Agriculture News in Marathi Farmers angry over power issue On the road against MSEDCL | Page 4 ||| Agrowon

वीजप्रश्नी संतप्त शेतकरी  महावितरण विरोधात रस्त्यावर 

टीम अॅग्रोवन
रविवार, 28 नोव्हेंबर 2021

संतप्त शेतकऱ्यांनी शुक्रवारी (ता.२६) सटाणा येथे राष्ट्रीय महामार्गावर शहरातील छत्रपती शिवाजी महाराज पुतळ्याजवळ रस्ता रोको आंदोलन छेडले होते. या वेळी शेतकऱ्यांनी महावितरण विरोधात रस्त्यावर येऊन धोरणाचा निषेध केला.     

नाशिक : महावितरण कंपनीकडून सटाणा तालुक्यात थकीत वीजबिल वसुलीसाठी शेतीपंपांचा वीजपुरवठा खंडित करण्याचा सपाटा लावल्याने संतप्त शेतकऱ्यांनी शुक्रवारी (ता.२६) सटाणा येथे राष्ट्रीय महामार्गावर शहरातील छत्रपती शिवाजी महाराज पुतळ्याजवळ रस्ता रोको आंदोलन छेडले होते. या वेळी शेतकऱ्यांनी महावितरण विरोधात रस्त्यावर येऊन धोरणाचा निषेध केला.     

           महावितरणकडून जिल्हाभरात शेतकऱ्यांच्या शेती पंपाचे थकीत वीजबिल वसुली सुरू केली असून, त्यासाठी शेतकऱ्यांच्या बांधावर असलेले रोहित्रे बंद करण्याचे आदेश दिलेले आहेत. त्यानुसार अनेक गावांमधील विद्युत पुरवठा खंडित होत असल्याने शेतकऱ्यांकडून संताप व्यक्त केला जात होता. या पार्श्वभूमीवर आमदार दिलीप बोरसे यांनी शेतीपंपाच्या वीज जोडण्या खंडित करण्याचा प्रकार न थांबविल्यास तीव्र आंदोलन छेडण्याचा इशारा दिला होता. त्यानुसार शेकडो शेतकरी रस्त्यावर उतरले होते.

आमदार दिलीप बोरसे, भाजप किसान मोर्चा प्रदेश उपाध्यक्ष बिंदू शर्मा आदींसह शरद जोशी प्रणीत शेतकरी संघटना, स्वाभिमानी शेतकरी संघटना, महाराष्ट्र राज्य कांदा उत्पादक शेतकरी संघटना, रिपब्लिकन पार्टी ऑफ इंडिया आदी पक्ष संघटनांच्या पदाधिकाऱ्यांसमवेत पुकारलेल्या या रास्ता रोकोमुळे चौफुलीवरील चारही बाजूंची वाहतूक ठप्प झाली होती. 

  सध्या कांदा लागवडी सुरू आहे. पाच-सहा तासही सलग विद्युत पुरवठा होत नसल्याने अडचणी येत आहे. त्यातच ‘महावितरण’कडून सक्तीची वीजबिल वसुली सुरू करून शेतकऱ्यांच्या बांधावरील विद्युत पुरवठा खंडित करण्याची मोहीम हाती घेतली आहे. त्याचा निषेध करण्यासाठी तालुक्यातील सर्व शेतकरी संघटनांनी एकत्र येऊन शेतकऱ्यांसह रस्त्यावर उतरून ठिय्या दिला. 

पोलिस निरीक्षक सुभाष अनमूलवार व अधिकारी कर्मचाऱ्यांनी आंदोलनस्थळी दाखल होत बंदोबस्त तैनात ठेवला. या वेळी स्वाभिमानी शेतकरी संघटनेचे समन्वयक कुबेर जाधव, राज्य कांदा उत्पादक शेतकरी संघटनेचे उत्तर महाराष्ट्र प्रमुख अभिमन पगार, स्वाभिमानी शेतकरी संघटनेनेचे जिल्हा कार्याध्यक्ष सुभाष आहिरे, भाजपचे नेते डॉ. विलास बच्छाव, शेतकरी संघटनेचे तालुकाध्यक्ष माणिक देवरे आदींनी मनोगत व्यक्त करून सक्तीची वीजबिल वसुली व विद्युत पुरवठा खंडित करण्याच्या धोरणाचा जाहीर निषेध केला. 

पोलिसांच्या मध्यस्थीनंतर आंदोलन मागे 
‘महावितरण’चे कार्यकारी अभियंता सतीश बोंडे यांनी आंदोलनस्थळी येऊन निवेदन स्वीकारले. शेतकरी आंदोलकांच्या भावना वरिष्ठांना कळविण्याचे आश्वासन दिल्यानंतर आंदोलन स्थगित करण्यात आले. या वेळी पोलिस प्रशासनाच्या मध्यस्थीनंतर आंदोलन मागे घेण्यात आले. शेतकरी नेते भास्कर सोनवणे, प्रहार शेतकरी संघटनेचे किरण मोरे, ‘स्वाभिमानी’चे तालुकाध्यक्ष रमेश आहिरे, केदाबापू काकुळते, सुरेश मोरे, बापूराज खरे, राजू पवार, दीपक मोरे, सनी शर्मा, नीलेश धोडगे, किरण ठाकरे, हेमंत सोनवणे, अतुल पवार, दिलीप पुढारी, विनोद अहिरे, अरुण देवरे, दीपक देवरे, प्रकाश देवरे आदींसह तालुका भरातील शेतकरी मोठ्या संख्येने उपस्थित होते. 


इतर बातम्या
सोलापूर जिल्हा दूध संघाच्या निवडणुकीची...सोलापूर ः सोलापूर जिल्हा सहकारी दूध उत्पादक...
वीज प्रश्नांवर मार्ग काढू : भुजबळनाशिक : ‘‘शेतकऱ्यांचे प्रश्न सोडविण्यासाठी...
तूर डाळ शंभरी गाठणार नागपूर ः खरीप पिकांना अवेळी आलेल्या पावसाचा फटका...
पाच जिल्ह्यांत १४ लाख हेक्‍टरवर रब्बीची...लातूर : विभागातील लातूर, उस्मानाबाद, परभणी,...
जळगाव, अमळनेर, चोपडा बाजारात मक्याचे दर...जळगाव ः  जिल्ह्यातील जळगाव, चोपडा व...
बीटी वांगी लागवडीसाठी १७...पुणे ः जनुकीय परावर्तित (जीएम) बियाणे बंदी...
मनमाडमध्ये वाढत्या थंडीमुळे दूध...मनमाड, ता. नांदगाव : गेल्या काही दिवसांपासून...
सोलापूर जिल्ह्यात पीककर्जाची मर्यादा...सोलापूर ः शेतीचे अपेक्षित उत्पन्न आणि हवामानाचा...
जळगावात ‘वाळू माफियाराज’जळगाव ः जिल्ह्यात विशेषतः जळगाव तालुक्यातील सर्वच...
जळगाव जिल्ह्यात ओल्या दुष्काळाच्या...जळगाव ः  अतिवृष्टीमुळे अनेक शेतकऱ्यांचे...
दुधाला भाव व बाजारपेठ मिळवून देणार :...वर्धा : ग्रामीण भागातील आर्थिक व्यवस्था ही...
कोल्हापूर : ‘एफआरपी’चा वाढीव रक्कम न...कोल्हापूर : गेल्या हंगामात तोडणी वाहतूक खर्च कमी...
अकोलाः करपा रोगाचा केळीला फटका पणज, जि. अकोलाः जिल्ह्यात पणज, बोचरा, शहापूर,...
नागपूर : महाज्योतीमार्फत करडईचे ५०...नागपूर : ‘‘महाज्योतीच्या माध्यमातून ओबीसी...
खतांचे वाढीव दर कमी करा मुंबई : अनुदान मिळणाऱ्या खत पुरवठादारांनी...
भारताच्या फिर्यादीस ऑस्ट्रेलियाकडून...देशांतर्गत ऊस आणि साखर उत्पादकांना करण्यात...
हवामानशास्त्र विभागाचा अंदाज, पारा...  पुणे - दक्षिण कोकणावर गेल्या तीन...
भारतातून सोयापेंड निर्यात घसरली, जाणून...१) दक्षिण कोकणावर गेल्या तीन ते चार दिवसांपासून...
साखर निर्यात जोरात ?जानेवारी २०२२ अखेरपर्यंत आणखी ७ लाख टन साखरेची...
पीकविम्यासाठी रविकांत तुपकरांचे मुंडन...बुलडाणा - जिल्ह्यातील अनेक शेतकऱ्यांना रिलायन्स...