agriculture news in Marathi farmers agitation in nashik Maharashtra | Agrowon

कांदा निर्यातबंदी विरोधात नाशिक जिल्ह्यात उद्रेक कायम

टीम अॅग्रोवन
गुरुवार, 17 सप्टेंबर 2020

प्रतिकूल हवामान, वाढलेला उत्पादन खर्च व काढणी दरम्यान मजूर अडचणीला शेतकऱ्यांना सामोरे जावे लागले.

नाशिक: प्रतिकूल हवामान, वाढलेला उत्पादन खर्च व काढणी दरम्यान मजूर अडचणीला शेतकऱ्यांना सामोरे जावे लागले. शेतकऱ्यांचे उत्पन्न दुप्पट करण्याची भाषा करणारे केंद्र सरकार शेतकऱ्यांची साफ फसवणूक करीत असल्याची टीका राष्ट्रवादी व काँग्रेसच्या लोकप्रतिनिधींसह शेतकरी संघटनांनी केली आहे. तर, सलग दुसऱ्या दिवशीही जिल्हाभरात ठिकठिकाणी आंदोलने झाली. 

सोमवारी (ता.१४) केंद्र सरकारच्या वाणिज्य मंत्रालयाने कांदा निर्यातबंदीचा निर्णय घेतल्यानंतर वातावरण तापलेले आहे. अनेक ठिकाणी रास्ता रोको, निदर्शने करीत शेतकऱ्यांचा उद्रेक पाहायला मिळत आहे. नाशिक जिल्हा कॉंग्रेसतर्फे निदर्शने करताना गळ्यात कांद्याच्या माळा घालून घोषणाबाजी करण्यात आली. शहराध्यक्ष शरद आहेर, डॉ. हेमलता पाटील, वत्सला खैरे आदींसह कार्यकर्ते उपस्थित होते.

शेतकरी संघर्ष संघटनेच्या कार्यकर्त्यांनी कांदा निर्यातबंदी निषेधार्थ निफाड चौफुलीवर रस्तारोको करत प्रचंड घोषणाबाजी केली. याप्रसंगी संघटनेचे अध्यख हंसराज वडघुले, उत्तर महाराष्ट्र अध्यक्ष नाना बच्छाव, जिल्हा उपाध्यक्ष संजय पाटोळे, जिल्हा सरचिटणीस तानाजी वावधने, नितीन कोरडे उपस्थित होते.

संभाजी ब्रिगेडच्या वतीने येथे वाणिज्य मंत्री पीयूष गोयल विरोधात निदर्शने करण्यात आली. निर्यातबंदी मागे घ्यावी अन्यथा तीव्र आंदोलनाचा इशारा यावेळी देण्यात आला. यावेळी उपस्थित जिल्हा सचिव नितीन रोठे पाटील, शहराध्यक्ष प्रफुल्ल वाघ, विक्रम गायधनी आदी उपस्थित होते.

प्रतिक्रिया 
मुंबई, चेन्नई पोर्टसह बंगल्या देशाच्या सीमेवर हजारो टन कांदा अडविण्यात आला आहे. त्यामुळे कांद्याचे मोठ्या प्रमाणावर नुकसान होणार आहे. त्यामुळे बंदी तात्काळ मागे घ्यावी.
-आमदार नितीन पवार, कळवण-सुरगाणा विधानसभा मतदारसंघ

हा निर्णय म्हणजे शेतकऱ्यांची मुस्कटदाबी करत आहे. तुम्ही हमीभाव देणार नाही अन् असे निर्णय घेणार. कांदा उत्पादकांच्या पाठीत खंजीर खुपसण्याचा प्रयत्न आहे. रस्त्यावर उतरायला केंद्राने भाग पाडू नये. 
-आमदार दिलीप बनकर, निफाड विधानसभा मतदारसंघ

जीवनावश्यक वस्तूंच्या यादीतून कांद्याला वगळल्याचे सांगत केंद्र सरकारने स्वतःची पाठ थोपटवून घेतली. अन् काही महिन्यातच असा निर्णय घेऊन शेतकऱ्यांवर अन्याय केला आहे.
-शरद आहेर, अध्यक्ष, नाशिक शहर जिल्हा काँग्रेस


इतर बातम्या
कोल्हापुरात कांद्याचे सौदे शेतकऱ्यांनी...कोल्हापूर : कांद्याच्या दरात घसरण झाल्याने...
बार्शी तालुक्‍यात सोयाबीनचे मोठे नुकसानवैराग, जि. सोलापूर : बार्शी तालुक्‍यात...
`पांगरी परिसरातील पीक नुकसानीचा अहवाल...पांगरी : पांगरी (ता.बार्शी) भागात गेल्या दहा,...
परभणी जिल्ह्यात दीड लाख हेक्टर कपाशी...परभणी : यंदाच्या खरिप हंगामात जिल्ह्यात ५ लाख १९...
खानदेशात सव्वालाख क्विंटल हरभरा...जळगाव : खानदेशात रब्बी हंगामाची तयारी लवकरच सुरू...
खानदेशात केळीची उधारीने खरेदीजळगाव : खानदेशात कांदेबाग केळीची पुन्हा कमी दरात...
साखर कारखान्यांनी कामगारांची जबाबदारी...कोल्हापूर : राज्यातील साखर कामगारांची आरोग्याची...
नाशिक जिल्ह्यात पिकांचे ३७ हजार...नाशिक : चालू महिन्याच्या मध्यापासून जिल्ह्यात...
मराठवाड्यात पाऊस खरीप पिकांची पाठ सोडेनाऔरंगाबाद : जिल्ह्यात बहुतांश भागात हलका ते जोरदार...
मराठवाड्यात औरंगाबाद जिल्ह्याची पीक...औरंगाबाद ः मराठवाड्यात खरीप पीक कर्जवाटपात...
कांदा निर्यातबंदी उठवा; नगर जिल्हा...नगर : केंद्राने कांदा निर्यातबंदीचा निर्णय...
लातूर विभागात १५ लाख हेक्टरवर रब्बीचे...लातूर : येथील विभागीय कृषी सहसंचालक...
नांदेडमध्ये पावसाने ८३ हजार हेक्टर...नांदेड : अतिवृष्टी, पूरामुळे जिल्ह्यातील...
वऱ्हाडात पावसाचा पुन्हा धुमाकूळअकोला ः वऱ्हाडातील अकोला, बुलडाणा व वाशीम या...
शेतकरी विधवांकडून कंगना राणावतच्या...यवतमाळ : केंद्र सरकारच्या कृषी संबंधित नव्या...
सिंधुदुर्गाच्या काही भागात मुसळधार सुरूचसिंधुदुर्ग ः जिल्ह्याच्या काही भागात पावसाचा जोर...
सांगलीत रब्बीसाठी ३३ हजार क्विंटल बियाणेसांगली ः सांगली जिल्ह्यात रब्बी हंगामात युरियासह...
निळवंडे धरण तुडुंबअकोले, जि. नगर : उत्तर नगर जिल्ह्याला वरदान...
कोकण, खानदेशात पावसाचा धुमाकूळ पुणे ः कोकण आणि खानदेशला पावसाने झोडपून काढले....
आदिवासी बेरोजगारांसाठी औषधी वनस्पतीवरील...कर्जत, जि. रायगड : आदिवासींच्या उत्कर्षासाठी...