शेतकरी बोंड अळी अनुदानाच्या प्रतीक्षेत

बुलडाणा : कापूस पिकावर गेल्या हंगामात अालेल्या बोंड अळीच्या संकटानंतर शासनाने मदत जाहीर केली. मात्र, अद्यापही हजारो शेतकरी अनुदानाच्या प्रतीक्षेत अाहेत. शेतकरी बँकांमध्ये चौकशी करून थकले अाहेत. बुलडाणा जिल्ह्याला बोंड अळी नुकसानापोटी १३४ कोटी ३४ लाख ३६ हजार रुपये मदत जाहीर झाली होती. त्यापैकी ८९ कोटी ५६ लाख मिळाले. मदतीच्या तिसऱ्या टप्प्यातील अनुदानाच्या प्रतीक्षेत शेतकरी अाहेत.

मागील हंगामात जिल्ह्यात कापसाचे सुमारे एक लाख ९० हजार हेक्टर क्षेत्र होते. यापैकी बहुतांश कपाशीचे पीक बोंड अळीच्या प्रादुर्भावाला बळी पडल्याने शेतकऱ्यांना उत्पादन खर्च काढणेही कठीण गेले.शेतकऱ्यांना अद्याप ४४ कोटी ७८ लाख ३६ हजार रुपये नुकसान भरपाई मिळणे बाकी आहे. कमी पावसामुळे बुलडाणा जिल्हा सध्या होरपळत अाहे.

खरीप हंगामात मूग, उडीद, सोयाबीन पिकांची उत्पादकता घटली अाहे. कपाशीच्या पिकाचे पावसाअभावी किती उत्पादन मिळेल, याची खात्री नाही. अशा स्थितीत शेतकऱ्यांना मदतीची नितांत गरज अाहे.    जिल्ह्याला अातापर्यंत मिळालेला दोन टप्प्यांतील ८९ कोटी ५१ लाख २८ हजार ९२१ रुपयांचा निधी वितरित झाला अाहे. मदत मिळालेल्या शेतकऱ्यांची एकूण संख्या १ लाख ३६ हजार ८६५ आहे.

मदत मिळालेल्या शेतकऱ्यांची संख्या (तालुकानिहाय)