agriculture news in Marathi farmer beaten by trader in Nashik Maharashtra | Agrowon

नाशिक बाजार समितीत व्यापाऱ्याकडून शेतकऱ्याला मारहाण

टीम अॅग्रोवन
बुधवार, 25 नोव्हेंबर 2020

असतानाच सटाणा तालुक्यातील कुपखेड येथील भाजीपाला उत्पादक शेतकरी रामदास आहिरे यांना बाजार समिती आवारात मारहाण केल्याचा प्रकार समोर आला आहे.

नाशिक : येथील कृषी उत्पन्न बाजार समितीत शेतकऱ्यांना अश्‍लील भाषेत शिवीगाळ केल्याचा प्रकार ताजा असतानाच सटाणा तालुक्यातील कुपखेड येथील भाजीपाला उत्पादक शेतकरी रामदास आहिरे यांना बाजार समिती आवारात मारहाण केल्याचा प्रकार समोर आला आहे. त्यामुळे बाजार समितीने काही दिवसांपूर्वी व्यापाऱ्यावर कारवाई करूनही मुजोरी कमी न होता, थेट मारहाण केल्याच्या घटना घडत असल्याने शेतकऱ्यांमध्ये भीतीचे अन् संतापाचे वातावरण आहे. 

याबाबत सविस्तर वृत्त असे, की सटाणा तालुक्यातील कुपखेड येथील भाजीपाला उत्पादक रामदास आहिरे कोथिंबीर विक्रीसाठी गुरुवारी (ता. १९) बाजारात आले होते. बाजार समितीतील ‘शिवांजली’ नाव असलेल्या आडतीमध्ये कोथिंबीर विक्रीसाठी लावली. या वेळी आणलेल्या मालाचे दोन वक्कल केले. एक वक्कल संजय जाधव, तर दुसरे वक्कल पवन पाटील यांनी खरेदी केले. खरेदी झाल्यानंतर पवन पाटील यांनी माल भरून घेतला, मात्र जाधव यांनी शेतीमाल भरून घेतला नाही. रात्री उशीर होत असल्याने आम्हाला दूर जायचे आहे, शेतीमाल लवकर भरून घ्या, अशी विनंती श्री. आहिरे यांनी व्यापाऱ्याकडे केली. 

यावर माल भरून न घेता संजय जाधव यांच्या मुलांनी अर्वाच्च भाषेत अश्‍लील शिवीगाळ करत धक्काबुक्की करत मारहाण केल्याचा प्रकार या ठिकाणी घडला. या वेळी शेतकरी आहिरे यांच्या गळ्यातील २ तोळे वजनाची सोनसाखळी मारहाणीत गहाळ झाली. त्यानंतर शेतकऱ्याने पोलिसात धाव घेतल्यानंतर त्यास त्याची भरपाई देऊन प्रकरण दाबल्याचे सांगितले जात आहे.मात्र असे प्रकार घडत असल्याने बाजार समितीतील सुरक्षा व्यवस्था असल्याचे पुन्हा एकदा ऐरणीवर आली आहे. 

मुजोरी कधी थांबणार?
संबंधित व्यापाऱ्याने बाजार समितीकडे तक्रार केली नाही. तरीही संबंधित व्यापाऱ्यांवर कारवाई केली असल्याचे बाजार समितीचे सचिव अरुण काळे यांनी सांगितले. व्यापाऱ्याचा परवाना रद्द करून लिलावात सहभागी होऊ नये, याबाबत कळविले आहे. मात्र व्यापाऱ्यांची मुजोरी कधी थांबणार, असा सवाल शेतकरी उपस्थित करत आहेत. अलीकडेच घडलेल्या दोन्ही प्रकरणांत शेतकरी हे माजी सैनिक आहेत. 

प्रतिक्रिया
शेतकरी काबाडकष्ट करतो. दोन पैसे मिळतील या आशेने नाशिक बाजार समितीत शेतीमाल विक्री करण्यासाठी येतो. मात्र येथील अनेक व्यापारी शेतकऱ्यांवर दादागिरी करतात. वेळप्रसंगी मारहाणही करतात. त्यामुळे ही बाजार समिती आहे, की गुंडांचा अड्डा? हे बाजार समितीने सांगावे. अन्यथा, शेतकऱ्यांना संरक्षण देण्यासाठी व्यवस्था करावी.
- रामदास आहिरे, पीडित शेतकरी, कुपखेड, ता. सटाणा


इतर अॅग्रो विशेष
आधुनिक गुऱ्हाळाद्वारे केवळ चार गुंठ्यात...कोल्हापूर शहरापासून काही किलोमीटरवरील कणेरी...
थंडीत वाढ होण्याची शक्यता पुणे ः राज्यातील काही भागांत अंशतः ढगाळ...
तुरीला दराची झळाळीनांदेड : तूर उत्पादक पट्ट्यात नव्या तुरीची आवक...
इथे १५ मिनिटांत सोडवला जातो प्रश्‍न !पुणे : ‘‘आयएसओ’ मानांकन मिळविणारे आणि काही...
राज्यात साखरेचा महापूरपुणे : राज्यात गेल्या वर्षीची ३६ लाख टन साखर...
तंत्रज्ञान सप्ताहात शेतकऱ्यांना घातली...माळेगाव, जि. पुणे ः भरडधान्य उत्पादन,...
अद्याप ४१२ लाख टन ऊसगाळप बाकीपुणे : राज्यातील साखर कारखान्यांनी आतापर्यंत ५३४...
कामे व्यवस्थित करा, अन्यथा पगारातून...पुणे : नानाजी देशमुख कृषी संजीवनी (पोकरा)...
सरकारचा पसारा आवरासरकार कोणत्याही देशातला एक महत्त्वाचा घटक असतो....
यांत्रिकीकरणाचे वास्तव!मागच्या वर्षात (२०२०) भारतात नऊ महिने कडक...
बर्ड फ्लू ः खबरदारी आणि जबाबदारीमार्च-एप्रिल २०२० पासून देशात कोरोनाच्या...
पोखरलेला ‘पोकरा’नानाजी देशमुख कृषी संजीवनी प्रकल्पातून (पोकरा) ...
प्रस्थापितांना दणका; तरुणाईची मुसंडी पुणे : राज्यात सोमवारी (ता. १८) ग्रामपंचायतींच्या...
किमान तापमानात वाढ पुणे ः राज्यातील कोकण, मध्य महाराष्ट्र व...
शेतकऱ्यांच्या रॅलीबाबतचा निर्णय ...नवी दिल्ली ः विविध शेतकरी संघटनांकडून प्रजासत्ताक...
गहू, तांदळाच्या दराच्या प्रश्‍नांमुळेच...माळेगाव, जि. पुणे : देशपातळीवर आणि विशेषतः...
निर्यातीची साखर वाहतूक कंटेनर अभावी...कोल्हापूर: केंद्राच्या साखर निर्यात अनुदान...
रंगीत कापसाचा प्रयोग यशस्वीयवतमाळ  ः शेतीचा व्यासंग जपलेल्या मारेगाव...
व्यावसायिक दृष्टिकोनामुळेच यशस्वी...पुणे जिल्ह्यात अति पावसाच्या मावळ तालुक्यातील...
संयुक्त कुटुंबाचे शेती, पूरक उद्योगाचे...यशवंतवाडी (जि. लातूर) येथील पाच भाऊ व एकूण ४०...