agriculture news in marathi, farmers agitation affects Mumbai, Nashik city | Agrowon

शेतकरी संपाने मुंबई, नाशिकला शेतमालाची आवक घटली

टीम अॅग्रोवन
रविवार, 3 जून 2018

पुणे : राष्ट्रीय किसान महासंघाने पुकारलेल्या शेतकरी संपात राज्यातील काही जिल्ह्यांत दुसऱ्या दिवशीही ठिकठिकाणी प्रतिसाद मिळाला. महत्त्वाच्या मुंबई, नाशिक बाजार समित्यांत आवक मोठ्या प्रमाणात घटली आहे. पुण्यात शनिवारी (ता.२) बाजार समितीस सुटी असल्याने आज (ता.३) आवकेवर परिणाम होण्याची शक्यता व्यक्त केली जात आहे. दुसरीकडे शेतकरी संघर्ष समितीने ७ जूनपासून आंदोलनात उतरण्याची घोषणा केल्याने संपाची तीव्रता वाढणार आहे. 

पुणे : राष्ट्रीय किसान महासंघाने पुकारलेल्या शेतकरी संपात राज्यातील काही जिल्ह्यांत दुसऱ्या दिवशीही ठिकठिकाणी प्रतिसाद मिळाला. महत्त्वाच्या मुंबई, नाशिक बाजार समित्यांत आवक मोठ्या प्रमाणात घटली आहे. पुण्यात शनिवारी (ता.२) बाजार समितीस सुटी असल्याने आज (ता.३) आवकेवर परिणाम होण्याची शक्यता व्यक्त केली जात आहे. दुसरीकडे शेतकरी संघर्ष समितीने ७ जूनपासून आंदोलनात उतरण्याची घोषणा केल्याने संपाची तीव्रता वाढणार आहे. 

नाशिकला ७० टक्के आवक कमी
नाशिक : शेतकऱ्यांनी १ जूनपासून सुरू केलेल्या आंदोलनाचा फटका नाशिक कृषी उत्पन्न बाजार समितीला बसला आहे. बाजार समितीमध्ये जवळपास ७० टक्के भाजीपाला आणि फळभाज्यांची आवक घटल्याची माहिती बाजार समिती प्रशासनाने दिली; तर मुंबईकडे भाजीपाला घेऊन फक्त दहा वाहने गेली. त्यामुळे पहिल्याच दिवशी सुमारे चार कोटींची उलाढाल मंदावली. 

या आंदोलनाचा परिणाम पहिल्याच दिवशी दिसून आला. शुक्रवारपासून (ता.१) शेतकरी संघटनांनी पुकारलेल्या आंदोलनाला पहिल्या दिवशी शंभर टक्के प्रतिसाद मिळाला नसला, तरी नाशिक कृषी उत्पन्न बाजार समितीवर त्याचा मोठा परिणाम दिसून आला. यामध्ये शुक्रवारी भाजीपाला आणि फळभाज्यांची आवक ७० टक्के कमी झाल्याचे दिसून आले. बाजार समितीमध्ये आवक कमी झाल्याने भाजीपाल्याला दरदेखील चांगला मिळाला; तसेच मुंबईला नाशिकहून सर्वसामान्य दिवसात जवळपास ३५ ते ४० ट्रक भाजीपाल्याचा पुरवठा केला जातो. मात्र, आंदोलनाच्या पहिल्याच दिवशी मुंबईकडे फक्त १२ ते १५ वाहने गेली तीदेखील संपूर्ण न भरता जसा भाजीपाला उपलब्ध झाला त्या पद्धतीने पाठविण्यात आला. दरम्यान, सुरू झालेल्या आंदोलनाला दिवसभरात जिल्ह्यात कुठेही गालबोट लागले नसल्याने शनिवारी (ता.२) बाजार समितीत भाजीपाल्याची आवक काही प्रमाणात वाढली. मात्र संपामुळे पुढील काही दिवस आवक कमीच राहण्याची शक्यता आहे. शेतकरी आंदोलन १० जूनपर्यंत सुरू ठेवण्याचा इशारा देण्यात आला आहे.

पुन्हा रस्त्यावर : डॉ. नवले
मुंबई : दूध दरातील अभाव, साखरेचे कोसळलेले भाव आणि मोझांबिकमधून आयात तुरीवरून राज्य सरकार विरोधात पुन्हा एकदा एल्गार पुकारण्याचा इशारा शेतकरी संघर्ष समितीने दिला. या संदर्भात राज्य सरकारने सात जूनपर्यंत कोणताही प्रतिसाद न दिल्यास त्यानंतर शेतकऱ्यांनी शहरांचा दूध आणि भाजीपाला पुरवठा थांबवावा असे आवाहन किसानसभेचे डॉ. अजित नवले यांनी केले. ते पत्रकार परिषदेत बोलत होते. 
डॉ. नवले म्हणाले, की राज्यात शेतकऱ्यांच्या दुधाला शासनाने ठरवून दिलेला प्रतिलिटर २७ रुपये दर मिळत नाही. तरीही देवेंद्र फडणवीस सरकार गुजरात आणि कर्नाटकच दूध पायघड्या घालून महाराष्ट्रात आणत आहे. साखरेचे दरही कोसळलेले आहेत. राज्यात तूर खरेदी थांबली आहे. तरीही सरकारकडून पाकिस्तानातून साखर आणि मोझांबिकमधून तूर आयात केली जात आहे.

दूध उत्पादक, ऊस उत्पादक, तूर उत्पादक अशा सर्वच शेतकऱ्यांचे शोषण सुरू आहे. मात्र, केंद्रात आणि राज्यात निर्लज्ज सरकार आहे. त्यांच्याकडून शेतकऱ्यांबद्दल चांगल्या निर्णयांची अपेक्षा नाही. त्यामुळे पुन्हा एकदा सरकारच्या विरोधात रस्त्यावर उतरणार आहोत. याचा निषेध म्हणून येत्या ५ जूनला शिवराज्याभिषेक दिनाच्या पूर्वसंध्येला राज्यभर निषेध आंदोलन करणार आहोत. शेतकरी संघर्ष समितीच्या वतीने गुजरात आणि कर्नाटकमधील राज्यात येत असलेले दूध, पाकिस्तानची आयात साखर आणि मोझांबिकची तूर तहसीलदार कार्यालयामार्फत फडणवीस सरकारला भेट म्हणून पाठवणार आहोत. त्यानंतरही सरकारकडून कोणताही प्रतिसाद न मिळाल्यास ७ जूननंतर शेतकऱ्यांनी शहरांचा भाजीपाला आणि दूधपुरवठा रोखावा, असे आवाहन आहे. ७ जूननंतर शेतकऱ्यांनी हा लढा स्वतःच्या हातात घेऊन शहरांचा पुरवठा थांबवावा, आम्ही त्यांना पाठिंबा देऊ. त्यानंतर १० जूनला राज्यभरात शेतकरी चक्का जाम आंदोलन करून सरकारला औकात दाखवून देतील, असा इशाराही त्यांनी या वेळी दिला. तसेच १ जूनपासून शेतकरी संघटनांनी पुकारलेल्या आंदोलनाला पाठिंबा असल्याचेही त्यांनी स्पष्ट केले.


इतर ताज्या घडामोडी
काटेवाडीत होणार पहिला व्यावसायिक मुरघास...पुणे  ः दुष्काळी स्थितीत जनांवरासाठी चारा...
ऊस वाहतूक नियमांचे काटेकोर पालन करा ः...पुणे ः चालू वर्षी पुणे जिल्ह्यातील साखर...
नांदेड : रब्बीच्या पेरणीने सर्वसाधारण...नांदेड ः नांदेड जिल्ह्यात बुधवार (ता. ११) पर्यंत...
सांगली जिल्ह्यात प्रतिकूल हवामानाचा तूर...सांगली  : जिल्ह्यात पोषक हवामानाअभावी तूर...
तीन जिल्ह्यांत मुगाचे दोन कोटी ४० लाख ...नांदेड  ः किंमत समर्थन मूल्य योजनेअंतर्गत...
बारदान्याअभावी वाढल्या धान...भंडारा ः धान उत्पादकांसमोरील अडचणी संपता संपत...
नक्षलग्रस्त जिल्हे पाणीपट्टी सवलतीतून...गोंदिया  ः नक्षलग्रस्त भाग, तसेच पंतप्रधान...
कोल्हापुरात पुष्पप्रदर्शनाला मोठा...कोल्हापूर : स्वागत कमानीपासूनच विविध प्रकारच्या...
घोडेगाव उपबाजारात नव्या कांद्याला ११...सोनई, जि. नगर  : नेवासे बाजार समितीच्या...
फडणवीस सरकारच्या शिवस्मारकाच्या निविदा...नागपूर : मुंबईतील बहुचर्चित शिवस्मारकाच्या...
अवकाळीग्रस्तांना हेक्टरी २५ हजारांची...नागपूर : ओला दुष्काळग्रस्त शेतकऱ्यांना...
गुलटेकडीत बटाटा, फ्लॉवर, शेवग्याच्या...पुणे ः गुलटेकडी येथील पुणे कृषी उत्पन्न बाजार...
हिवाळी अधिवेशनात कर्जमाफी घोषणेची...पुणे : महाविकास आघाडीच्या किमान समान...
हिवाळी अधिवेशनात अंतिम आठवडा प्रस्तावच...मुंबई  ः येत्या सोमवारपासून नागपूर येथे सुरू...
गायीच्या दूध खरेदी दरात एक रुपयाने वाढपुणे  ः परराज्यांसह भुकटी उद्योगांकडून...
लाल कांद्याच्या दरात सुधारणा नाशिक  : दरवर्षीच्या प्रमाणे लाल कांद्याची...
सोलापूर जिल्ह्यातील नुकसानीपोटी मिळणार...सोलापूर  : ऑगस्टमध्ये आलेल्या महापुरात...
ठाकरे सरकारचे उद्यापासून पहिलेच अधिवेशनमुंबईः नागपूर येथील छोटेखानी हिवाळी अधिवेशनात...
ग्रासपेंटिंगच्या माध्यमातून...शिराढोण ः उस्मानाबाद जिल्ह्यातील निपाणी (ता. कळंब...
तनपुरे कारखाना चालावा ही जिल्हा बॅंकेची...नगर : "डॉ. बाबूराव तनपुरे सहकारी साखर कारखान्याची...