पावसामुळे शेतीकामात अडथळे 

परतीच्या पावसाचा दणका अजूनही सुरूच आहे. बुधवारी (ता.२२) सायंकाळी राज्यातील काही भागांत पावसाच्या जोरदार सरी पडल्या आहेत.
rain
rain

पुणे ः परतीच्या पावसाचा दणका अजूनही सुरूच आहे. बुधवारी (ता.२२) सायंकाळी राज्यातील काही भागांत पावसाच्या जोरदार सरी पडल्या आहेत. कोकण, मध्य महाराष्ट्रात पावसाच्या हलक्या ते मध्यम सुरू पडल्याने शेतीकामांमध्ये अजूनही अडथळे सुरूच आहेत. 

येत्या दोन दिवसांत राज्याच्या काही भागांत मॉन्सून माघार घेणार असल्याने पावसाच्या जोरदार सरी बरसत आहेत. काही ठिकाणी वादळी वारे व विजांच्या कडकडाटसह पाऊस पडत आहे. कोकणात दिवसभर ऊन पडत असून सायंकाळी पावसाची हजेरी लागत आहे. ठाण्यातील उल्हासनगर येथे सर्वाधिक ५२ मिलिमीटर पाऊस पडल्याची नोंद झाली आहे. तर इतर भागातही हलका पाऊस पडला. मध्य महाराष्ट्रातही नगर, पुणे, नाशिक, कोल्हापूर या भागात पावसाच्या सरी पडल्या आहेत. त्यामुळे भात पिकांच्या नुकसानीत वाढ होत आहे. 

सातारा, सांगली, सोलापूर, खानदेशातील धुळे, नंदुरबार, जळगाव भागात काही प्रमाणात पावसाने उघडीप दिली असली तरी काही ठिकाणी शिडकावा होत आहे. अकोले येथे पावसाच्या जोरदार सरी पडल्या असून चंदगड, तळोदा, पौड भागात पावसाच्या बऱ्यापैकी हजेरी लावली होती. 

मराठवाडा व विदर्भातही तुरळक ठिकाणी पावसाने हजेरी लावली. औरंगाबाद परिसरात ५६.८ मिलिमीटर पावसाची नोंद झाली. जालना जिल्ह्यातही हलक्या सरी पडल्या. मराठवाड्यात पावसाने बऱ्यापैकी उघडीप दिल्याने शेतकऱ्यांची शेतीकामांसाठी लगबग सुरू झाली आहे. 

शेतकरी पीक काढणीच्या कामाला लागला. मात्र, काही ठिकाणी अजूनही शेतात पाणीच पाणी असल्याने शेतीकामे खोळंबली आहेत. 

गुरूवारी (ता.२२) सकाळी आठ वाजेपर्यंत झालेला पाऊसः मिलिमीटर (स्त्रोतः हवामान विभाग)  कोकण : जव्हार २७, पनवेल २५.८, कणकवली १९, सावंतवाडी २४, वैभववाडी १६, वेंगुर्ला ३६.६, अंबरनाथ ३४, भिवंडी ३०, उल्हासनगर ५२.  मध्य महाराष्ट्र : अकोले ३१, शिरपूर २१, चंदगड २२, तळोदा २७, त्र्यंबकेश्वर १८, येवला १६, पौड २५.३, वडगाव मावळ १८.४.  मराठवाडा : औरंगाबाद ५६.८, पैठण १६, सिल्लोड २७, बदनापूर १६.  विदर्भ ः अकोला १०.६, बुलडाणा १०.२.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com