंकेला रिझर्व्ह...
नांदेडमधील कापूस संशोधन केंद्रात...नांदेड : वसंतराव नाईक मराठवाडा कृषी...
‘सोयाबीन लागवड तंत्रज्ञान व प्रक्रिये’...परभणी : वसंतराव नाईक मराठवाडा कृषी विद्यापीठातील...
दोन वाहनांतील कापूस घेण्याचे आदेश द्या...परभणी : भारतीय कापूस महामंडळाच्या (सीसीआय) मानवत...
दुग्ध व्यवसायाने घराला आधारशेतीपूरक व्यवसायामध्ये दुग्ध व्यवसाय पूर्वीपासूनच...
पंतप्रधान मोदी यांच्याकडून संशोधक...नाशिक : जिल्ह्यातील वऱ्हाणे (ता.बागलाण) येथील...
ग्रामविकास विभागामार्फत मोफत आर्सेनिक...कोल्हापूर  : नागरिकांची रोगप्रतिकारक शक्ती...
कापसाच्या वाती करून शासनाची आरती...अमरावती  ः पूर्व विदर्भातील पांढऱ्या...
एचटीबीटीबाबत केंद्र सरकारकडे पाठपुरावा...नागपूर  ः एचटीबीटीचा विषय केंद्र सरकारच्या...